Yuqori samaradorlikka ega bo’lgan quyosh energiyasi hisobiga ishlaydigan avtomatlashtirilgan quyosh meva-sabzavot quritgich qurilmasi yordamida meva va sabzavotlar ochiq maydondagiga nisbatan 2,5-3 marta tezroq quriydi hamda mahsulotning sifati yuqori bo’ladi.
Qurilmaning har bir metr kvadrat yuzasi hisobidan mahsulotning pishib etishi va mavsumiga bog’liq holda navbatma - navbat 25-30 kg o’rik, 10-15 kg gilos, 25-30 kg pomidor, 25 - 30 kg mayiz, 5-10 kg qovun va hokazolarni quruq holda tayyorlab olish mumkin. Yaratilgan avtomatlashtirilgan quyosh meva quritgichi quyidagi afzalliklarga ega:
● konstrukciyasi ixcham, engil bo’lgani uchun bog’ maydonlariga keltirib o’rnatish qulay;
● ishchi qismlarini mahalliy xom ashyolardan tayyorlash mumkin;
● quritgich tabiiy cirkulyaciya (konvekciya), majburiy cirkulyaciya rejimlarida ishlashi mumkin;
● ishlatish qulay bo’lgani uchun undan har qanday fermer yoki xonadonda maxsus yo’riqnoma asosida mustaqil ishlatish imkoniyatiga ega;
● qurilmani zamonaviy materiallardan foydalangan holda yanada ixcham, yengil va samarador qilib yasash mumkin.
ASOSIY TEXNIK-TEXNOLOGIK PARAMETRLARI
● qurilmaning mahsulot joylashtiriladigan umumiy yuzasi 1,1 m2;
● quritgich qurilmasi o’lchamlari 1,0×0,62×0,42 m bo’lgan quritish kamerasidan iborat;
● to’g’ri to’rtburchak shaklidagi 380×350×50 mm o’lchamdagi patnislar mavjud;
● qurilmaning og’irligi 35-40 kg;
● qurilmadagi namlikni 30 % da ushlab turish mumkin;
● qurilmadan 15-20 yil foydalanish mumkin.:
Kutilayotgan natijalar: Qurilmaga qilingan sarf-xarajatlar bir yilda qoplanib, qo’shimcha 20% gacha sof foyda olish mumkin.
Mualliflik guvohnomasi № 3308. 18.02.2010.
Qo’llash sohalari: Qishloq va suv xo’jaligi vazirligi, Viloyat qishloq va suv xo’jaligi boshqarmasi; Bog’dorchilik va uzumchilikka ixtisoslashtirilgan dehqon va fermer xo’jaliklari
Qurilmaning principial sxemasi: 1 – quritish kamerasi, 2,3 – ventilyatorlar, 4 – reflektorli IK-nurli lampa, 5 – mahsulotlar uchun poddon, 6 – kontakt termometr, 7 – boshqarish pulti, 8 – havo oqimi aylanuvchi quvur, 9 – shisha qatlam
Tashkilot nomi: Buxoro davlat universiteti (BuxDU).
Manzil: Buxoro shahar, M. Iqbol ko’chasi 11-uy.
Tel: (0 365) 221-29-14, 221-26-82
Faks: (0 365) 221-27-07
E-mail: bdu-ilm@mail.ru, bsuscience@umail.uz
