Maxsus imkoniyatlar

buxdu.uz

Boshlang‘ich ta’lim nazariyasi kafedrasi

buxdu.uz-Buxoro Davlat Universiteti
Kafedra mudiri

Roʼziyeva Mohichehra Yoqubovna

svg dotsent
svg Buxoro shahri, M.Iqbol ko'chasi 11 uy
svg m.y.ruzieva@buxdu.uz
-
Mehnat faoliyati
Malaka oshirish
o‘qitadigan fanlari (so‘ngi uch o‘quv yilida)
Ilmiy faoliyati
calendar 21.02.2025

Boshlang’ich ta’lim nazariyasi kafedrasi

Boshlang’ich ta’lim nazariyasi kafedrasi haqida
Kafedra 1959-yili Boshlang’ich ta’lim metodikasi fakulteti bilan bir vaqtda Boshlang’ich ta’lim pedagogikasi va metodikasi kafedrasi tarkibida ochilgan. 1977-yilda Boshlang’ich ta’lim nazariyasi va metodikasi kafedrasi ajralib chiqdi.
1977-1986-yillar  pedagogika fanlari nomzodi, dotsent  Sh.R.Rayhonov, 1986-1991-yillar pedagogika fanlari nomzodi, dotsent F.M.Qosimov mudir etib tayinlandi. 1991-1995-yillar kafedraga dotsent O.R.Roziqov rahbarlik qildi. 
1981-84-yillarda  K.X.Xayrullayev,  1984-89-yillar davomida  I.I.Shamsiddinov rahbarlik qildi. Boshlang’ich ta’lim usuliyoti ixtisosligidagi ona tili va uni o’qitish usuliyoti fani mazkur kafedra ixtiyoriga berilgan.
1984-yilda o’zbek tili nazariyasi va usuliyoti kafedrasi tashkil qilindi. Unga filologiya fanlari nomzodi, dotsent I.I.Shamsiddinov kafedra mudiri etib tayinlandi. Rus tili va uni o’qitish usuliyoti fanlari ham shu kafedraga o’tkazilgan.
1989- yildan boshlab ushbu kafedraga ona tili asoslari va nutq o’stirish nomi berildi. Unga pedagogika fanlari doktori, professor O.R.Roziqov kafedra mudiri etib tayinlandi.
1984- yilda mazkur kafedra rektoratning buyrug’i  bilan ona tili nazariyasi va usuliyoti deb nomlana boshlandi.
1995-yil 1-sentabrida rektoratning maxsus buyrug’iga asosan Pedagogik o’quv markazi tashkil etildi.  Mazkur buyruqqa binoan markaz huzurida Tillar kafedrasi ochildi. Unga filologiya fanlari doktori, professor G’.N.Zikrillayev mudir etib tayinlandi. Ona tiliga doir barcha fanlar, shuningdek rus, tojik, ingliz, nemis va fransuz tili shu kafedraga olib berildi.
1994-1995 o’quv yilidan boshlab kafedra negizida yangi kafedra tashkil etilib uning tarkibiga maktabgacha tarbiya pedagogikasi va psixologiya fanlari o’tkaziladi. 1995-96 o’quv yilida «Pedagogik o’quv markazi»ning tashkil  etilishi munosabati bilan kafedralar ixchamlashtirildi. Jumladan «Maktabgacha ta’lim-tarbiya asoslari» kafedrasi tarkibi  1996- yildan e`tiboran mustaqil kafedra sifatida faoliyat yuritib kelgan "Boshlang’ich ta`lim metodikasi" kafedrasi tarkibi bilan birlashtirilib, "Maktabgacha tarbiya va boshlang’ich ta`lim asoslari" nomi berildi. Zero, "Boshlang’ich ta`lim metodikasi" kafedrasi o`zining ko`p yillik faoliyatida juda ko`p sifatli mutaxassislarni tayyorlagan.
1999-2000 o’quv yilidan e`tiboran kafedrani «Boshlang’ich  ta`lim nazariyasi va usuliyoti» nomi bilan faoliyat  yuritishiga sabab bo`ldi. 2000-yil filologiya fanlari nomzodi, dotsent Y.Y.Azimov kafedraga mudir etib tayinlandi.
