Boshlang`ich ta’lim metodikasi kafedrasi

Kafedra tarixi
Kafedra 1959-yili Boshlang’ich ta’lim metodikasi fakulteti bilan bir vaqtda Boshlang’ich ta’lim pedagogikasi va metodikasi kafedrasi tarkibida ochilgan. Bu kafedra 1977-yilgacha faoliyat koʻrsatdi. Shundan soʻng ushbu kafedra ikkiga: Boshlang’ich ta’lim pedagogikasi va Boshlang’ich ta’lim usluliyoti kafedralariga ajratildi. Boshlang’ich ta’lim ixsosligidagi barcha fanlar shu kafedraga biriktirilgan edi. Mazkur kafedrada turli yillarda Sh.Rayxonov, O.R.Roziqov, K.X.Xayrullayev, I.I.Shamsiddinov, D.Y.Roʻziyev, F.M.Qosimov, M.M.Tilavova, M.X.Mahmudovlar rahbarlik qildilar.
1984-yilda mazkur kafedra rektoratning buyrug’i bilan ona tili nazariyasi va usuliyoti deb nomlana boshlandi. 1994-1995-oʻquv yilidan boshlab kafedra negizida yangi kafedra tashkil etilib uning tarkibiga maktabgacha tarbiya pedagogikasi va psixologiya fanlari oʻtkaziladi.
1995-1996-oʻquv yilida “Pedagogik oʻquv markazi”ning tashkil etilishi munosabati bilan kafedralar ixchamlashtirildi. Jumladan “Maktabgacha ta’lim-tarbiya asoslari” kafedrasi tarkibi 1996-yildan e’tiboran mustaqil kafedra sifatida faoliyat yuritib kelgan “Boshlang’ich ta’lim metodikasi” kafedrasi tarkibi bilan birlashtirilib, “Maktabgacha tarbiya va boshlang’ich ta’lim asoslari” nomi berildi. Zero, “Boshlang’ich ta’lim metodikasi” kafedrasi oʻzining koʻp yillik faoliyatida juda koʻp sifatli mutaxassislarni tayyorlagan. Kafedra mudirlari dotsent Sh.Rayxonov va F.Qosimovlar kafedraning ilmiy, oʻquv-uslubiy salohiyatini oʻstirishga katta xizmat qilgan. Mutaxassisliklarga boʻlgan ehtiyojning oʻzgarib borishi, ayniqsa, boshlang’ich ta’lim mutaxasisligidan koʻp sonli talabalarni oʻqishga qabul qilinishi va oʻquv-soatlari hajmining oshishi 1999-2000-oʻquv yilidan e’tiboran kafedrani “Boshlang’ich ta’lim nazariyasi va usuliyoti” nomi bilan faoliyat yuritishiga sabab boʻldi
Kafedra uzoq yillik faoliyati davomida asosan oʻquv-tarbiyaviy, ilmiy-tadqiqot, ma’naviy-ma’rifiy ishlarga alohida e’tibor berib, malakali mutaxassislarni tarbiyalashni oʻz oldiga maqsad qilib qoʻyadi. Jumladan, oʻquv dasturlarini yangilash, zamon talabiga mos yangi materiallar bilan ularni toʻldirish, kafedraning moddiy bazasini yaratishga xos ishlarga katta e’tibor beriladi.
Kafedra boshqa oliy oʻquv yurtlari bilan ilmiy aloqa oʻrnatgan. Jumladan, Qori Niyoziy nomidagi pedagogika fanlari ilmiy tekshirish instituti, TDPU, TerDU, Qoʻqon DPI, NDPI, QarDU va boshqalar shular jumlasidandir.
2009-yil 10-noyabrdan boshlab kafedra mudiri lavozimi M.M.Tilavova zimmasiga yuklatildi. 2011-yil 30-iyunda BuxDU rektorining buyrug’i bilan “Boshlang’ich ta’lim asoslari” kafedrasi deb yuritila boshlandi. 2011-yilda Boshlang’ich ta’lim asoslari kafedrasi mudiri etib A.R.Hamroyev tayinlandi.
2016-yilda kafedraga professor M.H.Mahmudov mudir sifatida tanlovdan o’tdi. Rektorat buyrug’iga asosan kafedra nomi Boshlang’ich ta’lim deb atala boshlandi. 
2018-2019-oʻquv yilidan e’tiboran “Maktabgacha va boshlang’ich ta’lim fakulteti” tashkil topishi munosabati bilan kafedra ikkiga bo’lindi: maktabgacha ta’lim hamda boshlang’ich ta’lim kafedralariga ajratildi. 
