Agronomiya va tuproqshunoslik kafedrasi

Agronomiya, agrokimyo, tuproqshunoslik, o‘simliklarni himoya qilish va qishloq xo‘jaligi sohasida ta’lim hamda ilmiy-tadqiqot faoliyati.

Agronomiya va tuproqshunoslik kafedrasi o‘z tarixini 1959-yilda Buxoro davlat pedagogika instituti Tabiatshunoslik fakulteti tarkibida tashkil etilgan Qishloq xo‘jaligi asoslari kafedrasidan boshlaydi. Dastlabki yillarda kafedrada agrar sohaning turli bo‘g‘inlarida faoliyat yuritgan yetuk mutaxassislar birlashtirilgan.

2022-yilda Tuproqshunoslik kafedrasi negizida Agronomiya va tuproqshunoslik kafedrasi tashkil etildi. Hozirgi kunda kafedraga biologiya fanlari bo‘yicha falsafa doktori (PhD), dotsent Umarov Otabek Rafoilovich rahbarlik qilmoqda.

Kafedrada 20 nafar professor-o‘qituvchi faoliyat yuritadi. Ularning 3 nafari fan doktori (shu jumladan, 1 nafari DSc), 9 nafari esa falsafa doktori (PhD) ilmiy darajasiga yoki dotsent ilmiy unvoniga ega. Kafedraning ilmiy salohiyati 63 foizni tashkil etadi.

Umarov Otabek Rafoilovich

Biologiya fanlari bo‘yicha falsafa doktori (PhD), dotsent

Mazkur ixtisoslik bo‘yicha 15 nafardan ziyod tayanch doktorant va mustaqil izlanuvchi mavjud.

Kafedra professor-o‘qituvchilari tomonidan Scopus bazasiga kiritilgan jurnallarda, xalqaro va respublika ilmiy anjumanlarida maqolalar va tezislar chop etilgan, shuningdek mualliflik guvohnomalari olingan. 2025–2026-o‘quv yilida 2 ta darslik, 5 ta o‘quv qo‘llanma va 2 ta monografiya nashr etilgan.

Xitoy Xalq Respublikasi bilan hamkorlik

Buxoro davlat universiteti rektorining 2026-yil 12-yanvardagi 12-XC-sonli buyrug‘iga asosan universitet delegatsiyasi Xitoy Xalq Respublikasining Shinjon-Uyg‘ur muxtor rayoni, Pekin va Jinan shaharlariga xizmat safariga yuborildi. Delegatsiya tarkibida kafedra mudiri Umarov Otabek Rafiolovich ham ishtirok etdi.

Safar davomida qishloq xo‘jaligi, agronomiya, tuproqshunoslik, agrobiotexnologiya, qishloq xo‘jaligini raqamlashtirish, sun’iy intellekt texnologiyalarini agrar sohaga joriy etish hamda zamonaviy laboratoriya jihozlarini xarid qilish bo‘yicha hamkorlikni rivojlantirish masalalari ko‘rib chiqildi.

Texas Tech University professori ishtirokidagi mashg‘ulotlar

Buxoro davlat universiteti rektorining 2026-yil 19-fevraldagi 113-U-sonli buyrug‘iga asosan AQSHning Texas Tech University professori Dani Raviprakash Govindrao kafedra talabalariga “Tuproqshunoslik” fanidan auditoriya mashg‘ulotlarini o‘tish uchun ta’lim jarayoniga jalb etildi.

Professor tomonidan jami 30 soat auditoriya mashg‘uloti tashkil etildi. Mashg‘ulotlarda tuproq unumdorligini baholash, tuproq tarkibi va xossalarini ilmiy tahlil qilish, tuproq omillarining ekinlar hosildorligiga ta’siri, tuproq resurslaridan oqilona foydalanish va barqaror dehqonchilik tizimlari o‘rganildi.

Mazkur ishlar O‘zbekiston Respublikasi Prezidentining 2017-yil 20-apreldagi PQ-2909-sonli va 2018-yil 5-iyundagi PQ-3775-sonli qarorlari ijrosini ta’minlash, xalqaro hamkorlikni kengaytirish va ta’lim sifatini oshirish maqsadida amalga oshirildi.

Hindiston oliy ta’lim muassasalari bilan hamkorlik

Universitet rektorining 2026-yil 23-apreldagi 190-XC-sonli buyrug‘iga asosan universitet vakillari Hindiston Respublikasining Mumbay, Dehli, Raypur va Agra shaharlariga xizmat safariga yuborildi. Safarda Umarov Otabek Rafiolovich va Sharipov Odiljon Bafoyevich ishtirok etdilar.

Safar davomida agronomiya, tuproqshunoslik, qishloq xo‘jaligi, raqamli texnologiyalar va ilmiy-tadqiqot sohalarida hamkorlik, professor-o‘qituvchilar va tadqiqotchilar almashinuvi, qo‘shma ilmiy loyihalar, ilmiy maqolalar, stajirovkalar hamda talabalar uchun akademik imkoniyatlarni kengaytirish masalalari muhokama qilindi. Hamkorlik bo‘yicha “Yo‘l xaritalari”ni shakllantirish masalalariga ham e’tibor qaratildi.

