21.10.2026

Universitet xodimlar va talabalar kasaba uyushma qo’mitasi

BUXORO DAVLAT UNIVERSITETI

Kasaba uyushma qo‘mitasi

Professor-o‘qituvchilar, ishchi-xodimlar va talabalarning ijtimoiy-iqtisodiy huquq va manfaatlarini himoya qilish, ijtimoiy sheriklikni rivojlantirish hamda jamoa farovonligini ta’minlash yo‘lida faoliyat yurituvchi jamoat tashkiloti.

1992-yildan faoliyat Ijtimoiy himoya Mehnat huquqlari Jamoa farovonligi

Sex kasaba uyushma tashkiloti

1550

Professor-o‘qituvchi va xodim

16 600+

Kunduzgi va kechki ta’lim talabalari

Kasaba uyushma qo‘mitasi a’zosi

Kasaba uyushma qo‘mitasi haqida

Buxoro davlat universiteti boshlang‘ich kasaba uyushma tashkiloti universitet professor-o‘qituvchilari, ishchi-xodimlari va talabalarini birlashtiruvchi jamoat tashkilotidir. Qo‘mita xodimlarning ijtimoiy-iqtisodiy huquqlarini himoya qilish, mehnat sharoitlarini yaxshilash va ijtimoiy sheriklikni mustahkamlash yo‘nalishlarida faoliyat olib boradi.

Kasaba uyushmalari bugungi kunda faqat dam olish va sog‘lomlashtirish yo‘llanmalarini taqdim etuvchi tashkilot sifatida emas, balki mehnat huquqlarini himoya qilish, xodimlarni ijtimoiy qo‘llab-quvvatlash hamda ish beruvchi bilan samarali hamkorlikni ta’minlovchi muhim ijtimoiy institut sifatida faoliyat yuritmoqda.

Universitet kasaba uyushma qo‘mitasi o‘z faoliyatini universitet ma’muriyati bilan hamkorlikda tashkil etadi va jamoa shartnomasida belgilangan majburiyatlar ijrosiga alohida e’tibor qaratadi.

STRATEGIK YONDASHUV

“O‘zbekiston — 2030” strategiyasi va kasaba uyushmalari

“O‘zbekiston — 2030” strategiyasi mamlakatning barqaror va inklyuziv rivojlanishi, iqtisodiy o‘sish, sifatli ta’lim, sog‘liqni saqlash, ijtimoiy himoya, ekologik barqarorlik va davlat boshqaruvini takomillashtirishga qaratilgan uzoq muddatli maqsadlarni belgilaydi.

Mazkur maqsadlarni amalga oshirishda kasaba uyushmalari xodimlarning manfaatlarini ifodalash, munosib mehnat sharoitlarini ta’minlash va ijtimoiy sheriklikni rivojlantirish orqali muhim o‘rin egallaydi.

QO‘MITA RAHBARIYATI

B. Kobilov

Buxoro davlat universiteti kasaba uyushma qo‘mitasi raisi

2022-yildan buyon universitet kasaba uyushma qo‘mitasi raisi sifatida faoliyat yuritib kelmoqda.

Kasaba uyushmasining tarixi

1992-yil — Qo‘mita tashkil etilishi

Buxoro davlat universitetida xodimlar va talabalarni birlashtiruvchi kasaba uyushma qo‘mitasi tashkil etildi.

2020-yil — Tarixiy sana

11-noyabr O‘zbekiston kasaba uyushmalari kuni sifatida e’lon qilindi. Ushbu sana kasaba uyushmalari faoliyatining jamiyatdagi o‘rni va ahamiyatini e’tirof etuvchi muhim voqea bo‘ldi.

2022-yil — Rahbariyatdagi yangi bosqich

B. Kobilov universitet kasaba uyushma qo‘mitasi raisi sifatida faoliyat boshladi.

Avvalgi qo‘mita raislari haqida

Universitet kasaba uyushma qo‘mitasiga turli yillarda quyidagi shaxslar rahbarlik qilgan:

G‘. Salomov
B. Madrimov
O. Abdualiyev
S. Qahhorov

Xodimlarning huquq va manfaatlarini himoya qilish

Kasaba uyushma qo‘mitasi mehnat qonunchiligiga rioya qilinishini kuzatish, xodimlarning qonuniy manfaatlarini himoya qilish, huquqiy savodxonlikni oshirish hamda murojaatlar bilan ishlash bo‘yicha tizimli faoliyat olib boradi.

Mehnat huquqlari

Xodimlarning mehnat va ijtimoiy-iqtisodiy huquqlarini himoya qilish hamda munosib mehnat sharoitlari yaratilishiga ko‘maklashish.