2019-yil may oyida rektor buyrug’iga asosan, boshlang’ich ta’lim kafedrasi yana ikkiga: boshlang’ich ta’lim nazariyasi va boshlang’ich ta’lim metodikasi kafedralariga boʻlindi.
Boshlang’ich ta’lim metodikasi kafedrasi BuxDU rektorining 2019-yil 17-maydagi 475-U raqamli buyrug’i asosida “Boshlang’ich ta’lim metodikasi” nomi bilan tashkil etildi. 
2019-2020-oʻquv yilidan boshlab “Boshlang’ich ta’lim metodikasi” nomi bilan yuritila boshlandi.
2019-yil may oyidan to hozirgi vaqtga qadar kafedrani pedagogika fanlari doktori, dotsent Alijon Roʻziqulovich Hamroyev boshqarib, uning ilmiy-pedagogik salohiyatini oshirish va moddiy-texnik bazasini mustahkamlashga oʻzining munosib hissasini qoʻshib kelmoqda.
Tayyorlanadigan bakalavr yoʻnalishlari:
5111700 – Boshlang’ich ta’lim va sport-tarbiyaviy ish.
5111700 – Boshlang’ich ta’lim.
Tayyorlanadigan magistratura mutaxassisligi:
5A111701 – Ta’lim va tarbiya nazariyasi va metodikasi (boshlang’ich ta’lim)
Kafedraning ilmiy-tadqiqot faoliyati:
2020-2021-yillarda boshlang’ich ta’lim metodikasining bir qancha pedagog xodimlari doktorlik va nomzodlik dissertatsiyalarini himoya qilishdi. Xususan, kafedra mudiri A.R.Hamroyev “Ona tili ta’limida oʻquvchilarning ijodiy faoliyatini loyihalashtirish” nomli 13.00.02 – Ta’lim va tarbiya nazariyasi va metodikasi (o‘zbek tili) ixtisosligi bo‘yicha doktorlik dissertatsiyasini himoya qilib, pedagogika fanlari doktori (DSc) ilmiy darajasini darajasini oldi. 
Sh.B.Babayeva tomonidan “Методика преподавания родного языка” nomli darslik yaratildi. 
Shu bilan birga, 2020-2021-yillarda kafedrada faoliyat olib borayotgan professor-oʻqituvchilar tomonidan bir qancha oʻquv qoʻllanmalar nashr qilindi. Kafedra dotsenti va katta oʻqituvchisi F.M.Qosimov, M.M.Qosimovalar hammuallifligida “Boshlang’ich matematika kursi asoslari” deb nomlangan, M.M.Qosimovaning “Boshlang’ich matematika kursi nazariyasi (1-qism)”, A.Hamroyev, Y.Po’lotovalarning “Ona tili o’qitish metodikasi”, M.M.Tilavovaning “Texnologiya va uni oʻqitish metodikasi”, Sh.B.Babayevaning “Методика преподавания родного (руского) языка (в период обучения грамоте)” nomli, N.B.Adizova, R.X.Jumayev, R.A.Qoʻldoshev, S.R.Ismatovlarning hammuallifligida “Ona tili oʻqitish metodikasi”, M.H.Hakimovaning “Matematika oʻqitish metodikasi (amaliy mashg’ulot, 1-modul)” deb nomlangan oʻquv qoʻllanmalari nashr qilinib, talabalarga foydalanish uchun tavsiya qilindi.
Boshlang’ich ta’lim metodikasi kafedrasi professor-oʻqituvchilari tomonidan yaratilgan metodik qoʻllanmalar talabalarning koʻproq oʻqib-oʻrganishlari uchun yanada keng imkoniyatlar eshigini ochdi. 
A.R.Hamroyev va F.M.Qosimovlarning hammuallifliklaridagi “Boshlang’ich ta’lim istiqbollari”, O.P.Boboyev va F.M.Qosimovning “Masalalar va ularni yechish (4-sinf)”, Sh.B.Babayevaning “Методические рекомендации по самостаятельному образаванию по методике преподавания родного (русского) языка (2 курс)”, “Методические рекомендации по самостаятельному образаванию по методике преподавания родного (русского) языка (3 курс)” nomli metodik qoʻllanmalari nashr qilinib, foydalanish uchun talabalar ixtiyoriga topshirildi. 
Joriy yilda kafedraning professor-oʻqituvchilari tomonidan foydalanuvchilar uchun yanada qulaylik yaratish maqsadida bir qancha elektron shakldagi oʻquv qoʻllanmalar ham yaratildi. 
