Universitet nizomi

I. Umumiy qoidalar

1.1 Buxoro davlat universiteti (keyingi matnlarda “universitet” deb yuritiladi). O’zbekiston Respublikasi Prezidentining 1992 yil 28 fevraldagi PF-356 sonli Farmoni hamda Vazirlar Mahkamasining 1992 yil 11 martdagi 125-sonli Qaroriga asosan Buxoro davlat pedagogika instituti negizida tashkil topib, O’zbekiston Respublikasi Oliy va o‘rta maxsus ta’lim vazirligining tashkiliy tuzilmasiga kiradi.

1.2. Universitet davlat oliy ta’lim muassasasi hisoblanib, oliy ta’limning asosiy ta’lim “Dastur”larini bajarish bo‘yicha ta’lim faoliyati bilan shug‘ullanadi, shuningdek, O’zbekiston Respublikasining qonun hujjatlariga muvofiq o‘quv-pedagogik va ilmiy-metodik, shuningdek, shu sohaga tegishli boshqa faoliyatlarni amalga oshiradi hamda ta’lim xizmatlarini ko‘rsatadi.

1.3. Universitet o‘z faoliyatida O’zbekiston Respublikasining Konstitutsiyasi, “Ta’lim to‘g‘risida”gi Qonun, «Kadrlar tayyorlash milliy dasturi», Oliy Majlis palatalarining qarorlari, O’zbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qaror va farmoyishlari, Oliy va o‘rta maxsus ta’lim vazirligining normativ-huquqiy hujjatlari hamda mazkur «Nizom»ga amal qiladi.

1.4. Universitet yuridik shaxs maqomiga ega. Operativ boshqaruvida o‘ziga xos maxsus mol-mulk bo‘yicha o‘z majburiyatlariga muvofiq javob beradi, o‘z nomidan mol-mulk sotib olishi va mulkiy hamda nomulkiy huquqlarni amalga oshirishi, zimmasiga majburiyat olishi, shuningdek, sudda da’vogar va javobgar bo‘lishi mumkin.

Mustaqil balansga, bank muassasalarida hisob-kitob va boshqa, shu jumladan, valyuta bo‘yicha hisob raqamlariga, O’zbekiston Respublikasi Davlat Gerbi tasviri tushirilgan va o‘z nomi yozilgan muhrga, shtamplar va boshqa rekvizitlarga ega.

1.5. Universitet Buxoro shahri, Muhammad Iqbol ko‘chasi, 11-uyda joylashgan. (Indeks – 200117) . +998652212914, faks 998652212707, elektron manzil: bsu_info@edu.uz,  www.buxdu.uz, Bank rekvizitlari: sh/h:100010860064017094100079001, sh/h: 10001086006401709730007901, sh/h: 40011086006401795010007902, sh/h:400910860064017950100079002, sh/h: 400210860064017950100079080, bank nomi Markaziy bank XKKM Toshkent shahar bosh Boshqarmasi, MFO 00014, STIRi 201504275, OKONX 92110.

1.6. Universitetning o‘zbek tilida to‘liq nomlanishi: Buxoro davlat universiteti, qisqartirilgan nomlanishi – BuxDU.

Universitetning rus tilida to‘liq nomlanishi: Buxarskiy gosudarstvennыy universitet. Qisqartirilgan nomlanishi – BuxGU.

Universitetning ingliz tilida to‘liq nomlanishi: Bukhara State University. Qisqartirilgin nomlanishi BukhSU.

II. Universitetning asosiy vazifalari

Yuksak ma’naviy-axloqiy fazilatli, mustaqil fikrlashga qodir bo‘lgan, hozirgi zamon bozor sharoitlarida ishni tashkil etishning ilg‘or usullari va shakllarini egallab olgan yuqori ma’lumotli, malakali kadrlar tayyorlashga yo‘naltirilgan yagona davlat siyosatini amalga oshirish;

Kadrlar tayyorlash milliy dasturida mo‘ljallangan vazifalar bajarilishini ta’minlash;

mamlakatni ijtimoiy-iqtisodiy rivojlantirishning ustuvorliklariga muvofiq kadrlar tayyorlashning mavjud va istiqbolli yo‘nalishlari bo‘yicha korxonalar va tashkilotlar, shuningdek fuqarolar tomonidan ta’lim xizmatlariga bo‘lgan talabni o‘rganish va uning qondirilishini ta’minlash;

o‘quv-tarbiya jarayonida o‘qitishning ilg‘or shakllarini, shu jumladan masofadan turib o‘qitish, yangi pedagogik va axborot-kommunikatsiya texnologiyalarini joriy etish va ulardan samarali foydalanishni tashkil etish;

uzluksiz ta’lim tizimi uchun yangi avlod o‘quv adabiyoti yaratish konsepsiyasi talablariga muvofiq darsliklar va o‘quv-metodik adabiyotlar yaratilishi, tarjima qilinishi va nashr etilishini tashkil etish;

pedagog kadrlar va mutaxassislar tayyorlash, ularni qayta tayyorlash va ularning malakasini oshirish tizimini tashkil etish va takomillashtirish;

ilmiy-tadqiqot ishlarini tashkil etish, ularning samaradorligini oshirish va tadqiqotlarning natijalarini amaliyotga keng joriy etish, oliy ta’lim, fan va ishlab chiqarishning mustahkam o‘zaro hamkorligini ta’minlash;

muassasada huquqiy ta’lim va tarbiyaga, mutaxassislarning kasbiy tayyorgarligi sifatini oshirishga qaratilgan chora-tadbirlarni ishlab chiqish, korrupsiyaga qarshi kurashish sohasidagi davlat siyosatining asosiy yo‘nalishlarini hisobga olgan holda ta’lim dasturini muntazam takomillashtirish

– ilmiy salohiyatli pedagog xodimlar va ta’lim oluvchilarning tadqiqotlari, ilmiy izlanishlari, ijodiy faoliyatlari orqali fanni taraqqiy ettirish, olingan natijalardan ta’lim jarayonida foydalanishga erishish;

– istiqbolli ilmiy-pedagogik kadrlarni rivojlangan davlatlarda 2-3 oylik kurslarda o‘zaro hamkorlik bo‘yicha tuzilgan shartnomalar, homiylik va xalqaro tashkilotlar grantlari mablag‘lari hisobidan, shuningdek, O’zbekiston Respublikasi Prezidentining chet elda stipendiatlarning malakasini oshirish, stajirovka o‘tash va ta’lim olishini tashkillashtirish «Iste’dod» jamg‘armasi orqali mutaxassisligi bo‘yicha yangi bilimlarni egallashga yo‘naltirilgan malaka oshirishlarini tashkil etish, oliy ta’lim muassasalaridagi o‘quv jarayoniga yetakchi xorijiy mutaxassislarni muntazam ravishda jalb etish;

– jamiyatning axloqiy, madaniy hamda ilmiy qadriyatlarini saqlash va boyitish;

– aholi o‘rtasida ma’rifiy sohada targ‘ibot-tashviqot ishlarini olib borish, uning ma’naviy-ma’rifiy va madaniy darajasini ko‘tarishga hissa qo‘shish, hamda qonun hujjatlarida ta’qiqlanmagan boshqa vazifalarni amalga oshirish.

III. O’quv-tarbiyaviy hamda ilmiy-metodik

ishlarning sub’ektlari, ularning huquq va majburiyatlari.

Talabalar:

3.1. Universitet rektorining buyrug‘i bilan o‘qishga qabul qilingan shaxs Buxoro davlat universitetining talabasi hisoblanadi. Talabaga talabalik guvohnomasi hamda reyting daftarchasi beriladi.

Universitetga talabalikka, O’zbekiston Respublikasi Vazirlar Mahkamasi tomonidan tasdiqlangan “Oliy ta’lim muassasalarining bakalavriatiga talabalarni o‘qishga qabul qilish tartibi to‘g‘risida”gi Nizom hamda “Oliy ta’lim muassasalarining magistraturasiga o‘qishga qabul qilish tartibi to‘g‘risida”gi Nizom talablari asosida qabul qilinadi.

Oliy o‘quv yurtidan keyingi ta’limni universitetda tahsil olishni tashkil etish va o‘qish tartibi O’zbekiston Respublikasi Vazirlar Mahkamasi tomonidan tasdiqlangan “Oliy o‘quv yurtidan keyingi ta’lim to‘g‘risida” gi Nizom talablari asosida amalga oshiriladi.

3.2. Universitetning talabalari quyidagi huquqlarga ega:

fan, texnika, zamonaviy texnologiyalar yutuqlariga mos keluvchi bilimlar olish;

Universitet axborot-resurs markazida mavjud bo‘lgan kitoblar, davriy nashrlar, elektron ta’lim vositalaridan belgilangan tartibda bepul foydalanish;

bepul maslahatlar va yo‘l-yo‘riqlar olish;

auditoriyalar, ta’lim jarayoniga oid vositalardan o‘rnatilgan tartibda bepul foydalanish;

ta’lim jarayoni samaradorligi va ta’lim sifatini oshirish yuzasidan o‘z taklif-mulohazalarini, tanqidiy fikrlarini belgilangan tartibda ta’lim muassasasi, dekanat va kafedra rahbariyatiga bildirish va ularning ko‘rib chiqilishini talab qilish;

universitet va fakultet miqyosida o‘tkaziladigan ommaviy tadbirlarda ishtirok etish;

ilmiy tadqiqot ishlarida va ilmiy konferensiyalarda qatnashish, ularning natijalarini nashr etish va bu haqda axborotlar berish;

universitetda qonuniy ravishda faoliyat yuritayotgan jamoat birlashmalariga a’zo bo‘lish va ular ishida qatnashish.

Talaba sifatli va yuqori saviyada bilim olishi, tanlagan ixtisosligi bo‘yicha yuqori malakali mutaxassis bo‘lib yetishish uchun zarur bo‘lgan qonun hujjatlariga zid bo‘lmagan boshqa huquqlardan foydalanishga haqlidir.

