geografiya fanlari bo‘yicha falsafa doktori (PhD)
Har kuni 09.00 dan 17.00 gacha
+998(65)-221-29-14
Buxoro shahar, M.iqbol 11-uy
m.k.ergasheva@buxdu.uz
+998(93)-682-20-04
Tabiiy fanlar fakulteti tarixi haqida ma’lumot:
Fakultet sobiq Buxoro Davlat pedagogika institutining tengdoshi bo’lib, 1930 yilda tashkil qilingan va 1992 yilgacha Tabiatshunoslik fakultetii deb nomlangan.
Tabiatshunoslik fakultetida dastlab kimyo, botanika va zoologiya kafedralari faoliyat ko’rsatgan. Keyinchalik qishloq xo’jalik asoslari va geografiya hamda odam va xayvonlar anatomiyasi hamda fiziologiyasi kafedralari tashkil etilgan.
Fakultetning kunduzgi bo’limida «Biologiya va kimyo, Kimyo, biologiya va qishloq xo’jaligi asoslari», «Biologiya va qishloq xo’jaligi asoslari», «Geografiya va biologiya», «Kimyo va pedagogika», sirtqi bo’limida esa, «Biologiya» va «Geografiya» ixtisosliklari bo’yicha o’rta maktablar uchun o’qituvchilar tayyorlangan.
Fakultetda asosan Buxoro, Qashqadaryo, Surxondaryo, Xorazm viloyatlaridan qisman Samarqand va boshqa viloyatlardan kelgan talabalar taxsil olishgan.
Turli yillarda tabiatshunoslik fakultetida ishlagan kimyogarlardan dostentlar Ya.I.Pakanaev, G.B.Kamaeva, E.Tuxsonov, R.G.Gafurov, M.I.Egamberdieva, N.Sh.Kattaev, katta o’qituvchi A.Ubaydullaev, botaniklardan prof. P.Ya.Chernishev, dostentlar X.X.Guzairov, S.Aslanova, M.X.Xalilov, A.F.Fayziev, L.R.Akramov, katta o’qituvchi X.X.Shamasov, zoologlardan prof. M.O.Abdullaev, Yu.M.Saidov, T.S.Salomov, M.R.Ergashev, geograflardan Yu.S.Salomov, I.K.Nazarov, U.Nurov, anatom va fiziologlardan tibbiyot fanlari doktori, prof.P.N.Karlenko, dostentlar T.Yuldosheva, R.A.Usmonova, A.X.Xasanov, D.S.Niyozov, qishloq xo’jaligi fanlaridan dostentlar S.M.Ibroximov, Sh.B.Sodiqov, N.K.Qosimova, O.A.Abdiev, O.M.Yoriyev, R.A. Shoymardonov, S.B. Bo’riyev, H.N. Mavlyanov, N.Sh. Kattayev singari professor-o'qituvchilar kafedralar moddiy-texnika bazasini mustahkamlash, o'quv-tarbiya jarayoni va ilmiy-tadqiqotlar samaradorligini oshirishda o'zlarining munosib hissalarini qo’shdilar.
1992 yilda O’zbekiston Respublikasi Prezidentining farmoni bilan Buxoro Davlat Pedagogika institutiga universitet maqomi berilgach, Tabiatshunoslik fakulteti Kimyo-biologiya fakulteti deb ataldi.
2005 yilda universitetdagi agrar fakulteti kimyo va biologiya fakultetiga qo’shildi va Tabiiy fanlar fakulteti tashkil qilindi. 2019 yildan Tabiiy fanlar fakultetidan Agronomiya va biotexnologiya fakulteti ajralib chiqdi.
Istiqlol yillarida fakultetni prof.S.B.Baqoev (1992-2006), prof. R.A.Shoymardonov (1996-2002), dots.M.Ya.Ergashov (2002-2005), prof. S.B.Bo’riev (2005-2007), prof.M.R.Amonov (2010), dots.X.T.Artikova (2012-2020), boshqardilar. 2021 yildan boshlab fakultetni t.f.n., dotsent E.D.Niyozov boshqarib kelmoqda.