Huquqiy maslahat

Kasaba uyushma a’zolarining huquqiy savodxonligini oshirish va jismoniy hamda yuridik shaxslarning murojaatlari bilan ishlash.

Jamoatchilik nazorati

Ish beruvchi tomonidan mehnat qonunchiligiga rioya etilishi ustidan jamoatchilik nazoratini amalga oshirish.

IJTIMOIY SHERIKLIK

Jamoa shartnomasi — ijtimoiy kafolatlar asosi

Universitet ma’muriyati va kasaba uyushma qo‘mitasi o‘rtasidagi ijtimoiy sheriklik asosida xodimlarga qo‘shimcha imtiyozlar, moddiy rag‘batlantirish va ijtimoiy kafolatlar taqdim etiladi.

2,7 baravar

So‘nggi besh yilda jamoa shartnomasi bandlari ijrosiga sarflangan mablag‘ oshgan.

Moddiy rag‘batlantirish

Ilmiy, o‘quv va uslubiy faoliyatida alohida yutuqlarga erishgan xodimlarni qo‘llab-quvvatlash.

Qo‘shimcha imtiyozlar

Ayollar, yoshlar, nogironligi bo‘lgan shaxslar hamda ishlab chiqarishdan ajralmagan holda tahsil olayotgan xodimlarni qo‘llab-quvvatlash.

Ijtimoiy qo‘llab-quvvatlash va sog‘lomlashtirish

Qo‘mita xodimlar va ularning oila a’zolari uchun sog‘lomlashtirish, dam olish hamda bolalarning mazmunli hordiq chiqarishini tashkil etish bo‘yicha muntazam ish olib boradi.

25+

Sanatoriy va dam olish maskanlari

Professor-o‘qituvchilar, xodimlar va ularning ota-onalariga respublikamizdagi 25 dan ortiq sanatoriy hamda dam olish uylariga yo‘llanmalar ajratib boriladi.

Bolalarga g‘amxo‘rlik

1-iyun — Xalqaro bolalarni himoya qilish kuni va yangi o‘quv yili munosabati bilan xodimlarning farzandlariga teatr chiptalari, o‘quv qurollari va yozgi oromgohlar uchun yo‘llanmalar taqdim etiladi.

Bayramlarda e’tibor

Universitet ma’muriyati bilan hamkorlikda xodimlar uchun bayram tadbirlari tashkil etilib, esdalik sovg‘alari topshirib boriladi.

Madaniy-ma’rifiy va sport tadbirlari

Universitet kasaba uyushma qo‘mitasi ma’muriyat bilan hamkorlikda professor-o‘qituvchilar, ishchi-xodimlar va talabalar ishtirokida muntazam madaniy, ma’rifiy va sport tadbirlarini tashkil etadi.

Madaniy-ma’rifiy tadbirlar

Bayramlar, ustozlarga ehtirom, xotira va qadriyatlar, intellektual bellashuvlar hamda jamoaviy tadbirlar o‘tkaziladi.

Tadbirlar ro‘yxatini ko‘rish

“Yangi O‘zbekiston armiyasi — mamlakat tayanchi, xalqimiz faxri!”
“Ayol borki, olam munavvar”
“Assalom, Navro‘z!”
“Sharaf sizga, olqish sizga, aziz ustozlar!”
“Zakovat” intellektual bellashuvlari
“Xotira abadiy — qadr muqaddas”

Sport va sog‘lom turmush tarzi

Xodimlar va talabalar o‘rtasida ommaviy sport musobaqalari tashkil etilib, sog‘lom turmush tarzi targ‘ib qilinadi.

Musobaqalar ro‘yxatini ko‘rish

“Sport — sog‘lik garovi”
“Sog‘ tanda — sifatli ta’lim”
“Kasaba uyushma qo‘mitasi kubogi uchun” sport musobaqalari

Kasaba uyushma qo‘mitasining ustuvor vazifalari

Xodimlarni himoya qilish

Mehnat huquqlari va ijtimoiy-iqtisodiy manfaatlarni himoya qilish.

Ijtimoiy sheriklikni rivojlantirish

Universitet ma’muriyati bilan jamoa shartnomasi asosidagi hamkorlikni mustahkamlash.

Farovonlikni oshirish

Moddiy rag‘batlantirish, sog‘lomlashtirish va ijtimoiy yordam tadbirlarini rivojlantirish.

Jamoa faolligini qo‘llab-quvvatlash

Madaniy-ma’rifiy, sport va intellektual tadbirlar orqali jamoaviy birdamlikni mustahkamlash.