04.05.2026

Talabamiz nazmidan lavha

...Buni hayot derlar, bu taqdir ishi,

Ranjima, qaddingni bukmagin, jonim.

Ishonsang, tugamas dunyo tashvishi,

Sen uchun yaraldim, bu meni borim.

Qalbingni ezmasin shubha va soʻroq,

Azizim, asirmiz mutlaq olamga.

Seni sevaman-u netayin biroq?

Birov quloq solmas mening nolamga.

Otashman misoli lovullab turgan,

Chap ko‘ksing ostida urgan yurakman.

Qalbingda toabad oshiyon qurgan,

Qo‘llaring ichida hovuch tilakman.

Azizim, ranjitma bir meni bexos,

Kabutardek birdan uchib ketaman.

Ismimni aytsang hamki jo‘rovoz,

Boqiy dunyosiga yolg‘iz yetaman.

O‘g‘iloy Tuyboyeva,

BuxDU Filologiya fakulteti 3-bosqich talabasi

Resurslar