15.04.2026

Buxoro viloyatidagi davlat oliy ta’lim tashkilotlari hamkorligida 2026-yil 16-aprel kuni yoshlar, abituriyentlar, bitiruvchi sinf o‘quvchilari, talabalar, bitiruvchilar, ish izlovchi yoshlar hamda ish beruvchi tashkilotlar ishtirokida “Ochiq eshiklar kuni” va “Karyera kuni – 2026” tadbirlari tashkil etiladi.

Tadbir doirasida ishtirokchilar:

• oliy ta’lim muassasalaridagi ta’lim yo‘nalishlari va mutaxassisliklar bilan tanishadilar;
• 2026/2027-o‘quv yili qabuli, kvotalar va ta’lim shakllari bo‘yicha batafsil ma’lumot oladilar;
• universitetlarda yaratilgan zamonaviy shart-sharoitlar, infratuzilma va imkoniyatlar bilan yaqindan tanishadilar;
• professor-o‘qituvchilar, mutaxassislar va mas’ul xodimlar bilan ochiq muloqot qiladilar;
• turli sohalardagi ish beruvchi tashkilotlar bilan bevosita uchrashadilar;
• bo‘sh ish o‘rinlari, amaliyot va stajirovka imkoniyatlari haqida ma’lumot oladilar;
• mehnat bozori talablari, zamonaviy kasb va mutaxassisliklar yuzasidan suhbat va maslahatlarda ishtirok etadilar.

Mazkur tadbir yoshlarni to‘g‘ri kasb tanlashga yo‘naltirish, ularning oliy ta’lim va kelajak kasbiy faoliyatiga oid bilim hamda tasavvurlarini kengaytirish, bitiruvchilarni munosib ish o‘rinlariga yo‘naltirish va ish beruvchilar bilan samarali hamkorlikni mustahkamlashga xizmat qiladi.

Tadbir sanasi: 16-aprel 2026-yil
Boshlanish vaqti: 09:00
Manzil: Buxoro shahri, Islom Karimov ko‘chasi, 45-uy (BuxDU “Universal” sport majmuasi)