+998 (65) 221 27 14

Jismoniy madaniyat fakulteti

  1. Bosh sahifa  
  2. Jismoniy madaniyat fakulteti  
  3. Jismoniy madaniyat fakulteti
buxdu.uz-Buxoro Davlat Universiteti

Dekan

Maʼmurov Baxodir Baxshulloevich

pedagogika fanlari doktori, professor

Seshanba, juma 15.00-17.00

8(365)221-29-14

Buxoro shahar M.iqbol ko'chasi 11 uy

b.b.ma'murov@buxdu.uz

998(90)744-00-22

buxdu.uz-Buxoro Davlat Universiteti

Dekan o'rinbosari

Inoyatov Аbdullo Shodiyevich

pedagogika fanlari bo’yicha falsafa doktori (PhD)

Har kuni 09.00 dan 17.00 gacha

8(365)221-29-14

Buxoro shahri, M.Iqbol ko`chasi 11 uy

a.sh.inoyatov@buxdu.uz

998(90)510-58-30

buxdu.uz-Buxoro Davlat Universiteti

Dekan o'rinbosari

Xakimov Xurshid Nozimovich

pedagogika fanlari bo’yicha falsafa doktori (PhD)

Har kuni 09.00 dan 17.00 gacha

8(365)221-29-14

Buxoro shahri, Q.Murtazoyev ko’chasi, 16-uy

x.n.hakimov@buxdu.uz

998(91)926-89-87

buxdu.uz-Buxoro Davlat Universiteti

Dekan o'rinbosari

Davronov Nurzod Ismoilovich

katta o'qituvchi

har kuni 9.00-17.00 (shanbadan tashqari)