Tillar kafedrasi 2005-yildan boshlab Til nazariyasi va metodikasi, 2006-yilning oktabridan Til va adabiyot kafedrasi nomi bilan atala boshladi. Kafedraga professor O.Safarov mudir etib tayinlandi.
Kafedra boshqa oliy o’quv yurtlari bilan ilmiy aloqa o’rnatgan. Jumladan, Qori Niyoziy nomidagi pedagogika fanlari ilmiy tekshirish instituti, TDPU, Termiz DU, Qo’qon DPI, Navoiy DPI Qarshi DU va boshqalar shular  jumlasidandir.
2009-yil 10-noyabrdan boshlab kafedra mudiri lavozimi M.M.Tilavova zimmasiga yuklatildi.
2011-yil 30-iyunda BuxDU rektorining buyrug’i bilan boshlang’ich ta’lim asoslari kafedrasi deb yuritila boshlandi va shundan boshlab kafedra mudiri lavozimi M.M.Tilavova zimmasiga yuklatildi.
2012-yildan-2016 yilgacha A.R.Hamroyev kafedra mudiri lavozimida ishlab keldi. 2016-yil 6-sentabrdan 1-noyabrgacha kafedra mudiri vazifasini T.R.Choriyev bajardi.
2016 yilning 1-noyabridan Boshlang’ich va maktabgacha  ta`lim  uslubiyoti kafedrasini pedagogika fanlari doktori, professor Maxmudov Mels Hasanovich kafedra mudiri etib tayinlandi.  
Kafedra Buxoro Davlat Universitet Kengashining 2018 yil 01 martdagi 06-yig`ilishida universitet fakultetlari va kafedralari tuzilmasiga o`zgarishlar kiritish to`g`risidagi 247-Y 04.04.2018 y buyrug`iga asosan ” Maktabgacha ta`lim ” Boshlang’ich ta’lim” kafedralariga ajratildi. Mazkur qaror asosida “Boshlang’ich ta’lim” kafedrasini professor Maxmudov Mels Hasanovich boshqarib keldi.
2019-yil 29-may oyidan boshlab “Boshlang’ich ta’lim” kafedrasiga o’zgartirish kiritildi. Kafedra BuxDU rektorining 2019-yil 17-maydagi 475-U raqamli buyrug’i asosida ikkiga “Boshlang’ich ta’lim metodikasi” va “Boshlang’ich ta’lim nazariyasi” kafedralariga ajratildi.Shu asosda “Boshlang’ich ta’lim nazariyasi” kafedrasi mudiri etib PhD dotsent Ro’ziyeva Mohichehra Yoqubovna tayinlandi va hozirgi vaqtga qadar kafedra ilmiy-pedagogik salohiyatini oshirish hamda moddiy-texnik bazasini mustahkamlashda o`zining munosib hissasini qo`shib kelmoqda.
Tayyorlanadigan bakalavr yo`nalishlari:
5111700 – Boshlang‘ich ta’lim va sport-tarbiyaviy ish.
Tayyorlanadigan magistratura mutaxassisliklari:
5A111701– Ta’lim va tarbiya nazariyasi va metodikasi (Boshlang‘ich ta’lim)
Kafedraning ilmiy-tadqiqot faoliyati:
2021-2022 o’quv yilida kafedra bakalavriatura ta’lim yo’nalishida  851 nafar , shu jumladan 847 (98,8%) nafar xotin-qizlar tahsil olmoqda. Kafedrada 2021-2022 o’quv yilida bakalavr ta’lim yo’nalishlari bo’yicha bitiruvchilar soni 600 nafarni, magistratura bosqichida 23 nafar magistrantni tashkil etadi.
Kafedrada asosiy shtatda 13 nafar professor-o’qituvchi, shundan fan doktori–professorlar 1 nafar, falsafa doktori (PhD)-professor  1 nafar, falsafa doktori (PhD)-dotsent 4 nafar, fan nomzodlari 1 nafar, katta o’qituvchilar 2 nafar, o’qituvchi esa – 4 nafar faoliyat olib bormoqda. Ilmiy salohiyat 54 % ni tashkil etadi. Kafedraning ilmiy tadqiqot, innovastiyalar va ilmiy pedagogik kadrlarni tayyorlash bo’yicha belgilangan tartibda “yo’l xarita”si ishlab chiqilgan va tasdiqlangan.
