24.10.2026

2026-yil 24-oktabr kuni Buxoro davlat universitetining Tarix fakultetida “Yusuf Qoraboğiy ilmiy merosi: falsafa, ilm-fan va madaniyatlar muloqoti” mavzusida xalqaro ilmiy seminar bölib ötdi.

Özbekiston va Ozarbayjon örtasidagi azaliy döstlik, muştarak tarixiy ildizlar hamda ilmiy-ma’rifiy hamkorlikning yorqin ifodasiga aylangan mazkur nufuzli anjuman ikki qardoş xalqning taniqli olimlari, şarqşunoslari, tarixçilari, faylasuflari, din ulamolari, professor-öqituvçilari va ilmiy jamoatçilik vakillarini bir maydonda jamladi.

Xalqaro ilmiy seminarda Buxoro davlat universiteti rektori, iqtisodiyot fanlari doktori, professor Obidjon Xamidov, Abu Rayhon Beruniy nomidagi Şarqşunoslik instituti direktori, tarix fanlari doktori, professor Komiljon Rahimov, falsafa fanlari doktori, professor, taniqli şarqşunos va manbaşunos Mahmudxöja Nuriddinov, BuxDU Arxeologiya va Buxoro tarixi kafedrasi professori, tarix fanlari doktori Halim Törayev, BuxDU Arxeologiya va Buxoro tarixi kafedrasi professori, tarix fanlari doktori Şodmon Hayitov va boşqa olimlar iştirok etdilar.

Şuningdek, Ozarbayjon davlat pedagogika universitetining xalqaro aloqalar böyiça prorektori, professor Mahira Hüseynova, Boku davlat universiteti professori, tarixçi olim Qobil Aliyev, Ozarbayjon Milliy Fanlar Akademiyasi Falsafa va sotsiologiya instituti Xalqaro munosabatlar va geosiyosat bölimi siyosatşunosi Fərahilə Fazil Babayeva-Şükürova hamda mazkur institut vakili Nigar Mustafayevning iştiroki anjumanning xalqaro ilmiy ahamiyatini yanada oşirdi.

Mazkur ilmiy-ma’rifiy tadbirda Buxoro viloyatidagi “Çor Bakr” jome masjidi imom-xatibi Azizxöja domla Inoyatov hamda Mir Arab oliy madrasasi rektori Jobir Elov ham qatnaşdilar. Ularning iştiroki ilm-fan, diniy-ma’rifiy tafakkur va boy tarixiy-ma’naviy meros örtasidagi uzviy boğliqlikni namoyon etdi.

Anjumanning alohida e’tiborga molik jihatlaridan biri - Yusuf Qoraboğiy hayoti va ilmiy-falsafiy merosini bevosita tadqiq etgan taniqli olim, falsafa fanlari doktori, professor Mahmudxöja Nuriddinovning iştiroki böldi. Olim 1981-yilda “Yusuf Qoraboğiyning hayoti va falsafiy qaraşlari” mavzusida nomzodlik dissertatsiyasini himoya qilgan, 1991-yilda esa “Yusuf Qoraboğiy va XVI–XVII asrlarda Örta Osiyoda ijtimoiy-falsafiy fikr” nomli monografiyasini naşr ettirgan. Uning falsafa tarixi, şarqşunoslik, manbaşunoslik va islomşunoslik yönalişlaridagi köp yillik ilmiy izlanişlari Şarq tafakkuri tarixini örganişga muhim hissa bölib qöşilgan. Aynan Yusuf Qoraboğiy ilmiy merosini tadqiq etişga bağişlangan ilmiy işlari mazkur xalqaro seminar mavzusining dolzarbligini yanada yaqqol namoyon etdi.
 

Ilmiy anjuman davomida Şarq falsafiy tafakkurining yirik namoyandalaridan biri Yusuf Qoraboğiyning boy ilmiy merosi, uning falsafa, mantiq va ilm-fan taraqqiyotidagi örni, tarixiy-falsafiy qaraşlari hamda asarlarining bugungi ilmiy jarayonlardagi ahamiyati atrofliça muhokama qilindi.
 

Ayniqsa, Özbekiston va Ozarbayjon xalqlarini asrlar davomida birlaştirib kelayotgan muştarak tarixiy ildizlar, madaniy qadriyatlar, ilmiy an’analar hamda buyuk allomalar merosini çuqur tadqiq etiş masalalari anjumanning asosiy muhokama yönalişlaridan böldi. Ilmiy muloqotlarda Yusuf Qoraboğiy merosining Şarq falsafasi taraqqiyotidagi örni, uning ilmiy qaraşlarini zamonaviy tadqiqotlar asosida örganiş va ilmiy xulosalarni kelajak avlodlarga yetkaziş masalalariga alohida e’tibor qaratildi.
 

Şuningdek, xalqaro ilmiy hamkorlikni yangi bosqiçga olib çiqiş, tarixiy-falsafiy manbalarni zamonaviy ilmiy yondaşuvlar asosida tadqiq etiş, ikki mamlakat olimlari örtasidagi akademik aloqalarni kengaytiriş hamda qöşma ilmiy izlanişlar istiqbollarini rivojlantiriş yuzasidan fikr almaşildi.

BuxDU Axborot xizmati