Talaba o‘z huquqlarini suiste’mol qilmasligi, bu huquqlardan o‘zga shaxslar manfaatiga zid maqsadlarda foydalanmasligi shart.

3.3. Davlat grantlari bo‘yicha va to‘lov-kontrakt asosida o‘qitishning ishlab chiqarishdan ajralgan holdagi shaklida ta’lim olayotgan talabalar O’zbekiston Respublikasi Vazirlar Mahkamasi tomonidan belgilangan tartib va miqdorda stipendiya bilan ta’minlanadilar.

Beruniy, Ibn Sino, Navoiy, Ulug‘bek, Imom al-Buxoriy va Islom Karimov nomidagi davlat stipendiyalari O’zbekiston Respublikasi davlat oliy ta’lim muassasalarining bakalavriat bo‘yicha o‘qiyotgan oxirgi ikki kurs talabalariga tayinlanadi.

O’zbekiston Respublikasi Prezidentining davlat stipendiyalari O’zbekiston Respublikasi fuqarolari bo‘lgan universitet (bakalavriat va magistratura bo‘yicha alohida) talabalariga hamda universitetning so‘nggi o‘quv yili tayanch doktorantlariga O’zbekiston Respublikasi Oliy va o‘rta maxsus ta’lim vazirligi tomonidan o‘tkaziladigan tanlov natijalariga binoan tayinlanadi.

Shuningdek, talabalar Buxoro davlat universiteti stipendiyasi hamda o‘qishga yo‘llagan yuridik va jismoniy shaxslar tayinlagan stipendiyalarni olish huquqiga egadirlar.

3.4. O’zbekiston Respublikasi Vazirlar Mahkamasining 2017 yil 20 iyundagi 393-son qarori bilan tasdiqlangan “Oliy ta’lim muassasalari talabalari o‘qishini ko‘chirish, qayta tiklash va o‘qishdan chetlashtirish tartibi to‘g‘risida”gi Nizomning 36-bandiga muvofiq Harbiy xizmatni o‘tash, salomatligini tiklash, homiladorlik va tug‘ish, shuningdek bolalarni parvarish qilish ta’tillari davrida talabaga Oliy va o‘rta maxsus ta’lim vazirligi tomonidan tasdiqlangan tartib asosida akademik ta’til berilishi mumkin.

Talabalarga tibbiy ko‘rsatmalar bo‘yicha akademik ta’til berishga oid kasalliklar ro‘yxati “O’zbekiston Respublikasi oliy ta’lim muassasalari talabalariga akademik ta’til berish to‘g‘risida”gi nizomga ilovada ko‘rsatilgan.

3.5. O’zbekiston Respublikasi qonun xujjatlariga muvofiq Universitetda o‘qiyotgan vaqti davomida harbiy xizmatga chaqirish muddatini kechiktirish imkoni beriladi.

3.6. Talabalar turar joyiga muhtoj bo‘lgan talabalar Universitetning talabalar turar joylaridan, sanitariya me’yorlari va qoidalariga javob beradigan joy bilan ta’minlanadi. Talabalar turar joylari uchun to‘lovlar kommunal-maishiy xizmatlar uchun to‘lovlarni inobatga olib, Universitet tomonidan belgilanadi. Talabalarga Universitetning talabalar turar joylari maydonidan boshqa maqsadlarda foydalanish (ijaraga berish, boshqa kelishuvlar)ga ruxsat etilmaydi.

Ishlab chiqarishdan ajralgan holda o‘quv shaklida ta’lim olayotgan talabalarga o‘qishdan bo‘sh vaqtlarida Universitetning o‘zida, shuningdek, boshqa joylarda ishlashga ruxsat etiladi.

3.7. Universitetdan o‘z xohishi, akademik qarzdorligi yoki uzrli sabablarga ko‘ra chetlashtirilgan talaba O’zbekiston Respublikasi Vazirlar Mahkamasining 2017 yil 20 iyundagi 393-son qarori bilan tasdiqlangan “Oliy ta’lim muassasalari talabalari o‘qishini ko‘chirish, qayta tiklash va o‘qishdan chetlashtirish tartibi to‘g‘risida”gi Nizom asosida qayta o‘qishga tiklanish huquqiga ega.

Barcha o‘quv shakllari bo‘yicha talabalar safiga qayta tiklash to‘lov-kontrakt asosida “Oliy ta’lim muassasalari talabalari o‘qishini ko‘chirish, qayta tiklash va o‘qishdan chetlashtirish tartibi to‘g‘risida”gi  Nizom talablariga rioya qilingan holda amalga oshiriladi.

Davlat grantlari bo‘yicha ta’lim olgan yetimlar, I va II guruh nogironlar, shuningdek muddatli harbiy xizmatni o‘tagan (zaxiraga bo‘shagan kunlaridan boshlab uch yil mobaynida), akademik ta’tildan belgilangan muddatda qaytgan shaxslar istisno tariqasida, o‘qishga davlat grantlari o‘rinlariga qayta tiklanishi mumkin.

Oliy ta’lim muassasalari talabalarining o‘qishini qayta tiklash (keyingi o‘rinlarda Talabalar o‘qishini qayta tiklash deb ataladi) bo‘yicha arizalarni topshirish va ko‘rib chiqish bir yilda ikki marta amalga oshiriladi:

o‘qishini kuzgi semestrga qayta tiklash bo‘yicha ariza topshirish — har yili 15 iyuldan 5 avgustga qadar;

o‘qishini bahorgi semestrga qayta tiklash bo‘yicha ariza topshirish — har yili 20 dekabrdan keyingi yilning 20 yanvariga qadar davom etadi.

Qayta tiklash bo‘yicha arizalarni oliy ta’lim muassasasi, tasarrufida oliy ta’lim muassasalari bo‘lgan vazirlik (idora) tomonidan ko‘rib chiqib qaror qabul qilish:

kuzgi semestrga qayta tiklash uchun — har yili 5 avgustdan 30 avgustga qadar;

bahorgi semestrga qayta tiklash uchun — har yili 25 yanvardan 15 fevralga qadar amalga oshiriladi.

Talabalar safidan chetlashtirilgan fuqarolar o‘qishini boshqa oliy ta’lim muassasasiga mos (turdosh) ta’lim yo‘nalishi (mutaxassisligi)ga ko‘chirib tiklash to‘g‘risida ariza berish huquqiga ega. Bunda ilgari ta’lim olgan oliy ta’lim muassasasi roziligi talab etilmaydi.

O’zbekiston Respublikasi hududida ta’lim faoliyatini olib borish uchun litsenziyaga ega bo‘lmagan nodavlat oliy ta’lim muassasalari va boshqa mamlakatlar oliy ta’lim muassasalarining filiallari (markazlar, bo‘limlar, o‘quv-maslahat punktlari va boshqalar)dan talabalarni Universitetga o‘qishini ko‘chirish (o‘qishga tiklash) mumkin emas.

O’qishdan chetlatilganligiga 5 yildan 10 yilgacha muddat (harbiy xizmatda bo‘lganlik, uch yoshgacha bo‘lgan bolalarni parvarish qilish bilan bog‘liq mehnat ta’tili hamda sog‘liqni qayta tiklash vaqtlari ushbu muddatga kirmaydi) bo‘lgan hollarda talabalar o‘qishini qayta tiklash oliy ta’lim muassasasi bo‘ysunuvidagi vazirlik va idoralar ruxsati bilan amalga oshiriladi.

3.8. Universitet talabalari oliy ta’limning ta’lim dasturlari va o‘quv rejasida nazarda tutilgan bilimlarni egallashlari, topshiriqlarning barcha turlarini belgilangan muddatda bajarishlari zarur hamda Universitetning Nizomiga, Ichki tartib-qoidalari va Talabalar turar joylari qoidalariga rioya etishlari shart.

O’zbekiston Respublikasi Hukumati qarorlarida nazarda tutilgan hollardan tashqari, talabalarni o‘qish vaqti hisobidan ta’lim jarayoni bilan bog‘liq bo‘lmagan ishlarga jalb etish man etiladi.

3.9. Ushbu Nizom va universitetning Ichki tartib-qoidalarida nazarda tutilgan majburiyatlarni buzganda talabaga nisbatan quyidagi intizomiy jazo choralari ko‘riladi: xayfsan hamda talabalar safidan chetlatish.

Talaba Universitetdan quyidagi hollarda chetlashtirilishi mumkin:

a) o‘z xohishiga binoan;

b) o‘qishning boshqa ta’lim muassasasiga ko‘chirilishi munosabati bilan;

v) salomatligi tufayli (tibbiy komissiya ma’lumotnomasi asosida);

g) o‘quv intizomini va oliy ta’lim muassasasining ichki tartib-qoidalarini buzganligi uchun;

d) bir semestr davomida darslarni uzrli sabablarsiz 74 soatdan ortiq qoldirganligi sababli;

e) o‘qish uchun belgilangan to‘lov o‘z vaqtida amalga oshirilmaganligi sababli (to‘lov-kontrakt bo‘yicha tahsil olayotganlar uchun);

j) talaba sud tomonidan ozodlikdan mahrum etilganligi munosabati bilan;

z) vafot etganligi sababli.

3.10. Belgilangan muddatlarda fanlarni o‘zlashtira olmagan (akademik qarzdor bo‘lgan) talaba oliy ta’lim muassasasi rektori buyrug‘i bilan kursdan qoldiriladi.

Akademik qarzdorligi tufayli kursdan qoldirilgan talaba to‘lov-kontrakt asosida o‘qishini quyi kursdagi o‘quv semestri boshidan boshlashi mumkin.

Kursdan qoldirilgan talaba ushbu Nizomning 3.9-bandidagi holatlar bo‘yicha talabalar safidan chetlashtirilishi mumkin.

3.11. Oliy ta’lim muassasasi ma’muriyati tashabbusi bilan ushbu Nizomning 3.9-bandi «e» kichik bandiga ko‘ra talabalarni o‘qishdan chetlashtirish talabalar kasaba uyushmasining yozma roziligini inobatga olgan holda (kasaba uyushmasi a’zosi bo‘lgan talabalar uchun) amalga oshiriladi. Shuningdek, talaba mazkur Nizomning 3.9-bandi «g» kichik bandiga ko‘ra chetlashtirilayotgan holda, universitetning Yoshlar ittifoqi boshlang‘ich tashkiloti bilan ham kelishilishi mumkin.

