+998 (65) 221 29 14

+998 (65) 221 27 64

Marketing va menejment kafedrasi

  1. Bosh sahifa  
  2. Marketing va menejment kafedrasi  
  3. Marketing va menejment kafedrasi
buxdu.uz-Buxoro Davlat Universiteti

Kafedra mudiri

Toxirov Javlon Raximovich

iqtisodiyot fanlari falsafa doktori (PhD)

har kuni 9.00-17.00 (shanbadan tashqari)

-

Buxoro shahar, M.iqbol 11-uy

j.r.toxirov@buxdu.uz

-

Marketing va menejment kafedrasi

12.03.2024

“Marketing va menejment” kafedrasi haqida
“Marketing va menejment” kafedrasi dastlab 1948 yilda Buxoro Pedagogika institutida «Iqtisodiyot nazariyasi» nomi bilan tashkil topgan.  2011 yilda esa “Iqtisodiy ta’lim va turizm” nomi bilan faoliyatini davom ettirgan.  Kafedraning 2015 yil 1 mayda “Turizm” deb nomi o’zgarishi bilan o’z faoliyatini davom ettirdi. BuxDU rektorining 2019-yil 14-maydagi 476-U sonli buyrug’iga asosan “Turizm” kafedrasi 2 ta kafedraga “Servis sohasi iqtisodiyoti” hamda “Turizm va mehmonxona xo’jaligi” kafedralariga bo’lindi. Xozirgi kunda “Marketing va menejment” kafedra nomi bilan faoliyat yuritib kelmoqda.
Kafedrani quyidagi mudirlar boshqargan:
1949-1962 yillar Sharipov Abbos Sharipovich, 
1962-1992 yillarda prof. Namozov Juma Namozovich, 
1992-1994 yillarda i.f.n., dotsent, Barakatov Boqi Obidovich,
1994- 1998 yillarda prof. Navro’z-zoda Baxtiyor Negmatovich, 
1998-2003 yillarda dotsent Xamroev Xalim Roziqovich, 
2003-2010 yillarda proffessor Navro’z-zoda Baxtiyor Negmatovich, 
2010-2011 yillarda i.f.n., dotsent Xamidov Oqil Raxmonovich, 
2011-2012 yillarda i.f.n., dotsent Tadjieva Sayeraxon Uralovna, 
2012-2018 yillarda i.f.n., dotsent Xamroev Xalim Roziqovich, 
2018-2021 yillarda i.f.n., dotsent Tadjiyeva Sayyora Uralovna,
2021-2022 yillarda i.f.d., dotsent Ibragimov Nutfillo Salimovich,
2022 yil may oyidan dotsent Xurramov Ortiq Kayumovich kafedraga rahbarlik qilib kelmoqda. 
Tayyorlanadigan bakalavriat yo`nalishlari:
60412500 - Marketing (tarmoqlar va sohalar bo‘yicha) ta’lim yo‘nalishi bo‘yicha bakalavrlar tayyorlash kunduzgi, kechki va sirtqi ta’lim shakllarida amalga oshiriladi.  Barcha ta’lim shakllari bo‘yicha o‘qitish kredit-modul tizimi asosida tashkil qilinadi.  Kunduzgi ta’limda bakalavriat dasturining me’yoriy muddati 4 yil.
60411200 – Menejment (tarmoqlar va sohalar bo‘yicha) ta’lim yo‘nalishi bo‘yicha bakalavrlar tayyorlash kunduzgi va kechki ta’lim shakllarida amalga oshiriladi. Barcha ta’lim shakllari bo‘yicha o‘qitish kredit-modul tizimi asosida tashkil qilinadi. Kunduzgi ta’limda bakalavriat dasturining me’yoriy muddati 4 yil. 
60411400 – Inson resurslarini boshqarish ta’lim yo‘nalishi bo‘yicha bakalavrlar tayyorlash kunduzgi va kechki ta’lim shakllarida amalga oshiriladi. Barcha ta’lim shakllari bo‘yicha o‘qitish kredit-modul tizimi asosida tashkil qilinadi. Kunduzgi ta’limda bakalavriat dasturining me’yoriy muddati 4 yil.  
Tayyorlanadigan magistratura mutaxassisliklari:
70411201 – Menejment (tarmoqlar va sohalar bo‘yicha) magistratura mutaxassisligi bo‘yicha magistrlar tayyorlovchi kunduzgi ta’lim shakllarida amalga oshiriladi. Barcha ta’lim shakllari bo‘yicha o‘qitish kredit-modul tizimi asosida tashkil qilinadi. Magistratura dasturining me’yoriy muddati 2 yil. Fan dasturlarining nazariy va amaliy mashg‘ulotlarini to‘liq o‘zlashtirgan, magistrlik dissertatsiyasini muvaffaqiyatli himoya qilgan, yakuniy davlat attestatsiyasidan muvaffaqiyatli o‘tgan talabaga “magistr” darajasi hamda oliy ma’lumot to‘g‘risidagi davlat namunasidagi rasmiy xujjat(lar) - “menejer” (tadqiqotchi, pedagog) kvalifikatsiyasi yozilgan “diplom” ilovasi bilan beriladi. 
Kafedraning ilmiy-tadqiqot faoliyati:
