Bugun, 3-aprel kuni BuxDU Bandlik markazida prezident Sh. Mirziyoyevning 2025-yil 14-fevraldagi PQ - 61 - sonli qarori ijrosi yuzasidan "Kelajakka qadam" markazi faoliyatini yanada takomillashtirish hamda OTM va bank muassasasi hamkorligini mustahkamlash maqsadida AJ "Milliybank" Buxoro bo'limi boshlig'i o'rinbosari Dilshod Ochilov, "Keljakka qadam" markazi direktori o'rinbosari Umid Valiyev va universitet rahbariyati uchrashuvi bo'lib o'tdi.
Ushbu uchrashuvda har ikki tomon qaror ijrosi yuzasidan belgilangan vazifalar va chora-tadbirlarni o'rgangan holda Buxoro viloyatida bo'lajak tadbirkorlarga ko'maklashuvchi "Kelajakka qadam" markazining boshlang'ich faoliyati bilan yaqindan tanishdilar.
O'quv ishlari bo'yicha prorektor R.G'.Jumayev bitiruvchilarni tadbirkorlikka jalb qilish, ularni har tomonlama qo'llab-quvvatlash va bandligini ta'minlashda barcha mexanizmlarni ishga solinishini ma'lum qildi.
Markaz direktori o'rinbosari U.Valiyev tomonidan ham qarorda bankka va markazga yuklatilgan topshiriqlarni amalda ijro qilish, shuningdek, bitiruvchi talabalarning takliflarini o'rganib borish maqsadida doimiy aloqada bo'lishini bildirdi.