3.12. Intizomiy jazoga tortilgan talaba o‘ziga qo‘llanilgan jazo chorasining qonuniyligi va adolatliligi yuzasidan qonun xujjatlarida belgilangan tartibda norozilik bildirishi mumkin.

Talabaga nisbatan qo‘llanilgan intizomiy jazo yuzasidan ma’lumot uning shaxsiy yig‘ma jildida saqlanadi.

3.13. Intizomiy jazolar talabalarning kasallik yoki ta’tilda bo‘lgan vaqti hisobga olinmagan holda xatti-harakat aniqlangandan so‘ng bir oydan va xatti-harakat sodir etilganidan so‘ng olti oydan kechiktirilmay qo‘llaniladi. Talabalar kasallik paytida, akademik ta’til yoki homiladorlik va tug‘ish holati bilan bog‘liq bo‘lgan ta’til paytlarda talabalar safidan chetlashtirish mumkin emas.

Kasallik payti talaba (yoki uning ota-onasi) ariza va tegishli ma’lumotnomalar bilan, odatda, bir haftadan kechiktirilmasdan universitet ma’muriyatga ma’lum qiladi.

3.14.  Universitetda ta’limning ishlab chiqarishdan ajralgan holdagi o‘quv shakllarida muvaffaqiyatli o‘qiyotgan talabalarga ularning ish joyidan O’zbekiston Respublikasi Mehnat Kodeksining tegishli moddalarida nazarda tutilgan imtiyozlar (maosh saqlangan yoki saqlanmagan holda qo‘shimcha ta’til, universitet joylashgan manzilga borish va kelish uchun yo‘l haqi va boshqalar) beriladi.

Tinglovchilar:

3.15. Universitet huzuridagi pedagog kadrlarni qayta tayyorlash va ularning malakasini oshirish mintaqaviy markazida o‘qiyotgan Oliy va o‘rta maxsus, kasb-hunar ta’limi tizimi professor-o‘qituvchilari tinglovchilar hisoblanadi. Tinglochilarning maqomi ta’lim xizmatlarini olish qismi bo‘yicha universitetda muvofiq o‘quv shaklida ta’lim olayotgan talabaning maqomi bilan tenglashtiriladi.

3.16. Kadrlar malakasini oshirish va qayta tayyorlash tartibi, tinglovchilarni o‘qitish shartlari va huquqlari qonun hujjatlariga muvofiq tegishli normativ-huquqiy hujjatlar bilan belgilanadi.

3.17. Buxoro davlat universiteti huzuridagi xalq ta’limi xodimlarini qayta tayyorlash va ularning malakasini oshirish hududiy markazida o‘qiyotgan maktabgacha, umumiy o‘rta va maktabdan tashqari davlat va nodavlat ta’lim muassasalari tizimining pedagog xodimlari tinglovchilar hisoblanadi. O’qish shakli kunduzgi, masofaviy va qonun hujjatlarida nazarda tutilgan boshqa shakllarda amalga oshiriladi. Malaka oshirish kurslariga yuborilgan pedagog xodimlar o‘z mutaxassisliklariga mos ravishda Hududiy markaz direktorining buyrug‘i bilan tinglovchilar safiga qabul qilinadi.

Tayanch doktorant (PhD), doktorantDSc)

va mustaqil izlanuvchilar

3.18. Falsafa doktori (PhD) ilmiy darajasini olish uchun tayanch doktoranturaga kiruvchi yoki mustaqil izlanuvchi sifatida rasmiylashtiriluvchi shaxslar quyidagi talablarga javob berishi lozim:

magistr darajasi yoki oliy ma’lumot (mutaxassislik dasturlari bo‘yicha) to‘g‘risidagi diplomga ega bo‘lish;

falsafa doktori (PhD) ilmiy darajasini olish uchun dissertatsiya tadqiqoti asosini tashkil qilishi mumkin bo‘lgan muayyan ilmiy natijalarga, shu jumladan, ilmiy jurnallar va nashrlarda chop etilgan kamida bitta ilmiy maqolaga hamda ilmiy-amaliy konferensiyalar, seminarlarda, tegishli ilmiy yo‘nalishlar bo‘yicha ilmiy ishlar to‘plamlarida kamida ikkita tezisga ega bo‘lish;

falsafa doktori (PhD) ilmiy darajasini olish uchun mustaqil izlanuvchilikka ikki yildan kam bo‘lmagan ilmiy-pedagogik stajga yoki aniq ilmiy yutuqqa (ixtiroga patent yoki mualliflik guvohnomasi) ega bo‘lgan shaxslar rasmiylashtiriladi.

Fan doktori (DSc) ilmiy darajasini olish uchun doktoranturaga kiruvchi yoki mustaqil izlanuvchi sifatida rasmiylashtiriluvchi shaxslar quyidagi talablarga javob berishi kerak:

fan nomzodi yoki falsafa doktori (PhD) yoki unga tenglashtirilgan xorijiy mamlakatlarda olingan ilmiy darajalar;

fan nomzodi yoki falsafa doktori (PhD) ilmiy darajasini olgandan so‘ng muhim ilmiy yutuqlarga erishish, shu jumladan, fan doktori (DSc) ilmiy darajasini olish uchun dissertatsiya tadqiqoti asosini tashkil qilishi mumkin bo‘lgan ilmiy jurnallarda chop etilgan kamida uchta ilmiy maqolaga hamda ilmiy-amaliy konferensiyalar, seminarlar va tegishli ilmiy yo‘nalishlar bo‘yicha ilmiy ishlar to‘plamlarida kamida ikkita tezisga ega bo‘lish.

Oliy o‘quv yurtidan keyingi ta’lim institutiga qabul qilinadigan talabgorlarning tayanch mutaxassisligi oliy o‘quv yurtidan keyingi ta’lim institutidagi ixtisoslik tegishli bo‘lgan fan tarmog‘iga muvofiq bo‘lishi kerak.

Mutaxassisliklar muvofiq bo‘lmaganda dissertatsiyalarni tayyorlash va himoya qilish masalalari Oliy o‘quv yurtidan keyingi ta’lim to‘g‘risidagi Nizom bilan tartibga solinadi.

Falsafa doktori (PhD) ilmiy darajasi izlanuvchilariga ilmiy rahbarlar tayinlanadi.

Fan doktori (DSc) ilmiy darajasi izlanuvchilariga ilmiy konsultantlar tayinlanadi.

Ilmiy rahbarlar etib, faol tarzda ilmiy va ilmiy-pedagogik faoliyat olib boruvchi fan doktori, shuningdek ilmiy unvonga ega bo‘lgan fan nomzodi yoki falsafa doktorlari (PhD) tayinlanishi mumkin.

Universitetda rektor raisligida qabul komissiyasi tuziladi. Qabul komissiyasi a’zolari rektor tomonidan tegishli ixtisoslik bo‘yicha yetakchi olimlar orasidan tayinlanadi.

Tayanch doktoranturada o‘qish uchun talabgorlar mutaxassislik va chet tili (ta’limning oldingi darajalarida o‘rganilgan xorijiy til) bo‘yicha kirish imtihonlari topshiradilar. Talabgorlarda IELTS (o‘rtacha balli kamida 5,5), TOEFL (RVT) (567 balldan kam bo‘lmagan), TOEFL (iBT) (87 balldan kam bo‘lmagan), CEFR (V2 darajadan past bo‘lmagan) bo‘yicha tasdiqlovchi amaldagi xalqaro malaka sertifikatlari mavjud bo‘lganda chet tilidan topshiriladigan imtihonlardan ozod etiladi.

Doktoranturada o‘qish uchun kirayotgan talabgorlar universitet Kengashi tomonidan ixtisoslik bo‘yicha suhbatdan o‘tadilar.

3.19. Falsafa doktori (PhD) ilmiy darajasi uchun mustaqil izlanuvchilikka magistr diplomi yoki oliy ma’lumot to‘g‘risidagi (ixtisoslik bo‘yicha) diplomga ega, belgilangan ilmiy maqolalariga, kamida ikki yillik ilmiy-pedagogik ish staji yoki muayyan ilmiy yutuqlar (ixtiro uchun patentlar yoki mualliflik guvohnomalari)ga ega bo‘lganlar;

Fan doktori (DSc) ilmiy darajasi uchun mustaqil izlanuvchilikka fan nomzodi yoki falsafa doktori (PhD) yoki ularga tenglashtirilgan xorijiy mamlakatlarda olingan diplomga ega bo‘lgan, belgilangan tartibda talablarga muvofiq ilmiy daraja olganidan so‘ng salmoqli ilmiy yutuqlarga erishgan shaxslar rasmiylashtiriladi.

3.20. Oliy o‘quv yurtidan keyingi ta’lim institutiga qabul qilinadigan talabgorlarning tayanch mutaxassisligi oliy o‘quv yurtidan keyingi ta’lim institutidagi ixtisoslik tegishli bo‘lgan fan tarmog‘iga muvofiq bo‘lishi kerak. Mutaxassisliklar muvofiq bo‘lmaganda dissertatsiyalarni tayyorlash va himoya qilish masalalari Oliy o‘quv yurtidan keyingi ta’lim to‘g‘risidagi Nizom bilan tartibga solinadi.

3.21. Dissertatsiyani rasmiylashtirish va uni himoya qilish izlanuvchining xohishiga ko‘ra o‘zbek, rus, qoraqalpoq va ingliz tillaridan biri yoki OAK bilan kelishilgan holda boshqa tilda amalga oshiriladi.

3.22. Fan doktori (DSc),  falsafa doktori (PhD) qabul qilish, shuningdek, BuxDUga mustaqil izlanuvchilikka biriktirish hamda doktorlik dissertatsiyasi ustida ishlayotganliklari uchun imtiyozlar berish tartibi, ularning huquq va majburiyatlarini belgilash “Oliy o‘quv yurtidan keyingi ta’lim to‘g‘risidagi Nizom”ga muvofiq amalga oshiriladi.