Kafedrada 08.00.05 - Xizmat ko'rsatish tarmoqlari iqtisodiyoti, 08.00.13 – Menejment mutaxassisligi bo'yicha tayanch doktorantura va doktorantura mavjud.
Kafedra ilmiy yo`nalishlari:
mintaqaviy turizm
raqamli turizm
jahon iqtisodiyoti va xalqaro iqtisodiy munosabatlar
maxsus fanlarni o`qitish metodikasi
turizm marketingi
internet - marketing
servisologiya
Kafedrada o`qitiladigan fanlar:
Ekonomiks
Makroiqtisodiyot
Mikro va makroiqtisodiyot
Jahon iqtisodiyoti va xalqaro iqtisodiy munosabat
Iqtisodiy ta`limotlar tarixi
Maxsus fanlarni o`qitish metodikasi
Elektron biznes
Nanoiqtisodiyot
Marketing asoslari
Iqtisodiy va turizm geografiyasi
Turizmda innovatsion faoliyat
Turizm marketingi
Restoran servisini tashkil etish
Xizmatlar sohasida reklama faoliyati
Turizmda elektron biznes
Animatorlik xizmatini tashkil etish
Turizm va mehmonxona xo`jaligi menejmenti
Mintaqaviy turizm
Mehmonxona xo`jaligida xodimlarni boshqarish
Madaniyat va san`at muassasalari iqtisodiyoti
Kafedraning xalqaro hamkorligi:
Marketing va menejment kafedrasi dotsenti Jo‘raev A.T. 10.02.2019-16.02.2019 yil muddatida TALANT loyihasining Markaziy Osiyodan hamkor OTMlari vakili sifatida hamda O‘zbekiston delegatsiyasi tarkibida ishtirok etish uchun BuxDUdan taklif etish va Safar davomida O‘zR VM huzuridagi "El-yurt umidi" fondi iltimosiga asosan Bryussel erkin universiteti (2019 yil reytingida 250-300-o‘rin) va Gent universitetida (148-o‘rin) fondning malaka oshirish, stajirovka o‘tash va ilmiy tadqiqotlar olib borish uchun stipendiatlarni uzatish masalalarini muhokama qilishi, imkon doirasida ushbu jarayonni O‘zbekistonning Benelyuks mamlakatlaridagi elchixonasi vakillari ishtirokida amalga oshirish maqsadida xizmat safarida bo‘ldi.
Kafedramiz dotsenti Xurramov Ortiq Kayumovich esa Indoneziyaning Gunadarma universitetida “Digital tourism” magistratura qo‘shma dasturida yuqori ta’lim sifatini ta’minlash maqsadida 25.07.2019-24.08.2020 muddatda trening o‘tish uchun yuborildi.
Marketing va menejment kafedrasi tayanch doktoranti N.O‘. Maxmudova Ispaniyaning Valensiya Politexnika universitetida 06.12.2018-06.01.2019 muhlatda “El-Yurt Umidi” jamg‘armasi tomonidan chet elda malaka oshirish, stajirovka o‘tash va magistratura va PhD dasturlari asosida ta’lim olishga yuborish bo‘yicha o‘tkazilgan tanlovda qatnashib, Ispaniyaning Valensiya Politexnika universitetida malaka oshirishda bo‘lib qaytdi.
Kafedra dotsenti Tadjiyeva S.U. 2021 yil dekabr oyida Rossiya Federatsiyasining Janubiy Federal universitetida ilmiy-uslubiy stajirovka o‘tib qaytdi.
2020-2022 yillari davomida Buxoro davlat universiteti va xalqaro reyting indikatorlarida kuchli mingtalikka kiruvchi  universitetlari bilan ilmiy- pedagogik aloqalarni mustahkamlash maqsadida “Servis sohasi iqtisodiyoti” kafedrasi fanlari bo‘yicha ma’ruza va amaliy darslar o‘tkazib kelinyapti. Mazkur jarayonda  asosan Yangi Zelandiyaning Vellington Viktoriya universiteti dotsenti J.X. Kadirov “Elektron marketing”, Rossiya Federatsiyasi Janubiy Federal universiteti Oliy biznes maktabi professori O.V.Ivliyeva “Iqtisodiy va turizm geografiyasi”, Qozog‘iston Respublikasining  Yevroosiyo milliy universiteti professorlari L.M.Mutaliyeva “Animatorlik xizmatini tashkil etish” va A.B.Maydыrovalar “Turizm menejmenti”  fanlari doirasida umumiy 200 soatdan  ko‘p dars mashg‘ulotlari  o‘tishdi. Zoom- platformasida video-konferensiya shaklida tashkil etilayotgan darslarda kafedra professor-o‘qituvchilari va talabalar faol ishtiroki ta’minlanyapti. 
Shuningdek, kafedra professori B.N.Navro‘zzoda Rossiya Federatsiyasining Janubiy Federal Universiteti Oliy Biznes maktabi talaba va magistrantlari uchun “Turizm marketingi” fanidan yuqori saviyadagi ma’ruza va amaliy dars mashg‘ulotlari o‘tkazdilar.