O‘zbekiston Respublikasi Prezidentining 2018-yil 4-avgustdagi “O‘zbekiston Respublikasi Qurolli Kuchlari harbiy xizmatchilarining ma’naviy-ma’rifiy saviyasini oshirish tizimini tubdan takomillashtirish to‘g‘risida”gi qarori ijrosini ta’minlash maqsadida Janubiy-g‘arbiy maxsus harbiy okrugi Buxoro viloyat harbiy-ma’muriy sektori ilmiy-amaliy anjumani “Taktik qo‘shindagi ofitserlarning uslubiy tayyorgarlik darajasini hamda ratsionalizatorlik va ixtirochilik ko‘nikmalarini oshirishning zamonaviy yo‘nalishlari” mavzusida bo‘lib o‘tdi. Tadbirni BuxDU Harbiy ta`lim fakulteti boshlig‘i v.v.b. podpolkovnik A.Baboyev ochib, viloyat hokimi O‘.Barnoyevga so‘z berdi.
Tadbirda ratsionalizatorlik yo‘nalishi bo‘yicha Buxoro davlat universiteti professor-o‘qituvchilari tomonidan tayyorlab keltirilgan yangi innovatsion g‘oyalar bilan boyitilgan, ta’lim texnologiyasining yangi pedagogik texnologiyalarini qo‘llab, mashg‘ulot o‘tish yo‘llari ko‘rsatib berildi.
Bundan tashqari, harbiy qism va bo‘linmalarda to‘plangan eng ilg‘or tajribalar, jangovar tayyorgarlikda erishilayotgan yutuqlar, mamlakatimiz tarixidagi yorqin voqealar ta’kidlab o‘tildi.
Yoshlar markazida o‘tgan ilmiy-amaliy anjumanda Mudofaa vazirligi akademiyasi ofitser-o‘qituvchilari ham o‘z ma’ruzalari bilan chiqib, harbiy xizmatchilar askar va serjantlarni o‘qitishda nimalarga e’tibor qaratish va qilinishi kerak bo‘lgan ishlar yuzasidan fikr-mulohazalar yuritdilar. Tushlikdan keyin Janubiy-g‘arbiy maxsus harbiy okrugi harbiy qismlari tomonidan ratsionalizatorlik va ixtirochilik ko‘nikmalari bo‘yicha ko‘rgazmali chiqishlar tashkil etildi. Shundan so‘ng anjuman qatnashchilari uchun konsert dasturi namoyish etildi.
BuxDU matbuot kotibi
Mannon Otaboy