Universitetning professor-o‘qituvchilari tarkibi, o‘quv-yordamchi va ma’muriy-xo‘jalik xodimlari (personali):

3.23. Universitetda professor-o‘qituvchilar tarkibi, ilmiy xodimlar, muhandislik - texnika, ma’muriy - xo‘jalik, ishlab chiqarish, o‘quv - yordamchi va boshqa xizmatchilar lavozimlari mavjud.

3.24. Professor-o‘qituvchilar tarkibiga kafedra mudiri, professor, dotsent, katta o‘qituvchi, o‘qituvchi, assistent va o‘qituvchi-stajyor lavozimlari kiradi.

3.25. Professor-o‘qituvchilar tarkibidagi lavozimlarni egallash O’zbekiston Respublikasi Vazirlar Mahkamasining 2006 yil 10 fevraldagi 20-sonli qarori bilan tasdiqlangan “Oliy talim muassasalariga pedagog xodimlarni tanlov asosida ishga qabul qilish tartibi to‘g‘risida”gi Nizomga muvofiq tanlov asosida mehnat shartnomasi bo‘yicha amalga oshiriladi.

O’zbekiston Respublikasi Prezidentining 1992 yil 9 mart F-137-sonli farmoyishiga muvofiq universitetning prorektori rektor tavsiyasiga ko‘ra Oliy va o‘rta maxsus ta’lim vaziri tomonidan O’zbekiston Respublikasi Prezidenti Devoni bilan kelishilgan holda tayinlanadi. Fakultet dekani, sirtqi bo‘limi boshlig‘i, magistratura bo‘limi boshlig‘i, bosh buxgalter hamda bosh buxgalter o‘rinbosari-auditor Oliy va o‘rta maxsus ta’lim vazirligi bilan kelishilgan holda universitet rektorining buyrug‘i bilan tayinlanadi.

3.26. Universitetning professor-o‘qituvchilar tarkibi va ilmiy xodimlari quyidagi huquqlarga ega:

belgilangan tartibda universitet va fakultet Kengashlariga saylash va saylanish;

universitetning faoliyatiga taalluqli masalalarni muhokama qilishda ishtirok etish;

universitetning axborot-resurs markazi, o‘quv va ilmiy bo‘linmalarning xizmatlaridan, shuningdek, ijtimoiy-maishiy, tibbiy va boshqa bo‘limlar xizmatidan jamoa shartnomasiga muvofiq foydalanish;

o‘qitishning usul va vositalarini tanlash, o‘quv va ilmiy jarayonning yuqori sifatini ta’minlovchi ilmiy tadqiqot ishlarini amalga oshirish;

universitet ma’muriyatining buyruq va farmoyishlari yuzasidan qonunchilikda belgilangan tartibda ish yuritish;

qonunchilikda belgilangan tartibda tanlovlarda qatnashish, lavozimlarni egallash;

o‘zlari ishlayotgan kafedra, fakultetdan tashqari boshqa fakultet, kafedra, tashkilotlarda o‘rindoshlik asosida ishlash (asosiy ish joyi bilan kelishilgan holda);

xorijiy hamkasblarning sohaga doir ilmiy va o‘quv-uslubiy adabiyotlari bilan tanishish va ular bilan fikr almashish;

o‘z fani bo‘yicha sifatli darsliklar va o‘quv qo‘llanmalar tayyorlash;

nazariy bilimlarini amaliy tajribasini, ilmiy tadqiqot olib borish uslubini, pedagogik mahoratini takomillashtirib borish;

talabalarning ilmiy tadqiqot ishlariga rahbarlik qilish;

milliy va xalqaro grantlar, ilmiy loyihalar, xo‘jalik shartnomalarida ishtirok etish;

O’zbekiston Respublikasining ta’lim sohasiga oid qonunchiligida belgilangan boshqa huquqlardan foydalanish.

3.27. Universitetning professor-o‘qituvchilar tarkibi va ilmiy xodimlarining majburiyatlari quyidagilardan iborat:

ta’lim to‘g‘risidagi qonunchilik, mehnat va texnologiya intizomi, universitet Nizomi, Ichki mehnat tartibi qoidalariga qat’iy rioya qilish;

o‘zining xizmat vazifalarini vijdonan bajarish va o‘qituvchilik sha’niga dog‘ tushirmaslik;

ish jarayonida muloqot qiladigan muassasa xodimlari, talabalari va boshqa shaxslar bilan hushfe’l munosabatda bo‘lish;

ish beruvchining qonuniy farmoyishlarini bajarish, har yili tasdiqlanadigan shaxsiy reja asosida o‘quv-uslubiy, ilmiy va ma’naviy-ma’rifiy ishlarni o‘z vaqtida va sifatli bajarish, xususan:

a) o‘quv yuklamalari hajmini, o‘quv-uslubiy, ilmiy o‘quv-tashkiliy ishlarni tasdiqlangan shaxsiy reja asosida bajarish va ma’naviy-ma’rifiy ishlarda ishtirok etish;

b) darslik, o‘quv qo‘llanma tayyorlash, o‘quv adabiyotlar, ilmiy maqolalar, monografiyalar yozish;

v) tarbiyaviy ishlarni olib borish, talabalar bilan ma’naviy-ma’rifiy ishlarda bevosita ishtirok etish, shu jumladan darsdan tashqari vaqtlarda o‘tkaziladigan tadbirlarda qatnashish;

d) universitet Kengashi tomonidan tasdiqlangan kafedra ilmiy jarayonlarida ishtirok etish;

e) o‘z malakasini muntazam ravishda oshirish;

mehnatni muhofaza qilish xavfsizlik texnikasi va ishlab chiqarish sanitariyasiga doir qoidalariga rioya qilish;

universitetning mol-mulkini avaylash, undan oqilona foydalanish;

ish beruvchiga bevosita yetkazilgan xaqiqiy moddiy zararni qoplash;

muassasa jamoatchilik ishlarida qatnashish;

pedagogik va ilmiy jarayonning samaradorligini ta’minlash;

zamonaviy sivilizatsiya va demokratiya sharoitida ta’lim
oluvchilarning tanlagan yo‘nalishi (mutaxassisligi) bo‘yicha
yuksak kasbiy tayyorgarlikni, mehnatga bo‘lgan qobiliyatni
shakllantirish;

chet tili va axborot texnologiyalaridan savodxonligini oshirib borish;

ta’lim oluvchilarda mustaqil fikrlash, tashabbuskorlik, ijodiy qobiliyatni shakllantirish;

«Ustoz-shogird» tizimida ishtirok etib, o‘ziga biriktirilgan shogirdlar bilan ilmiy, ma’naviy-ma’rifiy, tarbiyaviy ishlarni amalga oshirish;

o‘zining odobi, madaniyati, ma’naviy saviyasi bilan o‘rnak bo‘lish;

kiyinish madaniyatiga rioya etish;   

respublikada amalga oshirilayotgan islohotlar va jahonda ro‘y berayotgan yangiliklardan xabardor bo‘lish;

universitet, fakultet, kafedra tomonidan tashkil etiladigan madaniy, ma’naviy, ma’rifiy tadbirlarda faol ishtirok etish;

o‘zi o‘qitadigan fan dasturini muntazam fan va texnika yutuqlari asosida boyitib borish;

darslarni yuqori saviyada o‘tish;

fan yo‘nalishiga tegishli yangi manbalarni topish va ular bilan talabalarni tanishtirib borish;

har o‘quv yili boshlangunga qadar o‘zi o‘qitadigan
fan(lar)ning ishchi o‘quv dasturi, kalendar rejasi va reyting
nazoratlari jadvalini ishlab chiqish va kafedra majlisida
tasdiqlatish;

reyting tadbirlarini o‘z vaqtida o‘tkazish;

talabalar bilimini xolisona baholash;

yangi pedagogik texnologiyalarni dars jarayonida qo‘llash;

ilmiy salohiyat va pedagogik mahoratini oshirish;

talabalar ilmiy-tadqiqot ishlariga rahbarlik qilish;

oliy ta’lim tizimida amalga oshirilayotgan islohotlarda faol qatnashish;

3.28. Universitet professor-o‘qituvchilar tarkibini uch yilda kamida bir marotaba malakasini oshirish kafolatini ta’minlaydi.

3.29. Universitetning ma’muriy-xo‘jalik, muhandislik-texnika, o‘quv-yordamchi va boshqa xizmat xodimlarining huquq va majburiyatlari universitetning Ichki tartib-qoidalari va lavozim yo‘riqnomalari bilan belgilanadi.

IV. O’quv-tarbiyaviy va ilmiy-metodik ishlar

4.1. Universitet quyidagi yo‘nalish va mutaxassisliklar bo‘yicha oliy ta’lim va oliy o‘quv yurtidan keyingi ta’limning asosiy ta’lim dasturlari, qo‘shimcha ta’lim (kadrlarni qayta tayyorlash va malakasini oshirish)ning dasturlarini amalga oshiradi.

4.2.Oliy ta’lim (bakalavriat va magistratura):

Bakalavriat - o‘quv shakli kunduzgi

Magistratura

Bakalavriat - o‘quv shakli maxsus sirtqi

Bakalavriat - o‘quv shakli sirtqi (ikkinchi oliy ta’lim)

4.3. Universitet ta’limning asosiy ta’lim dasturlarini ikki bosqichda amalga oshiradi: bakalavriat va magistratura.

Bakalavriat – kunduzgi ta’lim yo‘nalishi bo‘yicha fundamental va amaliy bilimlar beruvchi, o‘qish muddati 4 yildan kam bo‘lmagan tayanch oliy ta’limdir.

Bakalavriat – maxsus sirtqi o‘rta maxsus, kasb-hunar ma’lumotiga hamda kamida uch yil pedagogik amaliy ish stajiga ega bo‘lgan, maktabgacha, maktab va maktabdan tashqari ta’lim muassasalari ehtiyojlari asosida tasarrufida ushbu ta’lim muassasalari mavjud bo‘lgan vazirliklar va idoralar tomonidan beriladigan tavsiyanoma asosida bilimlar beruvchi o‘qish muddati 3 yildan kam bo‘lmagan tayanch oliy ta’limdir.

