20.04.2026

Buxoro davlat universiteti rektori O.X. Xamidov raisligida kengaytirilgan rektor oldi yig‘ilishi bo‘lib o‘tdi.

Yig‘ilish davomida universitetda ijro intizomi, yoshlar bilan ishlash, ma’naviy-ma’rifiy yo‘nalishdagi faoliyat, o‘quv va o‘quv-uslubiy jarayonlarda amalga oshirilayotgan ishlar hamda berilgan topshiriqlar ijrosi muhokama qilindi.

Shuningdek, fakultet va kafedralarda talabalarning ijtimoiy faolligini ta’minlash, 2026/2027-o‘quv yili uchun 1–2-kurs talabalari o‘rtasida ta’lim granti taqsimoti bo‘yicha amalga oshirilgan ishlar, ijtimoiy faollik indeksini baholash masalalari yuzasidan mas’ullarning hisobotlari tinglandi.

Kun tartibidan, shuningdek, universitetning mavjud ta’lim yo‘nalishlarini kompleks va maxsus akkreditatsiyaga tayyorlash holati, 2024/2025-o‘quv yili bitiruvchilari bandligini ta’minlash, 2025/2026-o‘quv yili bitiruvchilarining bandlik monitoringi holati hamda 2026/2027-o‘quv yili uchun qabul parametrlariga ehtiyojlarni shakllantirish masalalari ham o‘rin oldi.

Bundan tashqari, talabalar davomatini ta’minlash, shartnoma olish va to‘lovlarni amalga oshirish bilan bog‘liq masalalar, shuningdek, Oliy ta’lim, fan va innovatsiyalar vazirligining tegishli buyrug‘i mazmun-mohiyati yuzasidan ham muhokamalar olib borildi.

Yig‘ilish yakunida kun tartibidagi masalalar bo‘yicha tegishli topshiriqlar berilib, ularning ijrosini o‘z vaqtida va sifatli ta’minlash yuzasidan mas’ullarga aniq vazifalar belgilab berildi.