Kafedrada yoshlarni ilmiy tadqiqot ishlariga jalb etish, ilmiy tadqiqot va innovastion faoliyatini kadrlar bilan ta’minlash tizimi shakllantirilgan.  2022-2023 yilda kafedrada 3 nafar Phd himoyasi,1 nafar DSc himoyasi amalga oshirildi. 1 nafar professor unvoni qo’lga kiritildi. Mazkur yilda M.Xudoyqulova, R.Xalilova, S.Mahmudova singari qator yosh o’qituvchilarining dissertastiya himoyalari bo’lib o’tdi, shuningdek, 1 nafar tadqiqotchici S.Akramovaning himoya e’loni  OAK saytiga e’lon qilindi. 2022 yil oxiriga qadar yana PhD va DSc himoyalari kutilmoqda.
Fan va ishlab chiqarish o’rtasida innovastion koorparativ (o’zaro manfaatli) hamkorlikni yo’lga qo’yish maqsadida kafedra professor-o’qituvchilari tomonidan joriy yilda jami 7 000.000 so’mlik xo’jalik shartnomalari amalga oshirilgan.2022 yilda yana  7 000 000 so’mlik xo’jalik shartnomalari amalga oshirilishi kutilmoqda.
Kafedra professor-o’qituvchilari tomonidan 2021-2022 yilda 16 ta o’quv qo’llanma, 4 ta darslik ,3 ta monografiya tayyorlandi. 2022-2023 yilda ham 7 o’quv qo’llanma , 3 ta darslik 7 ta monografiya tayyorlanishi kutilmoqda.
Kafedrada tayyorlanadigan ta’lim sohasi 5111700- Boshlang’ich ta’lim va sport-tarbiyaviy ish bo’lgani sababli viloyatdagi umumiy o’rta ta’lim maktablari bilan hamkorlik aloqalari o’rnatilgan va o’quv-metodik qo’llanmalar, soha muammolariga oid maqolalar birgalikda yozilmoqda. Kafedra o’qituvchilari muntazam belgilangan reja asosida maktablarda seminar-treninglar va ochiq darslar tashkil etishmoqda.
Kafedra ilmiy yo‘nalishlari:
10.00.01 – O’zbek tilshunosligi
10.00.02 – O’zbek adabiyoti
10.00.08 – Folklorshunoslik;
13.00.01 – Pedagogika nazariyasi va tarixi. Pedagogik ta’limotlar tarixi;
13.00.02 – Ta’lim va tarbiya nazariyasi va metodikasi;
Kafedrada o’qitiladigan fanlar:
5111700 – Boshlang‘ich ta’lim va sport-tarbiyaviy ish bakalavr bosqichida o’qitiladigan fanlar:
Ona tili va adabiyot
Ona tili va bolalar adabiyoti
Boshlang’ich matematika kursi nazariyasi
Boshlang’ich ta’lim pedagogikasi, innovatsiya va integratsiyasi
Pedagogika
T/f.: Bolalar folklori
T/f.: Ifodali o’qish
T/f.: Badiiy matn tahlili
5A111701– Boshlang‘ich ta’lim mutaxassisligida magistratura bosqichida o’qitiladigan fanlar:
Pedagogik diagnostika
Boshlang’ich ta’lim metodikasi
Boshlang’ich ta’lim fanlar nazariyasi
Pedagogik kompitentlik
T/f.: Boshlang’ich sinflarda darslarni tashkil qilishning zamonaviy texnologiyalari
5111700 – Boshlang‘ich ta’lim va sport-tarbiyaviy ish ikkinchi mutaxassislikda o’qitiladigan fanlar:
Ona tili va adabiyot
Ona tili va bolalar adabiyoti
Boshlang’ich matematika kursi nazariyasi
Boshlang’ich ta’lim pedagogikasi, innovatsiya va integratsiyasi
Pedagogika
Ta’lim va tarbiyaning dolzarb muammolari 
5111700 – Boshlang‘ich ta’lim va sport-tarbiyaviy ish yo’nalishida sirtqida o’qitiladigan fanlar:
Ona tili va adabiyot
Ona tili va bolalar adabiyoti
Boshlang’ich matematika kursi nazariyasi
Boshlang’ich ta’lim pedagogikasi, innovatsiya va integratsiyasi
Pedagogika
T/f.: Bolalar folklori
 

Resurslar