Bakalavriat – sirtqi ikkinchi va undan keyingi oliy ma’lumot olish bakalavriat ta’lim yo‘nalishining 2-kursidan (o‘quv rejalardagi fanlar farqidan qat’i nazar)  o‘qishga qabul qilinuvchi hamda o‘qish muddati 3 yildan kam bo‘lmagan tayanch oliy ta’limdir.

Bakalavr dasturini tugatgan bitiruvchilarga davlat attestatsiyasi yakunlari bo‘yicha ta’lim yo‘nalishi bo‘yicha «bakalavr» darajasi beriladi hamda davlat namunasidagi diplom topshiriladi.

Magistratura – yo‘nalishning muayyan mutaxassisligi bo‘yicha fundamental va amaliy bilimlar beruvchi, bakalavriat negizida, o‘qish muddati 2 yildan kam bo‘lmagan oliy ta’limdir.

Magistr dasturini tugatgan bitiruvchilarga davlat attestatsiyasi yakunlari bo‘yicha tayyorlangan muayyan mutaxassislik bo‘yicha «magistr» darajasi beriladi va davlat namunasidagi diplom topshiriladi.

Bakalavr va magistrlik davlat namunasidagi diplom uning egalariga kasbiy faoliyat bilan shug‘ullanish yoki tanlangan ta’lim yo‘nalishiga va mutaxassisligiga muvofiq ta’lim muassasalarining navbatdagi bosqichlarida o‘qishni davom ettirish huquqini beradi.

Oliy ta’limning turli bosqichida asosiy ta’lim dasturlari bo‘yicha dastlabki ta’lim olish, ikkinchi oliy ta’lim olish sifatida qaralmaydi.

4.4. Universitetda ta’lim jarayonini tashkil etish, tayanch oliy ta’lim muassasasi tomonidan ishlab chiqiladigan va o‘rnatilgan tartibda tasdiqlanadigan o‘quv rejalari va fanlarning dasturlari, oliy ta’lim muassasasi rektori (o‘quv ishlari bo‘yicha prorektor) tomonidan tasdiqlangan yillik kalendar o‘quv jadvali hamda mashg‘ulotlar jadvali bilan tartibga solinadi.

Ta’lim jarayonini maqsadli yo‘naltirish yo‘li bilan tashkil etish, ya’ni ta’lim shakllari, uslub va vositalarni tanlash yo‘li bilan oliy ta’lim muassasasi talabalariga oliy ta’limning asosiy kasbiy ta’lim dasturlarini o‘zlashtirish uchun zaruriy sharoitlarini yaratib berilishi lozim.

Ta’lim-tarbiya jarayonining birligi davlat ta’lim standartlari bilan ta’minlanadi. Universitetning ijtimoiy-iqtisodiy va gumanitar fanlari kafedralari, ma’naviy-ma’rifiy va sport bo‘g‘inlariga, talabalar va boshqa jamoatchilik tashkilotlariga, rahbarlik qilish va ularning faoliyatini muvofiqlashtirib borish ma’naviy-axloqiy tarbiya masalalari bo‘yicha prorektor tomonidan amalga oshiriladi.

4.5. Universitetda o‘quv mashg‘ulotlarining quyidagi asosiy turlari belgilangan: ma’ruza, konsultatsiya, seminar, amaliy mashg‘ulot, laboratoriya ishi, nazorat ishi, kollokvium, mustaqil ish, amaliyot, kurs loyihasi (kurs ishi), bakalavrlik bitiruv malakaviy ishi hamda magistrlik dissertatsiyasi.

Auditoriya mashg‘ulotlarining barcha turlari uchun 45 (yoki 40 minutlik tanaffussiz qo‘shma ma’ruza) daqiqalik akademik soat belgilangan. O’quv mashg‘ulotlari orasidagi tanaffus kamida 10 daqiqa bo‘ladi.

Ta’lim-tarbiya olib boriladigan tillar:

O’zbek, ingliz hamda rus tillari hisoblanadi.

4.6. Universitetda kadrlar tayyorlash ishlab chiqarishdan ajralgan holda olib boriladi.

Oliy ta’limning asosiy kasbiy ta’lim dasturi doirasida ta’lim olishning barcha shakllari uchun o‘rnatilgan tartibda ishlab chiqilgan va “Uzstandart” agentligida davlat ro‘yxatidan o‘tkazilgan davlat ta’lim standarti qo‘llaniladi.

4.7. Universitetda o‘quv yili ikki semestrga bo‘linadi va uning xar birida talabalarning o‘zlashtirishi reyting nazorati shaklida olib boriladi.

O’zlashtiruvchi talabalarni kursdan kursga o‘tkazish fakultet dekanining tavsiyasiga binoan rektor buyrug‘i bilan amalga oshiriladi. Talabalarni kursdan kursga shartli o‘tkazish mumkin emas.

Oliy ta’limning ta’lim dasturlarini o‘zlashtirish, Oliy va o‘rta maxsus ta’lim vazirligi tomonidan tasdiqlangan va Adliya vazirligidan davlat ro‘yxatidan o‘tkazilgan “Oliy ta’lim muassasalari talabalari bilimini nazorat qilish va baholashning reyting tizimi to‘g‘risidagi Nizom”ga muvofiq tartibga solinadi, “O’zbekiston Respublikasi oliy ta’lim muassasalari bitiruvchilarining yakuniy davlat attestatsiyasi to‘g‘risidagi Nizom”ga asosan bitiruvchilarning yakuniy attestatsiyasi bilan tugallanadi.

4.8. Universitetda ilg‘or pedagogik va axborot texnologiyalari, ta’limni individuallashtirish va mustaqil ta’lim olish vositalarini, modul tizimi hamda masofaviy ta’lim berishni qo‘llash hisobiga mutaxassislar tayyorlash sifatini oshirishga yo‘naltirilgan ilmiy-uslubiy ishlar amalga oshiriladi.

4.9. Oliy o‘quv yurtidan keyingi ta’lim instituti ixtisosliklari

4.10. BuxDUda oliy o‘quv yurtidan keyingi ta’lim instituti doirasida O’zbekiston Respublikasi Vazirlar Mahkamasi huzuridagi Oliy Attestatsiya Komissiyasi tomonidan tasdiqlangan “Oliy malakali ilmiy va ilmiy-pedagog kadrlar mutaxassisliklari ro‘yxati”ga muvofiq tegishli vazirlik (idora) ruxsati asosida doktorantura (DSc) va tayanch doktorantura (PhD) orqali ilmiy-pedagogik kadrlarni tayyorlash, shuningdek, fan nomzodi yoki  fan  doktori ilmiy darajasini olish uchun dissertatsiyalar tayyorlash va himoya qilish uchun BuxDUga izlanuvchilarni biriktirish ishlari amalga oshiriladi.

Oliy o‘quv yurtidan keyingi ta’lim institutiga oid munosabatlar o‘rnatilgan tartibda tasdiqlangan va Adliya vazirligida davlat ro‘yxatidan o‘tkazilgan “Oliy o‘quv yurtidan keyingi ta’lim to‘g‘risidagi Nizom” bilan tartibga solinadi.

4.11. O’zbekiston Respublikasi Prezidentining “Oliy ta’lim muassasalarining pedagog kadrlarini qayta tayyorlash va malakasini oshirish tizimini yanada takomillashtirish to‘g‘risida”gi 2015 yil 12 iyundagi PF-4732-sonli Farmoni, xamda Vazirlar Mahkamasining “Oliy ta’lim muassasalarining pedagog kadrlarini qayta tayyorlash va malakasini oshirishni tashkil etish bo‘yicha chora-tadbirlari to‘g‘risida”gi 2015 yil 20 avgustdagi 242-sonli Qarori, Vazirlar Mahkamasining 2017 yil 27 fevraldagi “Oliy ta’lim muassasalarining pedagog kadrlarini qayta tayyorlash va malakasini oshirish kurslari to‘g‘risidagi Nizomga kiritilayotgan o‘zgartirish va qo‘shimchalar to‘g‘risida”gi 103-sonli qaror, O’zbekiston Respublikasi Prezidentining 2017 yil 20 apreldagi “Oliy ta’lim muassasalarining pedagog kadrlarini qayta tayyorlash va malakasini oshirish tizimini yanada takomillashtirish to‘g‘risida”gi qarorlariga  muvofiq kadrlarni qayta tayyorlash va malakasini oshirish markazida pedagog-xodimlarni qayta tayyorlash va ularning malakasini oshirish amalga oshiriladi.

O’zbekiston Respublikasi Prezidentining 2017 yil 26 sentyabrdagi “Oliy ta’lim muassasalariga kirish uchun nomzodlarni maqsadli tayyorlash tizimini yanada takomillashtirish to‘g‘risida”gi PQ-3290-sonli qaroriga asosan akademik litseylar rahbar va pedagog xodimlarini qayta tayyorlash va ularning malakasini oshirish 2018 yil 1 yanvardan Oliy ta’lim muassasalarida mavjud pedagog kadrlarni qayta tayyorlash va ularning malakasini oshirish mintaqaviy markazlarida amalga oshiriladi. Kasb-hunar kollejlarining nopedagog mutaxassislarini pedagogik qayta tayyorlash bo‘yicha 4 oylik qisqa muddatli kurslar Mintaqaviy markazda tashkil etiladi.

4.12. Buxoro davlat universiteti huzuridagi xalq ta’limi xodimlarini qayta tayyorlash va ularning malakasini oshirish hududiy markazi O’zbekiston Respublikasining “Ta’lim to‘g‘pisida”gi qonuni, Kadplap tayyoplash milliy dastupi, O’zbekiston Respublikasi Prezidentining 2017 yil 26 sentyabrdagi “Pedagog kadrlarni tayyorlash, xalq ta’limi xodimlarini qayta tayyorlash va ularning malakasini oshirish tizimini yanada takomillashtirish chora-tadbirlari to‘g‘risida”gi PQ-3289-son qaroriga, O’zbekiston Respublikasi Vazirlar Mahkamasining 2017 yil 28 dekabrdagi 1026-son qaroriga muvofiq faoliyatini belgilaydi.

