Fakultet jamoasi o‘z faoliyatini O‘zbekiston Respublikasining “Ta’lim to‘g‘risida”gi Qonuni, “Kadrlar tayyorlash Milliy dasturi” hamda Respublikamiz Prezidentining “Oliy ta’lim muassasalarining moddiy-texnik bazasini mustakamlash va yuqori malakali mutaxassislar tayyorlash sifatini tubdan yaxshilash chora-tadbirlari to‘g‘risida”gi qaroriga amal qilgan holda olib bormoqdalar. Fakultet faoliyati oliy ta’lim, kasb-hunar va o‘rta maxsus ta’limi, umumta’lim muassasalari hamda ijtimoiy sohalar uchun zarur bo‘lgan yuqori malakali mutaxassislar tayyorlashga qaratilgan. Universitet kengashining 2019 yil 11 maydagi navbatdan tashqari yig‘ilishi qarori ijrosini ta’minlash hamda universitet fakultetlari va kafedralari tuzilmalarini optimallashtirish hamda oliy va o‘rta maxsus ta’lim vazirligining 2019 yil 2 maydagi 404- sonli buyrug‘i talablarini bajarish maqsadida Buxoro davlat universiteti rektori buyrug‘i chiqdi. Unga ko‘ra “San’atshunoslik” fakulteti tashkil etilishi, hamda fakultet tarkibiga “Tasviriy san’at va muhandislik grafikasi” va “Musiqa ta’limi” kafedralari biriktirilishi to‘g‘risida qaror qabul qilindi. “Tasviriy san’at va muhandislik grafikasi” kafedrasi tarkibida quyidagi ta’lim yunalishlari mavjud: “Tasviriy san’at va muxandislik grafikasi”, “Amaliy san’at (XABS va restavratsiya)”, “Rangtasvir(dastgoxli)”, “Amaliy san’at (Badiiy kulolchilik)”. “Musiqa ta’limi” kafedrasi tarkibida – “Musiqa ta’limi”, “Vokal san’ati(an’anaviy xonandalik”), “Cholg‘u ijrochligi: xalq cholg‘ulari (rubob prima, qashqar va afg‘on rubobi)”, “ Madaniyat va san’at muassasalarini tashkil etish va boshqarish” kabi ta’lim yo‘nalishlari mavjud.