Maxsus imkoniyatlar

buxdu.uz

buxdu.uz-Buxoro Davlat Universiteti
Kafedra mudiri

XODJAYEVA DILAFRO`Z IZATILLOYEVNA

svg Kafedra mudiri_ (fan nomzodi yoki ilmiy unvonga ega)
svg Ingliz adabiyotshunosligi va tarjimashunoslik kafedrasi
svg dilafruzkhodjaeva@gmail.com
calendar 22.10.2026

Ingliz adabiyotshunosligi va tarjimashunoslik kafedrasi

BUXORO DAVLAT UNIVERSITETI

Ingliz adabiyotshunosligi va tarjimashunoslik kafedrasi

Ingliz adabiyoti, qiyosiy tilshunoslik, tarjima nazariyasi va amaliyoti sohalarida malakali mutaxassislar tayyorlash, ilmiy tadqiqotlarni rivojlantirish hamda xalqaro akademik hamkorlikni kengaytirishga yo‘naltirilgan kafedra.

2020-yildan faoliyat Adabiyotshunoslik Tarjimashunoslik Xalqaro hamkorlik
35
Pedagog-xodim
22
Ilmiy darajali xodim
69%
Kafedraning ilmiy salohiyati
63
Tayanch doktorant va mustaqil izlanuvchi

Kafedra haqida

Ingliz adabiyotshunosligi va tarjimashunoslik kafedrasi Buxoro davlat universitetida tarjima nazariyasi va amaliyoti, ingliz adabiyoti, qiyosiy tilshunoslik va lingvistik tarjimashunoslik bo‘yicha ta’lim hamda ilmiy-tadqiqot ishlarini olib boradi.

Kafedrada bakalavriat va magistratura bosqichlari uchun mutaxassislar tayyorlanadi. Ta’lim jarayonida nazariy bilimlar, tarjima amaliyoti, badiiy matn tahlili, madaniyatlararo muloqot va xalqaro akademik tajribalarni uyg‘unlashtirishga e’tibor qaratiladi.

Kafedra jamoasi xalqaro akademik mobillik dasturlari, ilmiy loyihalar, xorijiy mutaxassislar ishtirokidagi ta’lim jarayonlari va ilmiy izlanishlar orqali o‘z faoliyatini rivojlantirib kelmoqda.

Kafedra tarixi va rivojlanish bosqichlari

2020-yil — Mustaqil kafedra sifatida tashkil etilishi

Buxoro davlat universiteti Kengashining 2020-yil 29-avgustdagi birinchi yig‘ilishi hamda 2020-yil 3-oktabrdagi 472-01-U-sonli buyruq asosida Ingliz adabiyoti kafedrasidan ajralib chiqib, Ingliz adabiyotshunosligi kafedrasi sifatida faoliyat boshladi.

2022-yil — Kafedralarning birlashishi

Ingliz adabiyoti va stilistikasi kafedrasi hamda Ingliz adabiyotshunosligi kafedrasi birlashtirilib, Ingliz adabiyotshunosligi kafedrasi qayta shakllantirildi.

2023-yildan — Yangi faoliyat bosqichi

Kafedra Ingliz adabiyotshunosligi va tarjimashunoslik kafedrasi nomi bilan ta’lim, ilmiy-tadqiqot va xalqaro hamkorlik faoliyatini davom ettirmoqda.

Ta’lim yo‘nalishlari va mutaxassisliklar

BAKALAVRIAT

Kunduzgi ta’lim

60230200 — Tarjima nazariyasi va amaliyoti

61010500 — Gid hamrohligi va tarjimonlik faoliyati

MAGISTRATURA

Mutaxassisliklar

70230104 — Adabiyotshunoslik (ingliz)

70230104 — Adabiyotshunoslik (ingliz), KT

70230201 — Qiyosiy tilshunoslik, lingvistik tarjimashunoslik

ILMIY SALOHIYAT VA TADQIQOTLAR

Yuqori ilmiy salohiyat — sifatli ta’lim va tadqiqotlar asosi

Kafedrada jami 35 nafar pedagog-xodim faoliyat yuritadi. Asosiy shtatdagi pedagoglardan 22 nafari ilmiy darajaga ega bo‘lib, ulardan 5 nafari filologiya fanlari doktori (DSc) va 17 nafari filologiya fanlari bo‘yicha falsafa doktori (PhD) hisoblanadi.