Hududiy markaz o‘z faoliyatini O’zbekiston Respublikasining Konstitutsiyasi va qonunlari, O’zbekiston Respublikasi Oliy Majlisi palatalarining qarorlari, O’zbekiston Respublikasi Prezidentining farmonlari, qarorlari va farmoyishlari, O’zbekiston Respublikasi Vazirlar Mahkamasining qarorlari va farmoyishlari, O’zbekiston Respublikasi Oliy va o‘rta mahsus ta’lim vazirligi buyruqlari va boshqa hujjatlari, shuningdek, o‘z ustavi asosida olib boradi.

4.13. BuxDU ilmiy kengashining tematik rejalar bo‘yicha, bajariladigan ishlarning sifati hamda mehnat xavfsizligini ta’minlagan holda talabalar, magistrlar, doktorant (Dsc) va tayanch doktorant (PhD), mustaqil izlanuvchilarni keng jalb etib, ilmiy-tadqiqot va ijodiy ishlarni olib boradi.

Ilmiy tadqiqotlar quyidagi mablag‘lar hisobidan moliyalashtiriladi:

- davlat ilmiy-texnik dasturlari doirasidagi fundamental, amaliy, innovatsion hamda yosh olimlarining (fundamental, amaliy) loyihalarini bajarish uchun ajratiladigan davlat budjeti mablag‘lari;

- shartnoma asosida sohaviy vazirliklar, idoralar, korxonalar, birlashmalar va boshqalar, shu jumladan xorijiy tashkilotlar mablag‘lari.

V. Buxoro davlat universitetining tuzilmasi

• 1. Rektor
  2. Rektorat:
• Prorektorlar:

• O’quv ishlari bo‘yicha birinchi prorektor
• Ma’naviy – ma’rifiy ishlar bo‘yicha prorektor
• Ilmiy ishlar bo‘yicha prorektor
• Moliyaviy-iqtisodiy ishlar bo‘yicha prorektor
• Hududiy ta’lim muassasalari bilan ishlash bo‘yicha prorektor

• Rektor yordamchisi
• Universitet kengash kotibi
• Bosh muhandis
• Bosh energetik
• Katta yuriskonsult
• Fakultet dekanlari

5.3. Universitet bo‘limlari va huzuridagi markazlar:

1. O’quv-uslubiy boshqarma
2. Magistratura bo‘limi
3. Maxsus sirtqi bo‘lim
4. Axborot texnologiyalar markazi
5. Axborot-resurs markazi
6. Iqtidorli yoshlar bilan ishlash, ma’naviyat va ma’rifat bo‘limi
7. Talabalar turar joyi
8. Ilmiy tadqiqot va ilmiy pedagog kadrlarni tayyorlash bo‘limi
9. Tahririy-nashriyot bo‘limi
10. Reja-moliya bo‘limi
11. Buxgalteriya
12. Texnik foydalanish va xo‘jalik bo‘limi
13. O’qitishning texnik vositalari bo‘limi
14. Fuqaro mudofaasi va mehnat muhofazasi
15. Ta’lim muassasalari bilan ishlash bo‘limi
16. Xalqaro bo‘lim
17. Monitoring va ichki nazorat bo‘limi
18. Marketing bo‘limi
19. Xodimlar bo‘limi
20. Devonxona va arxiv
21. 1-2 bo‘limlar
22. Pedagog kadrlarni qayta tayyorlash va ularning malakasini oshirish mintaqaviy markazi
23. Xalq ta’limi xodimlarini qayta tayyorlash va ularni malakasini oshirish hududiy markazi
24. Xotin-qizlar qo‘mitasi
25. Ta’lim sifatini nazorat qilish bo‘limi
26. Psixolog

5.4. Fakultetlar:

1. Fizika-matematika
2. Tabiiy fanlar
3. Filologiya
4. Tarix
5. Turizm
6. Pedagogika
7. Jismoniy madaniyat
8. Chaqiriqqacha harbiy ta’lim

5.5. Kafedralar:

1. Matematika
2. Fizika
3. Axborot texnologiyalari
4. Kimyo
5. Biologiya
6. Ekologiya
7. Tuproqshinoslik va geografiya
8. Ingliz tili va adabiyoti
9. Nemis va fransuz tillari
10.  Rus tili va adabiyoti
11.  Fakultetlararo chet tillari
12.  O’zbek tilshunosligi
13.  O’zbek adabiyoti
14.  Tarix
15.  Milliy g‘oya, ma’naviyat asoslari va huquq ta’limi
16.  Falsafa
17.  Pedagogika
18.  Boshlang‘ich va maktabgacha ta’lim uslubiyoti
19.  Musiqa ta’limi
20.  Psixologiya
21.  Mehnat ta’limi
22.  Turizm
23.  Iqtisod
24.  Tasviriy san’at va muhandislik grafikasi
25.  Jismoniy madaniyat nazariyasi va uslubiyoti
26.  Fakultetlararo jismoniy madaniyat va sport
27.  Chaqiriqqacha harbiy ta’lim

5.6. Ilmiy laboratoriyalar:

1. Dasturiy injeneriya laboratoriyasi
2. Biotexnologiya va ixtiologiya
3. Nanokompozitsion materiallar kimyosi va texnologiyasi
4. Cho‘l geosistemasi va tuproqshunoslik muammolari
5. Muqobil energiya manbalaridan foydalanish
6. Nanoiqtisodiyot
7. Tasviriy va amaliy san’at
8. Arxivshunoslik
9. Arxeologiya

5.7. Ilmiy markazlar:

1. 1. Mintaqaviy ilmiy markaz
   2. Ekologik markaz
   3. Psixologik xizmat ko‘rsatish markazi
   4. Buxoro tarixini o‘rganish markazi
   5. Buxorolik ijodkorlar va nodir qo‘lyozmalarni o‘rganish markazi

5.8. Muzeylar:

1. 1. 1. Buxoro davlat universiteti ilmiy amaliy muzeyi;
      2. Buxoro davlat universiteti huzuridagi Qatag‘on qurbonlari xotirasi muzeyi.

Buxoro davlat universiteti tuzilmasidagi Qatag‘on qurbonlari xotirasi muzeyi o‘z faoliyatida davlat va xo‘jalik boshqaruvi organlari, mahalliy davlat hokimiyati organlari va boshqa tashkilotlar bilan o‘zaro hamkorlik qiladi.

Muzey yuridik shaxs maqomiga ega emas. Buxoro davlat universiteti tuzilmasida tashkil etilgan bo‘lib, idoraviy mansublik jihatidan O’zbekiston Respublikasi Oliy va o‘rta maxsus ta’lim vazirligiga, uslubiy jihatdan O’zbekiston Respublikasi Vazirlar Mahkamasi huzurida Qatag‘on qurbonlari xotirasi davlat muzeyiga bo‘ysunadi.

Buxoro davlat universiteti huzuridagi Qatag‘on qurbonlari xotirasi muzeyining asosiy vazifalari, funksiyalari, huquq va majburiyatlari, shuningdek uning faoliyatini tashkil etish tartibi o‘zining Nizomi bilan tartibga solinadi.

5.9. Universitet qoshidagi Buxoro davlat universiteti Qorako‘l akademik litseyi faoliyat ko‘rsatadi (manzil: Buxoro viloyati Qorako‘l tumani Saodat ko‘chasi 1-uy, tel:0365-5651083).

Litsey 450 o‘ringa mo‘ljallangan bo‘lib, unda ijtimoiy gumanitar, tabiiy va aniq fanlar bo‘yicha chuqurlashtirilgan bilim beriladi.

Akademik litsey direktori bo‘sh lavozimini egallashga tanlovda ishtirok etish uchun nomzodlar bo‘yicha takliflarni, universitet rektori O’rta maxsus, kasb-hunar ta’limi tizimining boshqaruv organlari rahbar kadrlarini tanlash, tayinlash va attestatsiyadan o‘tkazish bo‘yicha respublika komissiyasiga kiritadi.

VI. Universitetni boshqarish

6.1. Universitetni boshqarish O’zbekiston Respublikasi qonunchiligi hamda ushbu Nizomga muvofiq yakka rahbarlik va universitet kengashi, Vasiylar kengashi orqali jamoatchilik boshqaruvini uyg‘unlashtirish tamoyili asosida amalga oshiriladi.

6.2. Universitetni bevosita boshqarish - O’zbekiston Respublikasi Prezidentning 1992 yil 9 mart kunidagi 137-F farmoyishida belgilangan tartib asosida tayinlanadigan rektor tomonidan amalga oshiriladi.

6.3. Rektor universitet faoliyatiga, shuningdek, universitetning Ichki tartib qoidalari, Oliy ta’lim to‘g‘risidagi Nizom hamda mazkur Nizomda belgilangan majburiyatlar uchun to‘la mas’uldir.

6.4. Rektor O’zbekiston Respublikasi qonunchiligiga muvofiq universitet nomidan ish olib boradi, barcha idoralar, muassasalar, korxonalarda uning vakili sifatida qatnashadi, universitetning mol-mulkiga mas’ullik qiladi, shartnomalar tuzadi, ishonchnomalar beradi, bank muassasalarida hisob raqamlarini ochadi, moliyaviy mablag‘lardan o‘rnatilgan tartibda foydalanish bo‘yicha farmoyishlar beradi.

