Buxoro davlat universiteti Raqamli ta'lim texnologiyalari departamenti
Raqamli ta'lim texnologiyalari departamenti universitetning ta'lim, ilmiy va boshqaruv faoliyatiga zamonaviy axborot-kommunikatsiya texnologiyalarini joriy etuvchi, elektron ta'lim tizimlarini rivojlantiruvchi hamda axborot xavfsizligini ta'minlovchi tarkibiy bo'linma hisoblanadi.
Departament O'zbekiston Respublikasi Vazirlar Mahkamasining 2001-yil 23-maydagi 230-son qarori hamda Oliy va o'rta maxsus ta'lim vazirligining 2001-yil 25-yanvardagi 23-son buyrug'i asosida tashkil etilgan Axborot texnologiyalari markazi negizida faoliyat boshlagan. 2021-yilda "Raqamli ta'lim texnologiyalari markazi" sifatida qayta tashkil etilib, 2022-yildan boshlab "Raqamli ta'lim texnologiyalari departamenti" maqomida faoliyat yuritmoqda.
Bugungi kunda departament universitetning raqamli infratuzilmasini rivojlantirish, elektron ta'lim platformalarini takomillashtirish, axborot tizimlarini qo'llab-quvvatlash hamda axborot resurslarining xavfsizligi va uzluksiz ishlashini ta'minlash bo'yicha faoliyat olib bormoqda.
Departamentning asosiy yo'nalishlari
- Universitetning axborot-kommunikatsiya infratuzilmasini boshqarish va rivojlantirish.
- Elektron ta'lim tizimlari va axborot resurslarining uzluksiz ishlashini ta'minlash.
- Axborot xavfsizligini ta'minlash hamda kiberxavfsizlik choralarini amalga oshirish.
- Serverlar, lokal tarmoqlar va internet infratuzilmasiga texnik xizmat ko'rsatish.
- Kompyuter texnikasi, operatsion tizimlar va amaliy dasturlarni o'rnatish hamda yangilash.
- Universitetning rasmiy veb-sayti va axborot tizimlarini texnik qo'llab-quvvatlash.
- Elektron hujjat almashinuvi va korporativ elektron pochta tizimlarini boshqarish.
- Elektron ta'lim resurslari va dasturiy mahsulotlarni ishlab chiqish hamda rivojlantirish.
- Tarkibiy bo'linmalarga AKT bo'yicha uslubiy va texnik yordam ko'rsatish.
Axborot xavfsizligi
Departament universitetning axborot resurslarini ichki va tashqi tahdidlardan himoya qilish, axborot tizimlarining barqaror ishlashini nazorat qilish, foydalanuvchilarning axborot resurslaridan xavfsiz foydalanishini ta'minlash hamda axborot xavfsizligi bo'yicha monitoring va profilaktika ishlarini olib boradi.
Texnik qo'llab-quvvatlash
Departament universitetdagi kompyuter texnikalari, serverlar, lokal tarmoqlar, internet tarmog'i, videokuzatuv tizimlari va boshqa axborot-kommunikatsiya vositalarining uzluksiz ishlashini ta'minlaydi. Shuningdek, foydalanuvchilarga texnik xizmat ko'rsatish, dasturiy ta'minotni yangilash hamda axborot tizimlarini rivojlantirish bo'yicha ishlarni amalga oshiradi.
Huquq va majburiyatlari
- Universitet tarkibiy bo'linmalaridan zarur ma'lumot va axborotlarni so'rab olish.
- Axborot tizimlari hamda axborot xavfsizligi talablariga rioya etilishini nazorat qilish.
- AKTni rivojlantirish bo'yicha takliflar ishlab chiqish.
- Rahbariyatga tahliliy ma'lumotlar va hisobotlar taqdim etish.
- Tarkibiy bo'linmalarga uslubiy va texnik yordam ko'rsatish.
Faoliyatining asosiy maqsadi
Departamentning asosiy maqsadi universitetda zamonaviy raqamli ta'lim muhitini shakllantirish, boshqaruv va ta'lim jarayonlarini raqamlashtirish, axborot-kommunikatsiya infratuzilmasining barqaror ishlashini ta'minlash hamda axborot xavfsizligini mustahkamlash orqali ta'lim sifati va boshqaruv samaradorligini oshirishdan iborat.
buxdu_rektor@buxdu.uz
(+998) 65 221-30-46
UZ
RU
EN
ZH-CN
