Buxoro davlat universiteti
Rus tili va adabiyoti kafedrasi
Kafedraning tarixi, ta’lim yo‘nalishlari, ilmiy-tadqiqot faoliyati va xalqaro hamkorligi haqida ma’lumot
Kafedra mudiri
Sharipov Sohib Salimovich
Dotsent, filologiya fanlari bo‘yicha falsafa doktori (PhD)
Kafedra tarixi
Rus tili va adabiyoti o‘qituvchilarini tayyorlash Buxoro davlat universitetida (sobiq Buxoro davlat pedagogika instituti) 1935-yildan boshlangan. 1945-yilda tarix-filologiya fakulteti tarkibida rus tili va adabiyoti bo‘limi faoliyat boshlagan. Shu yili rus tili va adabiyoti birlashgan kafedrasi ham tashkil etilgan.
1949-yilda kafedra ikkita mustaqil kafedraga — rus tili hamda rus va xorijiy adabiyot kafedralariga ajratilgan.
1967-yilda qayta tashkil etish natijasida rus tili kafedrasi quyidagi uchta kafedraga bo‘lingan:
01. Rus tilshunosligi
02. Rus tili va adabiyotini o‘qitish metodikasi
03. Fakultetlararo rus tili kafedrasi
1999-yilda talabalar qabuli va o‘quv soatlari hajmining qisqarishi natijasida rus tilshunosligi hamda jahon (rus va xorijiy) adabiyoti kafedralari birlashtirildi. Shu davrdan boshlab kafedra Rus filologiyasi kafedrasi deb nomlandi. 2007-yilda unga fakultetlararo rus tili kafedrasi ham qo‘shildi.
Kafedraga turli yillarda rahbarlik qilganlar:
prof. M.O. Etkin, prof. M.A. Jovto-bryux, prof. S.S. Slobodinskiy, prof. N.T. Pak, prof. N.B. Bayburina, prof. L.P. Grexova, prof. L.I. Savchenko, prof. K.R. Babayev, prof. F.I. Nasirova, prof. B.Ya. Axmedov, prof. M.R. Saidova, prof. V.A. Kiselyova, L.V. Abdullayeva, prof. N.A. Jadanova, L.V. Mavrina, Z.Sh. Xasanova, prof. Z.R. Djurayeva, prof. Yu.L. Xon, dots. A.B. Sariyev, dots. O.T. Nosirov, prof. L.X. Nigmatova.
Ular kafedraning ilmiy-pedagogik salohiyatini oshirish va moddiy-texnik bazasini mustahkamlashga munosib hissa qo‘shganlar.
Ilmiy-tadqiqot faoliyati
So‘nggi yillarda kafedra professor-o‘qituvchilari tomonidan nomzodlik dissertatsiyalari himoya qilindi, monografiyalar, darsliklar, o‘quv qo‘llanmalar va ilmiy maqolalar nashr etildi.
200+
so‘nggi 5 yilda chop etilgan ilmiy maqolalar
30+
ilmiy tadqiqotlarga jalb etilgan iqtidorli talabalar
50+
talabalar tomonidan chop etilgan ilmiy maqolalar
Ilmiy hamkorlik
Kafedra Buxoro davlat universitetining 95 yilligiga bag‘ishlangan “Turkologiya va rusistika” xalqaro forumi (2025), 2021 va 2023-yillarda 2 ta xalqaro hamda 2008–2021-yillarda L.N. Tolstoy, A.P. Chexov, M.A. Bulgakov, M.I. Svetayeva va M.Yu. Lermontov ijodiga bag‘ishlangan 8 ta oliy ta’lim muassasalariaro ilmiy-amaliy konferensiyaning tashkilotchisi bo‘lgan.
Kafedraning ilmiy-tadqiqot markazi qoshida Qo‘shma virtual lingvoekologik laboratoriya (SAFU–BuxDU) faoliyat yuritadi.
Hamkor tashkilotlar
- Qozon federal universiteti (Rossiya Federatsiyasi)
- M.V. Lomonosov nomidagi Shimoliy (Arktika) federal universiteti (Rossiya Federatsiyasi)
- “Zlatoust” nashriyot uyi (Sankt-Peterburg)
- Mirzo Ulug‘bek nomidagi O‘zbekiston Milliy universiteti
- Samarqand davlat universiteti
- Samarqand davlat pedagogika instituti
- Navoiy davlat universiteti
Bog‘lanish uchun ma’lumot
Manzil: M. Iqbol ko‘chasi, 11
Telefon: (+998) 65 221-30-46
Telefon: (+998) 65 221-29-06
E-mail: buxdu_rektor@buxdu.uz
buxdu_rektor@buxdu.uz
(+998) 65 221-30-46
UZ
RU
EN
ZH-CN
