06.05.2025

Kafedra 1986 yilda “Informatika, hisoblash texnikasi va TSO” nomi bilan faoliyatini boshlagan va uni mudir sifatida dotsent T.H.Sharipov boshqargan.  T.H.Sharipov kafedraning ilmiy salohiyatini oshirish maqsadida juda ko‘p ishlarni amalga oshirdi va juda ko‘p shogirdlar tayyorladi.
1988–1992 yillarda kafedrani kafedra mudirligi lavozimida dotsent I.I.Jalolov boshqargan. I.I.Jalolov kafedrani boshqarish davomida diskret matematika, informatika, hisoblash usullari fanlarini o‘qitishda juda ko‘p ishlarni amalga oshirdi va masofaviy ta’limni amalga oshirish bo‘yicha ilk qadamlarni amalga oshirdi.
1992 yilda kafedra “Informatika va matematik modellashtirish” nomini olgan va unga professor Z.Sh.Jumayev rahbarlik qilgan. Uning ilmiy rahbarligida 15 ta fan nomzodi, 2 ta fan doktori tayyorlangan.
1998 yilda kafedra ikki yo‘nalishga bo‘linib, “Hisoblash metematikasi va informatika” (mudiri professor R.A’loev, 2000 yildan dotsent I.Rasulov), “Amaliy metematika va informatika” (mudiri professor Z.Jumayev) nomlari bilan atalgan.
2002 yilga kelib bu kafedralar qatorida uchinchi “Fakultetlararo matematika va informatika” kafedrasi ochildi va uni dotsent I.Rasulov boshqardi. “Hisoblash metematikasi va informatika” kafedrasiga esa T.Sattorov mudirlik qildi.
2004 yilda “Fakultetlararo metematika va informatika” hamda “Hisoblash metematikasi va informatika” kafedralari birlashtirilib, yagona “Hisoblash matematikasi va informatika” kafedrasi tashkil qilindi va unga yosh fan doktori, iqtidorli olim Anvar G‘afurovich Hayitov (1969–2008) mudir etib tayinlandi.
2005 yildan boshlab “Amaliy matematika va informatika” hamda “Hisoblash matematikasi va informatikasi” kafedralari birlashtirilib, “Amaliy matematika va axborot texnologiyalari” deb nomlandi. Unga professor A.Hayitov 2008 yilga qadar mudirlik qildi. Undan keyin kafedrani dotsent J.Jumayev boshqardi.
Kafedraning ilmiy salohiyati o‘sishida, moddiy-texnik bazasining mustahkamlanishida dotsent T.Sharipov,I.Jalolov, professorlar R.A’loev, Z.Jumayev, A.Hayitovlarning xizmatlari beqiyos bo‘ldi.
2009 yilda kafedrani dotsent S.Hodjiev, 2011 yilda I.Rasulov boshqardi. 2014 yildan kafedra “Amaliy matematika va axborot texnologiyalari” nomi bilan yuritila boshlandi, unga fizika-matematika fanlari nomzodi, dotsent T.Boltaev mudirlik qildi. Hozirda  kafedrani fizika matematika fanlari nomzodi O. Jalolov boshqarib kelmoqda.