6.5. Rektor oliy ta’lim muassasasining vakolati doirasida:

• universitetning barcha xodimlari, talabalari va boshqa ta’lim olayotganlar uchun majburiy bo‘lgan buyruqlar chiqaradi va topshiriqlar beradi;
• Oliy va o‘rta maxsus vazirligi bilan kelishilgan holda fakultet dekanlari va bosh buxgalterni lavozimiga tayinlaydi hamda lavozimidan ozod qiladi;
• universitet prorektorlari lavozimiga nomzodlarni tavsiya etadi va prorektorlar, dekanlarning muayyan vazifalari hamda mas’uliyatlarini belgilaydi;
• universitet xodimlari va xizmatchilarini, shuningdek, ilmiy-pedagogik xodimlarini O’zbekiston Respublikasi mehnat qonunchiligi va Vazirlar Mahkamasi tomonidan belgilangan tartibda ishga olish va bo‘shatishni amalga oshiradi;
• universtet tarkibiga kirgan ilmiy tadqiqot, tajriba-eksperimental hamda boshqa tashkilot va bo‘linmalarning vazifalarini belgilaydi va ular to‘g‘risidagi Nizomlarni tasdiqlaydi;
• universitet xodimlarining lavozim maoshlariga har oylik ustamalar va qo‘shimchalarni belgilaydi;
• kasaba uyushma qo‘mitasi yoki universitetning boshqa vakolatli organi bilan kelishgan holda Ichki tartib qoidalarini tasdiqlaydi;
• universitetning amaldagi qonun xujjatlari yoki Vazirlikning normativ-huquqiy hujjatlari buzilgan holda chiqarilgan buyruqlarini bekor qiladi;
• universitetda Namunaviy shtat birliklariga muvofiq ajratilgan mablag‘lar hamda ish haqi fondi, tasdiqlangan universitet xodimlarining soni va lavozim maoshlari, tarif setkasi doirasida universitet professor - o‘qituvchilari tarkibi va universitet xodimlarining shtat birligini tasdiqlaydi hamda lavozim maoshlarini belgilaydi;
• universitet Kengashining tavsiyasiga ko‘ra o‘rnatilgan tartibda tegishli normativ-huquqiy xujjatlarga muvofiq fakultetlarni, kafedralarni ochish yoki yopish qarorlarini tasdiqlaydi.

“Oliy ta’lim muassasasining kafedrasi to‘g‘risida”gi Nizom talablaridan kelib chiqqan holda Universitet Kengashining tavsiyasiga ko‘ra kafedralar tashkil etiladi yoki tugatiladi.

6.6. Universitet rektoriga o‘zi ishlayotgan oliy ta’lim muassasasida va undan tashqarida haq to‘lanadigan boshqa rahbarlik lavozimida (ilmiy va ilmiy - metodik rahbarlikdan tashqari) o‘rindoshlik bo‘yicha ishlashga ruxsat etilmaydi. Rektor o‘z vazifalarini o‘rindoshlik bo‘yicha bajarishi mumkin emas.

6.7. “Oliy ta’lim to‘g‘risida”gi Nizomga muvofiq Universitet faoliyatining asosiy masalalarini ko‘rish uchun Kengash tashkil etiladi.

6.8. Kengash tarkibiga rektor kiradi va u Kengash raisi hisoblanadi, prorektorlar, fakultetlar dekanlari hamda mutaxassislar tayyorlovchi kafedralar mudirlari, shuningdek, talabalar va universitet xodimlari kasaba uyushmasi kengashi vakillari kiradi. Kengashning boshqa a’zolari umumiy majlisda (konferensiyada) yashirin ovoz berish yo‘li bilan saylanadi. Professor-o‘qituvchilar tarkibidan Kengashga saylanadiganlar soni rektor buyrug‘i bilan belgilanadi.

Kengashning vakolati, uni saylash va faoliyat yuritish tartibi ta’limni boshqarish bo‘yicha vakolatli davlat organi tomonidan tasdiqlangan “Oliy ta’lim muassasasining Kengashi to‘g‘risidagi Nizom” bilan belgilanadi.

6.9. Universitetda Vasiylar kengashi universitetni boshqaruvchi jamoatchilik organi tashkil etiladi va uning tarkibiga muassis-vazirliklar, mahalliy hokimiyat, ishbilarmon doiralar, jamoatchilik tashkilotlari, jamg‘arma va vasiylar, boshqa ta’lim muassassalarining vakillari kiradi.

Vasiylar kengashining tarkibi, vakolatlari, shakllantirish tarkibi va faoliyati “Vasiylar kengashi to‘g‘risida”gi Nizom bilan belgilanadi.

6.10. Universitetda kasaba uyushmasi, yoshlar ittifoqi boshlang‘ich tashkiloti va boshqa jamoatchilik tashkilotlari faoliyat ko‘rsatadi. Talabalar va xodimlar manfaatlarini himoyalashni ta’lim va fan kasaba uyushmalari hamda ularning universitetda saylangan organlari amalga oshiradi.

6.11. Talabalar va xodimlar vakolatli organlarining huquqlari va ularga nisbatan universitet ma’muriyatining majburiyatlari quyidagilardir:

Universitetning Yoshlar ittifoqi boshlang‘ich tashkilotining maqsad va vazifalari:

• barkamol, mustaqil fikrlaydigan, o‘zining hayotiy pozitsiyasi va qat’iy e’tiqodiga ega, jamiyat hayotiga munosib o‘rin egallash, mamlakatni isloh qilish, yangilash jarayonlarida hal qiluvchi kuch va tayanch bo‘lishga  qodir yoshlarni shakllantirish, ularning siyosiy madaniyatini, huquqiy savodxonligi va huquqiy ongini yuksaltirish;
• yoshlarni, xususan uyushmagan yoshlarni ma’naviy-axloqiy jihatdan va harbiy vatanparvarlik ruhida tarbiyalash, ularga tarixiy xotira , milliy g‘urur va o‘zlikni anglash, ro‘y berayotgan voqealarga daxldorlik, milliy va umuminsoniy qadriyatlarga hurmat tuyg‘ularini shakllantirish;
• yoshlarning huquq va qonuniy manfaatlarini himoya qilish, ularning zamonaviy kasblarini egallashga bo‘lgan intilishini qo‘llab quvvatlash, tadbirkorlik faoliyatiga jalb qilish;
• iste’dodli yoshlarni qo‘llab quvvatlash, ular o‘z ijodiy va intelektaul salohiyatlarini ruyobga chiqarishlari uchun shart-sharoitlar yaratish hamda ilmiy faoliyatga jalb qilish;
• yoshlarni, xususan uyushmagan yoshlar o‘rtasida sog‘lom turmush tarzi, ekologik madaniyatni shakllantirish, ularni jismoniy tarbiya va sport bilan muntazam shug‘ullanishiga keng jalb qilish;
• yoshlarni, xususan uyushmagan yoshlarni diniy-ekstremistik va boshqa buzg‘unchi tashkilotlar ta’siridan, chetdan  “ommaviy madaniyat” niqobi ostida kirib kelayotgan salbiy ta’sir va tahdidlardan asrash, yoshlar o‘rtasida huquqbuzarliik va jinoyatchilikni profilaktika qilish va oldini olishga ko‘maklashish va boshqalar.

Universitet kasaba uyushma qo‘mitasining xuquq va burchlari:

• universitet kasaba uyushma qo‘mitasi yuridik shaxs xisoblanadi;
• u markaziy kengash tomonidan belgilangan muhr, shtamp, blanklar va banklarda o‘z xisob raqamiga ega;
• belgilangan tartibda ro‘yxatga olingan yagona o‘z ramziy belgisiga ega;
• kasaba uyushmasi a’zolarining kasb va ijtimoiy xuquqlarini ximoya qilish;
• jamoa mexnat nizolarini bartaraf etishda qatnashish;
• boshqa mamlakatlar kasaba uyushmasi tashkilotlari bilan xalqaro aloqalarni rivojlantirish;
• universitet kasaba uyushma qo‘mitasi va universitet ma’muriyati orasida tuzilgan jamoa shartnomasida qayd qilingan majburiyatlarni bajarilishini ta’minlash.

Universitet ma’muriyatining burchlari:

• universitet kasaba uyushma qo‘mitasi, universitet yoshlar ittifoqi boshlang‘ich tashkiloti va universitet ma’muriyati orasida tuzilgan jamoa shartnomasida qayd qilingan majburiyatlarni bajarilishini ta’minlash.

6.12. Amaldagi Nizomlarga muvofiq universitetda ilmiy va ixtiyoriy jamiyatlar, ilmiy-uslubiy, ilmiy-texnik kengashlar va komissiyalar, yosh olimlar kengashi va boshqalar tashkil etilishi mumkin.

6.13. Rektorat va universitet Kengashi o‘z faoliyatida oliy ta’lim muassasasi jamoatchilik tashkilotlarining tavsiyalarini ko‘rib chiqadi va o‘z faoliyatlarida ularni hisobga oladi.

6.14. Universitet fakultetini Oliy va o‘rta maxsus ta’lim vazirligi bilan kelishilgan holda rektor tomonidan tayinlanadigan dekan boshqaradi.

6.15. Fakultet dekani o‘z faoliyatida “Oliy ta’lim muassasasining fakulteti to‘g‘risida”gi Nizom”ga amal qiladi.

“Oliy ta’lim muassasasining fakulteti to‘g‘risida”gi Nizomga muvofiq fakultetda kengash tashkil etilishi mumkin.

Fakultet kengashining tarkibi, vakolatlari, shakllantirish va faoliyatining tartibi “Oliy ta’lim muassasasi fakultetining Kengashi to‘g‘risidagi nizom” bilan belgilanadi.

6.16. Kafedra faoliyatiga O’zbekiston Respublikasi Vazirlar Mahkamasi tomonidan tasdiqlangan Nizomga muvofiq tanlov asosida universitet Kengashi tomonidan saylanadigan mudir rahbarlik qiladi.

Kafedra mudirining vakolatlari va kafedra faoliyatining tartibi “Oliy ta’lim muassasasining kafedrasi to‘g‘risidagi Nizom” bilan belgilanadi.

VII. Moliya - xo‘jalik faoliyati va moddiy-texnik bazasi

7.1. Universitetga ushbu Nizomda nazarda tutilgan faoliyatni amalga oshirish maqsadida operativ boshqarish huquqi bilan davlat (ta’sischi) tomonidan binolar, inshootlar, mulkiy majmualar, universitetning pasportiga muvofiq asbob-uskunalar, shuningdek, iste’mol, ijtimoiy, madaniy va boshqa maqsadlar uchun zarur bo‘lgan mulklar biriktirilgan.

