Davlat granti asosida o‘qishni tamomlagan bitiruvchilarga diplom berilishi tartibi

2023/2024-o‘quv yili va undan oldingi yillarda davlat granti asosida Buxoro davlat universitetini tamomlagan bitiruvchilar diqqatiga!

O‘zbekiston Respublikasi Adliya vazirligi tomonidan 2005-yil 6-avgustda 1506-son bilan davlat ro‘yxatidan o‘tkazilgan «Kadrlarni davlat grantlari asosida maqsadli tayyorlash tartibi to‘g‘risida»gi Nizomga muvofiq davlat granti asosida tahsil olgan bitiruvchilarga diplom belgilangan tartibda beriladi.

Diplomni olish uchun bitiruvchi yo‘llanma asosida kamida 3 (uch) yil ishlaganligini tasdiqlovchi hujjatni taqdim etishi lozim.

Buning uchun Yagona interaktiv davlat xizmatlari portali (my.gov.uz) orqali olingan mehnat daftarchasidan ko‘chirma Buxoro davlat universiteti Bandlik va karyera bo‘limiga topshiriladi.

Agar bitiruvchi turli sabablarga ko‘ra ish joyini o‘zgartirgan bo‘lsa, Buxoro davlat universiteti Bandlik va karyera bo‘limi tomonidan unga yangi yo‘llanma belgilangan tartibda rasmiylashtiriladi.

• Belgilangan tartibda 3 (uch) yillik ish staji tasdiqlanmagan bo‘lsa.
• Zarur hujjatlar va tasdiqlovchi ma'lumotlar taqdim etilmagan bo‘lsa.

O‘zbekiston Respublikasi Prezidentining 2024-yil 24-maydagi PF–81-son Farmoniga muvofiq, 2024/2025-o‘quv yilidan boshlab bakalavriat va magistratura bosqichlariga davlat granti asosida qabul qilingan talabalar uchun ta'lim granti bir o‘quv yili uchun ajratiladi. Shu sababli mazkur talabalarga o‘qishni tamomlagandan so‘ng 3 yil ishlab berish majburiyati tatbiq etilmaydi.

"Kadrlarni davlat grantlari asosida maqsadli tayyorlash tartibi to‘g‘risida"gi Nizomning to‘liq matni bilan https://lex.uz rasmiy portalida tanishishingiz mumkin.

Buxoro davlat universiteti Bandlik va karyera bo‘limi
Telefon: (65) 221-27-49
Yagona interaktiv davlat xizmatlari portali: https://my.gov.uz
Qonunchilik ma'lumotlari milliy bazasi: https://lex.uz