Fakultetda mavjud bakalavriat ta’lim yo‘nalishlari:
60530100-Kimyo (turlari bo‘yicha)
60530400-Geografiya
60710400-Ekologiya va atrof-muhit muhofazasi (tarmoqlar va sohalar bo‘yicha)
60710100-Kimyoviy texnologiya (ishlab chiqarish turlari bo‘yicha)
60720900-Neft-gazkimyo sanoati texnologiyasi
60530200-Neft va gaz kimyosi
Magistratura ta’lim yo‘nalishlari:
70530101 - Kimyo (fan yo’nalishi bo‘yicha)
70530402 - Geografiya (o‘rganish obekti bo‘yicha)
Ilmiy-tadqiqot va ta’lim sohasidagi hamkorlik:
1) O‘zbekiston Milliy universiteti;
2) Samarqand davlat universiteti;
3) Navoiy davlat pedagogika instituti;
4) Navoiy davlat konchilik va texnologiyalar universiteti;
5) Nizomiy nomidagi TDPI;
6) Buxoro davlat tibbiyot instituti;
9) Buxoro muhandislik-texnologiya instituti.
Ilmiy-tadqiqot sohasidagi xalqaro hamkorlik:
1) L.N.Gumilyov nomidagi Yevosiyo Milliy Universiteti (Qozog’iston);
2) Qozon Federal Universiteti (Rossiya);
3) Moskva davlat universiteti (Rossiya);
Fakultetda erishilgan yutuqlar:
Bugungi kunda fakultetda 5 ta ta’lim yo’nalishi (Kimyo, Kimyoviy texnologiya (ishlab chiqarish turlari bo’yicha), Neft-gazkimyo sanoati texnologiyasi, Geografiya, Ekologiya va atrof-muhit muhofazasi), bo’yicha 942 nafar talaba, Kimyo mutaxassisligi (fan yo’nalishi bo’yicha) 56 nafar, Geografiya (o’rganish obyektlari bo’yicha) 17 nafar magistrantlar tahsil olmoqda. Fakultet kafedralaridagi 52 nafar professor-o’qituvchining 4 nafari fan doktori va professor, 17 nafari esa fan nomzodi va dostentlardir.
Fakultetda 2000 yildan keyin 3 nafar davlat ko’krak medali sohiblari, 2 nafar prezident stipendiatlari, 1 nafar El-yurt umidi jamg’armasi granti sohibi, 15 dan ortiq olimpiada g’oliblari, yetishib chiqqan.
Istiqlol yillarida fakultetning moddiy-texnika bazasi mustahkamlandi. Xozirgi kunda talab darajasida jixozlangan. «Noorganik kimyo», «Organik kimyo», «Analitik kimyo», «Fizik va kolloid kimyo», «Ekologiya», laboratoriyalarida, amaliy mashg’ulotlarning yuqori saviyada o’tkazish uchun tegishli sharoitlar yaratilgan.
«Koordinastion birikmalar kimyosi», «Kompozitsion materiallar kimyosi» va «O’simliklar fiziologiyasi va biokimyosi» laboratoriyalarida ilmiy-tadqiqotlar olib borish uchun barcha sharoitlar mavjud.
Umumiy kimyo kafedrasida kimyo fanlari doktori, prof.O.M.Yoriev, texnika fanlari doktori, prof.M.R.Amonov, dots.Q.A.Ravshanov, dots.M.S.Sharipov, dots. H.Q. Razzoqov, dots.S.I.Nazarov va boshqalar ishtirokida Tabiiy va sintetik polimerlar asosida kompozision materiallar olish texnologiyasini yaratish mavzusi bo’yicha ilmiy-tadqiqotlar olib bormoqdalar.