Universitet faqat O’zbekiston Respublikasi Vazirlar Mahkamasining qarori bilan amalga oshiriladigan davlat tasarrufidan chiqariladigan va xususiylashtiriladigan ob’ektlar qatoriga kiritilgan.

Universitetga ajratilgan yer uchastkalari universitetga muddatsiz tekin foydalanish uchun biriktirilgan.

7.2. Universitetga jismoniy va yuridik shaxslardan sovg‘a, texnik yordam, hadya yoki vasiyat bo‘yicha berilgan pul mablag‘lari, mol-mulk va boshqa mulkiy ob’ektlarga, universitet faoliyatining samarasi hisoblangan intellektual va ijodiy mahsulotlarga, shuningdek, o‘z faoliyati orqali oladigan daromadlar va bu daromadlar hisobidan sotib olinadigan mulkiy ob’ektlarga egalik qilish huquqi berilgan.

7.3. Universitet mol-mulkni ijaraga oluvchi va mol-mulkni ijaraga beruvchi sifatida faoliyat ko‘rsatish huquqiga ega. O’zbekiston Respublikasining Fuqarolik kodeksi va O’zbekiston Respublikasi Vazirlar Mahkamasi tomonidan tasdiqlangan “Davlat mulkini ijaraga berish tartibi to‘g‘risida Nizom”ga muvofiq universitet o‘ziga biriktirilgan ijaraga berilishi qonun hujjatlariga zid bo‘lmagan binolar, inshootlar va ularning qismlari, asbob-uskunalar, transport vositalari shaklidagi davlat mulki va boshqa mol-mulklarni ilmiy kengashning roziligi bilan tasarruf etish huquqisiz, belgilangan narxlar bo‘yicha ijaraga berishni amalga oshiradi.

Ijara haqi sifatida olingan mablag‘lar ta’lim jarayonini ta’minlash va uni rivojlantirish uchun foydalaniladi.

7.4. Universitetning ta’lim faoliyatini moliyaviy ta’minlash davlat grantlari asosida mutaxassislar tayyorlash uchun ajratilgan budjet mablag‘lari, davlat tomonidan belgilangan normativlardan kelib chiqqan holda qayta tayyorlash va xodimlarning malakasini oshirish hisobiga ajratilgan mablag‘lar, shuningdek, budjetdan tashqari mablag‘lar, jumladan, talabalar va tinglovchilarni o‘qitish uchun belgilangan tartibda olingan to‘lov - shartnoma asosidagi mablag‘lar hisobiga amalga oshiriladi.

7.5. Universitetning asosiy faoliyatiga zarar yetmaydigan tartibda ta’lim va boshqa sohalarda pullik xizmat faoliyatini amalga oshirishi mumkin. Universitet shug‘ullanadigan tadbirkorlik faoliyati uning Nizomida belgilangan vazifalarga mos kelishi kerak.

7.6. Universitet o‘z mulki bilan xo‘jalik jamiyatlari va shirkatlarning Nizom jamg‘armasida qatnashish, pullik ta’lim xizmatlari, konsultatsiyalar va boshqa xizmatlar uchun narxlarni belgilash, soliq va qonunchilikda nazarda tutilgan boshqa majburiy to‘lovlardan so‘ng qolgan daromadni mustaqil tasarruf etish huquqiga ega.

7.7. Universitetning pullik ta’lim xizmatlari ko‘rsatishni budjetdan ajratiladigan mablag‘lar hisobidagi ta’lim faoliyati doirasida va uning o‘rniga amalga oshirilishi mumkin emas.

7.8. Universitet O’zbekiston Respublikasi qonunchiligiga hamda mazkur Nizomga zid bo‘lmagan shartnomalarni tuzish, majburiyatlar va boshqa shartlarni belgilash bo‘yicha masalalarni mustaqil hal qiladi.

7.9. Universitetda lavozim maoshlari mehnat shartnomasi tuzilayotganda “Oliy ta’lim muassasalari xodimlari mehnatiga haq to‘lash to‘g‘risida” gi Nizom va mehnatga haq to‘lashning yagona tarif setkasiga muvofiq belgilanadi. Universitet xodimiga lavozim maoshi (stavka), o‘z funksional vazifalarni hamda mehnat shartnomasida nazarda tutilgan ishlarni bajarganligi uchun to‘lanadi. Qo‘shimcha maosh, ustama va boshqa moddiy rag‘batlantirish tadbirlarining hajmini universitet mustaqil, ish haqi fondi doirasida qonunchilikda nazarda tutilgan tartibda va hajmda belgilaydi.

Belgilangan maoshlar attestatsiya natijasiga ko‘ra faqat uni oshirish maqsadida qayta ko‘rib chiqilishi mumkin.

7.10. Universitet universitetda tashkil etilgan jamoat tashkilotlariga faoliyat ko‘rsatishlari uchun zarur bo‘lgan xonalarni ajratadi va ularni saqlashini nazorat qiladi.

Universitet hududida joylashgan yoki universitetning balansida bo‘lgan binolar hamda talaba, tinglovchi va xodimlarga xizmat ko‘rsatuvchi oshxona va boshqa umumiy ovqatlanish muassasalariga isitish, yoritish va suv ta’minoti bilan taminlangan xonalar ajratiladi.

7.11. Universitetning tegishli binolarini ta’mirlash, rekonstruksiya qilish yoki yangilarini qurish, ularning moliyaviy ta’minoti qonunchilikda belgilangan tartibda amalga oshiriladi.

VIII. Xalqaro hamkorlik

8.1. Universitet O’zbekiston Respublikasi “Ta’lim to‘g‘risida”gi Qonuni»ning 33-moddasiga muvofiq ta’lim muammolari yuzasidan xalqaro hamkorlikda ishtirok etadi, chet davlatlarning tegishli o‘quv yurtlari bilan bevosita aloqalar o‘rnatish, qonun xujjatlarida belgilangan tartibda ular bilan qo‘shma o‘quv yurtlari tashkil etish hamda xalqaro aloqalarni rivojlantirishga yo‘naltirilgan tashqi iqtisodiy faoliyat bilan shug‘ullanish huquqiga ega.

8.2. Chet el fuqarolarini tayyorlash, qayta tayyorlash va ularning malakasini oshirish, universitet ilmiy-pedagogik xodimlarining O’zbekiston Respublikasi xududidan tashqarida o‘qituvchilik va ilmiy-tadqiqotchilik ishlari xorijiy davlatlarning ta’limni boshqarish bo‘yicha tegishli organlari orasidagi shartnomalar, shuningdek, universitetning qonunchilikka muvofiq chet el fuqarolari va xorijiy yuridik shaxslar bilan bevosita tuzgan shartnomalari asosida amalga oshiriladi.

8.3. Universitet quyidagi huquqlarga ega:

– xalqaro nodavlat tashkilotlarga kirish;

– O’zbekiston Respublikasining xalqaro shartnomalari deb qaralishi mumkin bo‘lmagan, xorijiy sheriklar bilan hamkorlikdagi faoliyat to‘g‘risida belgilangan tartib asosida shartnomalar tuzish;

– xorijiy sheriklar ishtirokida universitetning tarkibiy bo‘linmalari (markazlar, laboratoriyalar, texnik saroylar va boshqa bo‘linmalar)ni qonunchilikda ko‘zda tutilgan tartibda tashkil etish;

- o‘zaro kelishuv va shartnomalar asosida xorijdagi xalqaro tashkilotlarda talaba va magistrlarning ta’lim olishi, tadqiqotchi va professor-o‘qituvchilarning ilmiy-tadqiqot va malaka oshirish safarlarini tashkil etish.

8.4. Universitet professor-o‘qituvchilari, ishchi xodimlari va talabalarning chet el xizmat safarlari O’zbekiston Respublikasi normativ-huquqiy hujjatlariga muvofiq tegishli vazirlik kelishuvi bilan amalga oshiriladi.

8.5. Universitetning tashqi iqtisodiy faoliyatidan tushgan valyuta, moddiy tushumlari qonunchilikka binoan uning Nizomida belgilangan faoliyatini ta’minlash uchun ishlatiladi.

IX. Yakuniy qoidalar

9.1. Universitet O’zbekiston Respublikasining qonunchiligida belgilangan tartibda qo‘yidagilarga javob beradi:

– uning vakolatiga kiritilgan vazifalarni bajarmaganligi;

– ta’lim jarayonida o‘quv reja va jadvallarga muvofiq ta’lim dasturlari hajmini to‘liq bajarmaganligi;

– ta’lim jarayoni vaqtida universitetda ta’lim oluvchilar va xodimlarining hayoti va sog‘lig‘i;

– ta’lim oluvchilar va universitet xodimlarining huquq va erkinliklarning buzilganligi;

– O’zbekiston Respublikasining qonunchiligida nazarda tutilgan boshqa xatti-harakatlar.

9.2. Universitet O’zbekiston Respublikasi qonunchiligiga muvofiq O’zbekiston Respublikasi Vazirlar Mahkamasi tomonidan belgilangan tartib asosida qayta tashkil qilinishi yoki tugatilishi mumkin.

Universitet tomonidan ishlab chiqilgan Nizom tegishli vazirliklar va idoralar tomonidan tasdiqlanib, o‘rnatilgan tartibda davlat ro‘yxatidan o‘tkaziladi va kuchga kiritiladi.

Universitetning Nizomiga o‘zgartirish yoki qo‘shimchalar kiritish belgilangan tartibda amalga oshiriladi.

Nizom O’zbekiston Respublikasi Oliy va o‘rta maxsus ta’lim vazirligining 2010 yil 1 iyuldagi 257-sonli buyrug‘i asosida, uning ilovasida keltirilgan “Davlat oliy ta’lim muassassasining Namunaviy Nizomi” da belgilangan tavsiyalarni inobatga olgan holda ishlab chiqilgan.