Kafedra mudiri_ (fan nomzodi yoki ilmiy unvonga ega)
Ekologiya va geografiya kafedrasi
Yoqub_80@mail.ru
BuxDU ilmiy kengashining 2019 yil 30 avgustidagi ijrosini ta’minlash maqsadida Buxoro davlat universiteti rektorining 03.09.2019 dagi 817-Sh buyrug`i asosida Ekologiya kafedrasi hamda Tuproqshunoslik va geografiya kafedrasi negizida Ekologiya va geografiya kafedrasi shakllantirilgan. Ushbu kafedrada 5630100 – Ekologiya va atrof-muhit muhofazasi (tarmoqlar bo’yicha), 5140600 - Geografiya bakalavr ta’lim yo’nalishlari bo’yicha hamda 5A140602 - Geografiya (o’rganish obyekti bo’yicha) magistratura ta’lim yo’nalishi bo’yicha mutaxassislar tayyorlanadi.
Ekologiya ta’lim yo’nalishi tarixi.
Ekologiya kafedrasi universitetning 2001 yil 17 sentyabrdagi 204-U raqamli buyrug`i asosida Zoologiya va Botanika kafedralari negizida tashkil etilgan edi. Shundan so`ng 2005 yil iyun oyidan boshlab 2006 yil iyunga qadar bir yil mobaynida kafedra umumiy kimyo kafedrasi tarkibiga birlashtirilib, umumiy kimyo va ekologiya kafedrasi nomi bilan yuritildi.
Universitetning 2008 yil 1 iyundagi 203-U buyrug`i bilan ekologiya kafedrasida qayta tiklanib, uning tarkibida 7,5 to`liq shtatda belgilandi, 2007-2008 o`quv yilida Universitet Ilmiy kengashining buyrug`iga binoan Ekologiya kafedrasi tarkibiga agrokimyo va tuproqshunoslik kafedrasi birlashtirilib Ekologiya va tuproqshunoslik kafedrasi tashkil etildi. 2008 yil 10-iyuldagi 176-U buyrug`iga binoan Ekologiya kafedrasi tuproqshunoslik yo`nalishidan ajratilib mustaqil faoliyat ko`rsata boshladi.
Universitet Ilmiy kengashining 2014 yil 23-avgustdagi 256-U sonli 1-yig`ilishi qarori ijrosini ta’minlash maqsadida hamda universitet fakultetlari va kafedralari tuzilmalarini optimallashtirish universitet tashkiliy tuzilmasiga o`zgartirish kiritish to`g`risidagi qaroriga binoan kafedra tarkibidan geografiya yo`nalishi ajralgan holda Ekologiya kafedrasi tashkil etildi.
Kafedra faoliyat boshlagandan beri 5850200- Ekologiya va tabiatdan foydalanish ta’lim yo`nalishi bo`yicha bakalavrlar tayyorlagan bo`lsa, hozirgi vaqtda o`quv reja o`zgarishi munosabati bilan 5630100-Ekologiya va atrof muhit muhofazasi yo`nalishi bo`yicha bakalavrlar tayyorlamoqda.
Geografiya ta’lim yo’nalishi tarixi.
BuxDU (sobiq Bux DPI) da geografiya yo‘nalishi bo‘yicha malakali mutaxassislarni tayyorlash 1964 yildan (sirtqi) va 1965 yildan (kunduzgi) boshlangan.
Dastlabki yillarda geografiya mutaxassisligiga tegishli fanlar «Qishloq xo‘jaligi asoslari» kafedrasi huzurida o‘qitilgan. Keyinchalik bu kafedra «qishloq xo‘jaligi asoslari va geografiya» nomi bilan faoliyat ko‘rsatgan.
Geografiya kafedrasi 1979 yil 7 sentyabrdan boshlab mustaqil faoliyat ko‘rsatib kelmoqda. O‘tgan davr ichida 1500 dan ortiq geograf-biolog, tarixchi-geograf, geograflar o‘qituvchi ixtisosligi bo‘yicha yuqori malakali mutaxassis kadrlar tayyorlandi.
Geografiya bo‘limida bakalavriyat 5440500- geografiya (kunduzgi), 5440500- geografiya (sirtqi), 5140600- geografiya va iqtisodiy bilim asoslari (2-mutaxassislik) yo‘nalishlari bo‘yicha kadrlar tayyorlanmoqda. 2005 yil sentabr oyidan boshlab 5A440503 - tabiiy geografiya, landshaftlar geofizikasi va geokimyosi mutaxassisligi bo‘yicha magistratura ochilgan. 2-bosqichda 16 nafar magistr
Ayni paytda Ekologiya va geografiya kafedrasida 26 ta asosiy shtatda va 4 nafar o`qituvchi o`rindosh professor-o`qituvchi sifatida faoliyat ko`rsatyapti. Hozirgi vaqtda 3 ta fan doktoranti, 5 ta fan nomzodi, 8 ta katta o‘qituvchi, 10 ta assistent o‘qituvchilar faoliyat ko‘rsatib kelmoqdalar.
Turli yillarda kafedrada Nazarov I.Q., Nurov U.N., Fayziyev A.F., Salomov Yu.S., Raxmatov Yu.B., Alayorov I.Sh., Bahromov Q.H., To’rayeva L., Axmedova M., Saidqulova M.N. kabi professor-o’qituvchilar faoliyat ko’rsatganlar.