5
Fan doktori (DSc)
17
Falsafa doktori (PhD)
48
Tayanch doktorant
15
Mustaqil izlanuvchi

Kafedraning ilmiy yo‘nalishlari

10.00.04

Yevropa, Amerika va Avstraliya xalqlari tili va adabiyoti

Til va adabiyot tarixi, badiiy asarlar, madaniy kontekst va filologik tadqiqotlar.

10.00.06

Qiyosiy adabiyotshunoslik, chog‘ishtirma tilshunoslik va tarjimashunoslik

Tillar va adabiyotlarni qiyosiy o‘rganish, tarjima jarayonlari va lingvistik yondashuvlar.

Kafedra ma’lumotlariga ko‘ra, 10 nafar izlanuvchi 2026-yil oxiriga qadar ilmiy tadqiqot natijalari bo‘yicha himoya qilishni rejalashtirgan.

Xalqaro ilmiy va akademik hamkorlik

Kafedrada xorijiy mutaxassislarni jalb qilish, xalqaro grant loyihalarida qatnashish, akademik mobillikni rivojlantirish va ta’lim dasturlarini xalqaro tajribalar asosida takomillashtirish bo‘yicha ishlar olib borilmoqda.

2025–2026 O‘QUV YILI

Malayziyalik xorijiy mutaxassislar

Kafedrada quyidagi ingliz tili mutaxassislari tashrif asosida faoliyat yuritgan:

  • Azlina Abdul Aziz
  • Maslawati Binti Mohamad
  • Nur Ainil Sulaiman
2026-YIL REJASI

Yangi xalqaro hamkorliklar

Kafedra tomonidan xorijiy professor-o‘qituvchilar va mutaxassislarni jalb qilish maqsadida 10 ga yaqin oliy ta’lim muassasasi va ilmiy-tadqiqot markazi bilan muzokaralar olib borilmoqda hamda mehnat shartnomalarini rasmiylashtirish ishlari amalga oshirilmoqda.

DAAD xalqaro ilmiy loyihasi va Erasmus KA171 dasturi

DAAD — European Perspectives in Dialogue

Germaniya akademik almashinuv xizmati (DAAD) tomonidan moliyalashtirish uchun tanlangan ID-57663348-sonli “European Perspectives in Dialogue: Central Asia and Western Research” loyihasi 2023-yil 15-yanvardan 2026-yil 30-martgacha bo‘lgan davr uchun rejalashtirilgan.

Erasmus KA171 — Akademik mobillik

Bolgariyaning Sofiya universiteti hamda Pavol Jozef Šafárik universiteti bilan 2024–2027-yillar davomida Erasmus KA171 akademik mobillik dasturi amalga oshirilmoqda.

Xorijiy tajriba almashinuvi va malaka oshirish

2024–2026-yillarda kafedra professor-o‘qituvchilari quyidagi xorijiy oliy ta’lim muassasalarida ma’ruza mashg‘ulotlari o‘tkazgan hamda malaka oshirgan:

  • Sofiya universiteti — Bolgariya.
  • Istanbul Tijaret universiteti — Turkiya.
  • Xorijiy tillar universitetlari — Hindiston.
Xalqaro ta’lim tashabbuslari va ko‘p tilli ma’lumotlar bazasi

Kafedra dotsenti Axmedova Mehrinigor Bahadirovna xorijiy grant va tanlovlar haqidagi ma’lumotlarni keng yoritish maqsadida ingliz, nemis, fransuz, xitoy va arab tillaridagi ma’lumotlar bazasi ustida ish olib borgan.

Xalqaro ta’lim grantlari doirasida 100 nafar talabaning xorijiy oliygohlarda o‘qishi, amaliyot o‘tashi va yozgi maktablarda ishtirokini yo‘lga qo‘yishga qaratilgan tashabbuslar ko‘zda tutilgan.

“Struktural lingvistik tadqiqotlar” mavzusidagi xalqaro qishki dastur Germaniyaning Göttingen universiteti va Sharqiy Yevropa xalqaro tadqiqotlar markazi bilan hamkorlikda tashkil etilgan.

Kafedrada o‘qitiladigan fanlar

Fanlar bakalavriat va magistratura mutaxassisliklari bo‘yicha guruhlandi. Batafsil ro‘yxatlar quyidagi bo‘limlarni bosish orqali ochiladi.