8(365)221-29-14

Buxoro shahar, M.iqbol 11-uy

n.i.davronov@buxdu.uz

-

Jismoniy madaniyat fakulteti

23.12.2021

Fakultet tarixi. 
Mamlakatimizda jismoniy tarbiya va sport, ijtimoiy-iqtisodiy, ma’naviy-ma’rifiy, sohasidagi islohotlarni izchil amalga oshirish, “Ta’lim to‘g‘risida”gi Qonun, “Kadrlar tayyorlash milliy dasturi”ni hayotga tatbiq qilish, 2017-yil 20-apreldagi O‘zbekiston Respublikasi Prezidentining “Oliy ta’lim tizimini yanada rivojlantirish chora-tadbirlari to‘g‘risida”gi PQ 2909 –sonli Qarori, 2017 yil 3 iyundagi “Jismoniy tarbiya va ommaviy sportni yanada rivojlantirish chora-tadbirlari to‘g‘risida”gi PQ-3031 –sonli qarori, 2020 yil 30 oktyabr PF-6099 sonli “Sog‘lom turmush tarzini keng tatbiq etish va ommaviy sportni yanada rivojlantirish chora-tadbirlari to‘g‘risida” gi  farmoni, 2020 yil 3 noyabr, PQ-4877-sonli “Jismoniy tarbiya va sport sohasida kadrlar tayyorlash tizimini takomillashtirish va ilmiy salohiyatni oshirish chora-tadbirlari to‘g‘risida”qarori, O‘zbekiston Respublikasi Vazirlar mahkamasining  2020-yil 4-mart,122-sonli  “Sport turlari bo‘yicha terma jamoalar tarkibiga sportchilarni saralab olish tizimini yanada takomillashtirish chora-tadbirlari to‘g‘risida” gi qarori, 2020-yil 7-avgust,468-sonli “2025-yilda O‘zbekistonda yoshlar o‘rtasidagi IV yozgi osiyo o‘yinlarini o‘tkazishga tayyorgarlik ko‘rish chora-tadbirlari to‘g‘risida”gi  qarori, 2020-yil 19-noyabr,735-sonli  “Aholining sog‘lom turmush tarzini qo‘llab-quvvatlash va jismoniy faolligini oshirishga doir qo‘shimcha chora-tadbirlar to‘g‘risida” qarorlari ijrosini ta’minlash va Oliy ta’lim tizimida jismoniy tarbiya va sportni yuksak darajada ko‘tarish, yoshlarni milliy istiqlol g‘oyasi va milliy qadriyatlar ruhida tarbiyalashda, Buxoro davlat universitetining jismoniy madaniyat fakulteti ham o‘zining munosib hissani qo‘shib kelmoqda.
Tarix zarvaraqlarini varaqlaganda jismoniy madaniyat fakulteti Buxoro davlat pedagogika institutining pedagogika fakulteti huzurida 1964-yilda jismoniy madaniyat bo‘limi  holatida tashkil etilib bitta guruh talabalari qabul qilingan edi. 1964-1967-yillarda ushbu bo‘limga pedagogika fanlari nomzodi, dosent K.X.Xayrullayev rahbarlik qildi. 
1967-yildan boshlab jismoniy madaniyat fakulteti o‘zining faoliyatini alohida fakultet sifatida olib borib tamal toshini qo‘ydi. Fakultetga birinchilar qatori 1967-1972-yillar sport ustasi dotsent H.N.Rajabov, 1972-1980-yillar pedagogika fanlari doktori, professor A.Q.Atoyev, 1980-1984 yillar pedagogika fanlari nomzodi, professor H.A.Botirov, 1984-1992 yillar pedagogika fanlari nomzodi, dotsent I.I.Burnashev, 1992-1993-yillar pedagogika fanlari nomzodi, dosent A.B.Boltayev, 1993-1994 yillar katta o‘qituvchi  Gʻ.S.Salomov, 1994-1995 yillar katta o‘qituvchi Sh.R.Bafoyevlar  yetakchilik qilishdi. 1995-yil avgustdan oyidan boshlab fakultetlar birlashtirilib pedagogik markaz tashkil etildi. Jismoniy madaniyat fakulteti pedagogik markaz tarkibiga qo‘shildi. Pedagogik markazga   falsafa va pedagogika fanlari doktori, professor M.H.Mahmudov rahbarlik qildi. 2011-yilda universitet tuzilmasi optimallashtirilishi natijasida yana jismoniy madaniyat fakulteti alohida fakultetga aylantirildi. 2011-yil avgust oyidan dekabr oyigacha fakultetga kimyo fanlari nomzodi, dosent M.Ya.Ergashov dekanlik vazifasini bajardi, 2011-yil dekabr oyidan hozirga qadar fakultetni pedagogika fanlari doktori, professor B.B.Ma’murov boshqarib kelmoqda. 