Katta oʻqituvchi M.H.Hakimovaning “Maktabgacha va boshlangʼich taʼlimda matematik tasavvurlarni shakllantirishda uzviylikni taʼminlash boʼyicha topshiriqlar tizimi” deb nomlangan elektron oʻquv qoʻllanmasi, M.M.Tilavova, M.Dj.Haydarova, Sh.N.Qurbonova, A.I.Baxronovalarning hammuallifliklarida “Texnologiya va uni oʻqitish metodikasi” nomli, Sh.Y.Yusufzoda, G.E.Saidova, M.J.Yarashov, Y.Y.Azimov, B.N.Yuldashevlar tomonidan “Matematika oʻqitish metodikasi” deb nomlangan, S.A.Qodirova va oʻqituvchilar jamoasi bilan birgalikda “Raqamli iqtisodiyot davrida kasbiy mahoratni rivojlantirishni boshqarish fanidan uslubiy majmua” nomli oʻquv qoʻllanmalari foydalanuvchilarga berildi.
2022-2023-yillarda kafedra professor-oʻqituvchilari A.R.Hamroyev, G’.M.Sayfullayev, M.Dj.Haydarova, Sh.N.Qurbonova, Sh.Y.Yusufzoda, M.G’.Sadullayeva, Y.U.Nurova, Y.A.Poʻlotova, M.J.Yarashov, A.Sh.Husenova, OʻM.Olloqova, U.Sh.Tog’ayeva, D.Sh.Sidiqova, D.I.Davronov, M.R.Hamroyevalar tomonidan koʻplab monografiyalar nashr qilindi.
2022-2023-o’quv yilida Boshlang’ich ta’lim metodikasi kafedrasida 30 nafar professor-oʻqituvchi faoliyat olib boradi. Shundan 1 nafari fan doktori, 4 nafari fan nomzodi, dotsentlar. Ilmiy salohiyat 22 %ni tashkil etadi. 
Bugungi kunda mustaqil izlanuvchilar katta oʻqituvchi M.H.Hakimova va oʻqituvchilar Y.A.Poʻlotovalarning pedagogika fanlari boʻyicha falsafa doktori (Phd) dissertatsiyalarini himoya qildi. 
Kafedrada yoshlarni ilmiy tadqiqot ishlariga jalb etish, ilmiy tadqiqot va innovastion faoliyatini kadrlar bilan ta’minlash tizimi shakllantirilgan. Kafedraning 4 nafar yosh oʻqituvchilari A.Sh.Husenova, D.Omonova, U.Sh.Tog’ayeva, D.Sh.Sidiqova ntayanch doktaranturada tahsil olmoqda.
Kafedra professor-o’qituvchilari viloyatdagi umumiy oʻrta ta’lim maktablari bilan hamkorlik aloqalarini yo’lga qo’yib, ular uchun oʻquv-metodik qoʻllanmalar, soha muammolariga oid maqolalar hamkorlikda tayyorlanmoqda. 
Kafedraning filiallari Buxoro shahridagi 29-maktab, Buxoro tumanidagi 5-maktab umumiy oʻrta ta’lim maktablarida tashkil etilgan bo’lib, professor-oʻqituvchilar muntazam belgilangan reja asosida maktablarda seminar-treninglar va ochiq darslar tashkil etishmoqda.
Kafedra ilmiy yoʻnalishlari:
13.00.01 – Pedagogika nazariyasi va tarixi. Pedagogik ta’limotlar tarixi;
13.00.02 – Ta’lim va tarbiya nazariyasi va metodikasi (sohalar bo’yicha);
5A111701 – Boshlang’ich ta’lim mutaxassisligida magistratura bosqichida oʻqitiladigan fanlar:
Mutaxassislik fanlarini oʻqitish metodikasi
T/f.: Texnologiya darslarini tashkil etish metodikasi.
5111700 – Boshlang’ich ta’lim va sport-tarbiyaviy ish ikkinchi mutaxassislikda oʻqitiladigan fanlar:
Ona tili oʻqitish metodikasi
Matematika oʻqitish metodikasi
Texnologiya va uni oʻqitish metodikasi
Tabiatshunoslik va uni oʻqitish metodikasi
Tarbiyaviy ishlar metodikasi
5111700 – Boshlang’ich ta’lim va sport-tarbiyaviy ish yoʻnalishida sirtqida oʻqitiladigan fanlar:
Ona tili oʻqitish metodikasi
Tarbiyaviy ishlar metodikasi
Matematika oʻqitish metodikasi
Texnologiya va uni oʻqitish metodikasi
Tabiatshunoslik va uni oʻqitish metodikasi
T/f.: Boshlang’ich sinflarda sinfdan tashqari ishlarni tashkil etish metodikasi