1. Tuproqshunoslik va geologiya asoslari
2. Agrokimyo
3. Meva-sabzavot ekinlari biologiyasi
4. Dehqonchilik va melioratsiya
5. Tuproqshunoslik va agrokimyo
6. Qishloq xo‘jaligini mexanizatsiyalashtirish
7. Agronomiya asoslari
8. Tuproqshunoslik va agrokimyo
9. Dehqonchilik
10. Melioratsiya va yer tuzish
11. Mevachilik va sabzavotchilik
12. Qishloq xo‘jalik ekinlari genetikasi, seleksiyasi va urug‘chiligi
13. Tanlov fanlari (Anorchilik va uzumchilik)
14. Tuproqshunoslik va agrokimyo
15. Tuproqshunoslik
16. Agrokimyo
17. Dehqonchilik va melioratsiya
18. O‘simlikshunoslik
19. Mevachilik va sabzavotchilik
20. Tanlov fanlari (Sabzavotchilikda o‘g‘it qo‘llash)
21. O‘simliklarni himoya qilish
22. O‘simlikshunoslik
23. Ekinlarni sug‘orish va sug‘orish tizimlari
24. Tanlov fani (Qishloq xo‘jaligi yo‘nalishidagi fanlarni o‘qitish uslubiyoti)
25. O‘simliklarni himoya qilish
26. Tuproq biologiyasi va kimyosi
27. Tuproq fizikasi
28. Yer tuzish va kadastri
29. Tanlov fani (Genetik tuproqshunoslik muammolari)
30. Uzumchilik
31. Sabzavotchilik
32. Himoyalangan yer meva-sabzavotchiligi
33. Polizchilik va kartoshkachilik
34. Tanlov fani (Jahon sabzavotchiligi)
35. Qishloq xo‘jalik fitopatologiyasi
36. Qishloq xo‘jalik entomologiyasi
37. O‘simliklarni zararli organizmlardan biologik himoya qilish
38. Yer tuzish va kadastri
39. Tuproqshunoslikda geoaxborot tizimlari va modellashtirish
40. Tuproq degradatsiyasi va rekultivatsiyasi
41. Tuproq bonitirovkasi va xaritalash
42. O‘g‘it qo‘llash tizimi
43. O‘simlikshunoslik
44. Dala ekinlarini yetishtirishda noan’anaviy texnologiyalar

1. Maxsus fanlarni o‘qitish metodikasi
2. Agrokimyoda ilmiy-tadqiqot uslublari
3. O‘simliklar mineral oziqlanishining fiziologik asoslari
4. Tuproq xossalari va ularning o‘g‘it qo‘llashdagi ahamiyati
5. Ilmiy-tadqiqot metodologiyasi
6. Dehqonchilikda tuproq unumdorligini boshqarish
7. Zamonaviy dehqonchilik tizimlari va ularni boshqarish
8. Agronomiyada ilmiy-tadqiqot uslublari
9. Almashlab ekishning agroekologik asoslari
10. Ekologik toza mahsulot yetishtirish texnologiyasi
11. Agronomiyada innovatsion texnologiyalar
12. Sug‘oriladigan dehqonchilikda mikroo‘g‘itlarni qo‘llash
13. Agrokimyoviy xaritanomalar tuzish va ulardan foydalanish
14. Tuproqshunoslik va agrokimyoda barqaror rivojlanish
15. Tanlov fani (Sho‘rlangan yerlar melioratsiyasi)

O‘quv auditoriyalari va laboratoriyalar

Kafedrada ta’lim dasturlari xususiyatidan kelib chiqib ma’ruza, seminar, amaliy va laboratoriya mashg‘ulotlari uchun mo‘ljallangan o‘quv xonalari tashkil etilgan. Ular fanlar mazmuni va amaliy tayyorgarlik talablariga muvofiq jihozlangan bo‘lib, talabalarning nazariy bilimlarini amaliy ko‘nikmalar bilan mustahkamlash va kasbiy kompetensiyalarini rivojlantirishga xizmat qiladi.

Texnik vositalar va ta’lim resurslari

O‘quv xonalari kompyuter jamlanmalari, proyektorlar, elektron doskalar, namoyish materiallari, laboratoriya asbob-uskunalari, o‘lchov vositalari va fanlar mazmuniga mos boshqa texnik jihozlar bilan ta’minlangan. Ta’lim jarayonida zarur dasturiy ta’minot, elektron ta’lim resurslari hamda internet tarmog‘idan foydalanish imkoniyati mavjud.

Kafedraning moddiy-texnik bazasidan ma’ruza va amaliy mashg‘ulotlar, talabalar mustaqil ta’limi, kurs ishlari, laboratoriya tadqiqotlari hamda ilmiy izlanishlarda foydalaniladi. Xususan, tuproq namunalarini tahlil qilish, agrotexnik jarayonlarni o‘rganish, agrokimyoviy ko‘rsatkichlarni aniqlash va amaliy tajribalarni bajarishda laboratoriyalar muhim ahamiyatga ega.

O‘quv xonalari va jihozlardan foydalanish holati doimiy monitoring qilinadi, texnik xizmat ko‘rsatish ishlari olib boriladi hamda zaruratga qarab bosqichma-bosqich yangilanadi. Bu o‘quv jarayonining uzluksizligi va ta’lim sifatini oshirishga xizmat qiladi.

Agronomiya va tuproqshunoslik kafedrasi

Kafedra agrar soha uchun malakali mutaxassislar tayyorlash, tuproq unumdorligini oshirish, qishloq xo‘jaligi ekinlari hosildorligini yaxshilash, ilmiy tadqiqotlarni rivojlantirish va xalqaro akademik hamkorlikni kengaytirish yo‘nalishlarida faoliyat olib bormoqda.