Fakultet tarixiga nazar solganda, tashkil etilgan vaqtda faqat birgina “Jismoniy tarbiya nazariyasi asoslari va gimnastika” kafedrasi ochilgan edi. Kafedrada  jismoniy ta’lim va tarbiyaning yetuk namoyandalari A.Atoyev, G.Krivoshlikov, G.Zverov, A.Aleksandrovskiy, G.Shapavalova, I.Yusupov, R.Xoxlova, X.Rajabov kabi ustozlar yetakchilik qilgan. Keyinchalik esa kafedra salohiyati iqtidorli ustoz va murabbiylar bilan to‘lib bordi.
Jumladan, sambo kurashi bo‘yicha S.Qurbonov, F.Xoliqov, I.Turobov, Q.Toshev, velosport bo‘yicha G.Shamanayev, V.Kurkina, Sh.Vafoyev, L.Shuliko,  I.Ashurov,  B.Bozorov kabilar o‘z shogirdlari bilan O‘zbekiston, Osiyo, Yevropa va Jahon birinchiliklarida qatnashib, oltin, kumush, bronza medallarini qo‘lga kiritishga sazovor bo‘lib, fakultet dovrug‘ini taratdilar.  
Bugungi kunda fakultetda ikkita kafedra faoliyat olib boradi. Bular: “Jismoniy madaniyat nazariyasi va uslubiyoti” hamda “Fakultetlararo jismoniy madaniyat va sport” kafedralaridir. O‘tgan vaqt ichida kafedralarni quyidagi professor-o‘qituvchilarimiz boshqarib keldi. “Jismoniy madaniyat nazariyasi va uslubiyoti” kafedrasini I.I.Burnashev, A.Q.Atoyev, Gʻ.M.Salimov, Q.P.Arslonov va hozirgi kunda professor R.S.Shukurov boshqarib kelmoqda. “Fakultetlararo jismoniy madaniyat va sport” kafedrasini  V. Malomet, H.A. Botirov, I. Yusupov, G. Bafoyev, B.Gʻ. Giyosov, K.R. Toshev, I.I. Burnashev, R.S.Baymuradov, J.A. Abdullayev, B.B. Ma’murov, A.K. Ibragimov boshqarib keldi. Ayni paytda kafedraga dotsent  A.E.Sattorov sardorlik qilmoqda. 
Fakultet ilmiy faoliyati. 
Ayni paytda fakultetda 68 nafar professor-o‘qituvchilarimiz yoshlarga saboq berib kelmoqda. 3 nafar professor, 8 nafar dotsent, 10 nafar katta o‘qituvchi va o‘qituvchilar. 8 nafar o‘qituvchi (PhD)  doktorlik  ishlari yuzasidan mustaqil ilmiy tadqiqot olib bormoqda. 
Keyingi uch yil ichida   fakultet professor-o‘qituvchilari tomonidan respublikadagi OAK tasarrufidagi jurnallarda 2019 yil - 35 ta maqola,  2020 yil - 56 ta maqola, 2021 yil - 24 ta maqola, xalqaro jurnallardagi ilmiy maqolalar 2019 yil -54 ta maqola,  2020 yil -100 ta maqola, 2021 yil  -25 ta maqola, darsliklar 2019 yil -7 ta darslik,  2020 yil - 9ta darslik, 2021 yil  -5ta darslik, monografiya 2019 yil -3 ta,  2020 yil  -8 ta, o‘quv qo‘llanma 2019 yil -13 ta,  2020 yil -11ta, 2021 yil -10ta, mualliflik guvohnomasi 2019 yil -15ta,  2020 yil -7 ta, 2021 yil -1 ta, ilmiy daraja 2019 yil -2 ta,  2020 yil -3 ta, ilmiy unvon 2019 yil -2 ta,  2020 yil -1 ta, 2021 yil -2 tani tashkil etadi.
Chet el oliy ta’lim muassasalari bilan o‘zaro hamkorlik shartnomalarini tuzish, imzolash va uni amalga oshirish borasida keng ko‘lamli ishlar amalga oshirilmoqa. Jumaladan Janubiy Uralsk pedagogika universiteti, Lomonosov nomidagi  Moskva davlat pedagogika universiteti, Moskva davlat pedagogika universiteti va boshqa bir nechta xorijiy universitetlarning respublikamizdagi filiallari bilan hamkorlik aloqalari yo‘lga qo‘yilgan.
2000-yildan buyon oliy ta’lim muassasalari talabalari o‘rtasida o‘tkazilib kelinayotgan “Universiada” sport musobaqalarida viloyat terma jamoasining asosini fakultet talabalari tashkil qilib kelmoqda.
Fakultetdagi talim yo‘nalishlari:
Bakalavr:

60112200 - Jismoniy madaniyat;
61010300 – Sport  faoliyati: boks;
61010300 – Sport faoliyati: kurash;
60310900 – Psixologiya (Sport);
61010300 – Sport faoliyarti: erkin kurash;
61010300 – Sport faoliyati: voleybol;
61010300 – Sport faoliyati: futbol;    
60112200 - Jismoniy madaniyat (jumladan xotin-qizlar sporti).
Magistratura:
70112401-Jismoniy tarbiya va sport mashg‘ulotlari nazariyasi va metodikasi.
Fakultet manzili: Buxoro shahri, Q.Murtazoyev ko‘chasi, 16-uy.