Bakalavriat — 14 ta fan

Til va tarjimashunoslik asoslari

  1. Tarjimonlik mutaxassisligiga kirish
  2. Asosiy o‘rganilayotgan chet tili
  3. Tarjimashunoslik
  4. Amaliy tarjima
  5. Og‘zaki tarjima
  6. Tarjimada madaniyatlararo muloqot
  7. Ikkinchi chet tili

Adabiyot va tarjima amaliyoti

  1. O‘rganilayotgan tilning nazariy aspektlari
  2. Tili o‘rganilayotgan mamlakat adabiyoti
  3. Jahon adabiyoti
  4. Qiyosiy tipologiya / tilshunoslik
  5. Yozma / audiovizual tarjima
  6. Ilmiy-texnikaviy matnlar tarjimasi
  7. Ketma-ket tarjima
Magistratura — Adabiyotshunoslik (ingliz), 14 ta fan

Adabiyot nazariyasi va tahlili

  1. Adabiy tanqid
  2. Zamonaviy Angliya-Amerika adabiyoti
  3. Badiiy matn stilistikasi
  4. Badiiy matn tahlili metodlari
  5. Kognitiv adabiyotshunoslik
  6. Jahon adabiyoti muammolari
  7. Amerika adabiyoti va madaniyati

Adabiyot tarixi va amaliyot

  1. Ingliz adabiyotida Renessans davri dramalari
  2. XX asr ingliz romanchiligi
  3. Adabiyotshunoslik tarixi
  4. Qiyosiy adabiyotshunoslik
  5. Adabiy manbalar bilan ishlash amaliyoti
  6. Badiiy adabiyotlar tarjimasi va amaliyoti
  7. Adabiy oqimlar evolyutsiyasi
Magistratura — Qiyosiy tilshunoslik va lingvistik tarjimashunoslik, 7 ta fan
  1. Maxsus fanlarni o‘qitish metodikasi
  2. Amaliy xorijiy til
  3. Madaniyatlararo muloqot va tarjimashunoslik
  4. Tarjimaning ekstralingvistik asoslari
  5. Badiiy matnlar tarjimasi
  6. Turli uslubdagi matnlar tarjimasi
  7. Terminologiya va tarjimashunoslik

Xalqaro tajriba asosida o‘quv dasturlarini takomillashtirish

Kafedra tomonidan 2026/2027-o‘quv yiliga mo‘ljallangan bakalavriatning 3- va 4-kurs fan dasturlarini xalqaro ta’lim tajribasi asosida takomillashtirish ishlari olib borilmoqda. Ushbu jarayonda xorijiy universitetlarning o‘quv dasturlari o‘rganilib, zamonaviy ta’lim yondashuvlarini mahalliy fan dasturlariga integratsiya qilish ko‘zda tutilgan.

Ta’lim sifatini rivojlantirish

O‘quv rejalar, fan dasturlari va sillabuslarni xorijiy universitetlarning ilg‘or tajribalari asosida boyitish.

Zamonaviy kompetensiyalar

Tarjima amaliyoti, adabiy tahlil, qiyosiy tilshunoslik va madaniyatlararo muloqotga oid bilim hamda ko‘nikmalarni rivojlantirish.

O‘quv dasturlari o‘rganilgan xorijiy universitetlar

AQSH universitetlari

  • Harvard University
  • Michigan State University
  • University of Arizona
  • University of North Carolina

Buyuk Britaniya universitetlari

  • University of Manchester
  • University of Birmingham
  • University of Warwick
  • University of Bristol
  • Swansea University
  • University of Cambridge

Boshqa xorijiy universitetlar

  • University of Zurich — Shveytsariya
  • United Arab Emirates University — BAA
  • Hong Kong Baptist University — Gonkong
BUXORO DAVLAT UNIVERSITETI

Ilmiy izlanish, sifatli ta’lim va xalqaro hamkorlik

Ilmiy tadqiqotlar

Adabiyotshunoslik, qiyosiy tilshunoslik va tarjimashunoslik yo‘nalishlarida ilmiy izlanishlarni rivojlantirish.

Zamonaviy ta’lim

Nazariy bilimlar va amaliy tarjima ko‘nikmalarini xalqaro tajriba bilan uyg‘unlashtirish.

Akademik hamkorlik

Xorijiy mutaxassislar, grant loyihalari va akademik mobillik dasturlari orqali hamkorlikni kengaytirish.

Resurslar