Davlatimiz Rahbarining tashabbuslari bilan O‘zbekistonning Turkiyadagi elchixonasi mamlakatimiz mintaqalarining, shu jumladan Buxoro viloyatining salohiyatini ham Turkiyada targ‘ib etishga , bu borada o‘zaro foydali aloqalarni o‘rnatish hamda rivojlantirishga alohida e’tibor qaratmoqda. Ushbu yo‘nalishda amalga oshirilayotgan chora-tadbirlar doirasida joriy yilning 17-21 oktyabr kunlari Buxoro shahrida III Ijtimoiy fanlar bo‘yicha Xalqaro kongress bo‘lib o‘tdi.
Kongress Turkiya rasmiy doiralari tomonidan har yili turli shaharlarda o‘tkaziladi. Elchixona mazkur tadbirni bu yil Buxoroda o‘tkazish masalasini turk tomoni bilan ishlab chiqdi. Bu nufuzli tadbir Buxoro Davlat universitetida bo‘lib o‘tdi.
Tashkilotchilarning asosiy maqsadi: O‘zbekistonga Turkiyadan sayyohlar oqimini yanada kuchaytirish, mamlakatimizning, xususan, Buxoroning turistik salohiyatini keng targ‘ib etish, kuz oyining so‘ngida kirib kelayotgan turistik mavsumining yakunlashiga qaramay yurtimizdagi sayohatshunoslik bilan bog‘liq bo‘lgan tadbirlarga (turfirmalar, mehmonxonalar, gidlar, transport agentliklari, restoran va kafelar, muzeylar va hunarmandlar do‘konlari) xorijiy sayyohlarni ta’minlab berish hamda ta’lim va boshqa sohalarda ikki tomonlama aloqalarni rivojlantirish “xalq diplomatiyasi”ni kuchaytirishdan iborat.
O‘zbek tomonidan hamkor sifatida Buxoro davlat universiteti tanlandi. Mehmonlar Buxoroning tarixiy obidalari va madaniy yodgorliklari bilan tanishib, unutilmas taassurotlarga ega bo‘ldilar.
Ikkichi kuni Buxoro davlat universiteti majlislar zalida III Ijtimoiy fanlar bo‘yicha Xalqaro kongress o‘z ishini boshladi.
III Ijtimoiy fanlar bo‘yicha Xalqaro kongress doirasida 8 ta yirik sho‘bada ma’ruzalar ham tinglandi. Har bir sho‘‘ba buyuk tarixiy shaxslar va mutafakkirlar nomi bilan ataluvchi jami 20 ta xonada ish olib bordi.
№ Sho‘ba nomi Xonalar nomi
