12.09.2026

#Profilaktik_tadbir

Jinoyatchilikning barvaqt oldini olish bo‘yicha profilaktik tadbir o‘tkazildi

Xorijiy tillar fakulteti 11.1.2-Nem-26 guruh talabalari o‘rtasida BuxDU profilaktika inspektorlari Sh.Qurbonov, Sh.Raxmatova, A.Gulyamovlar tomonidan jinoyatchilikning barvaqt oldini olish, huquqiy savodxonlikni oshirish hamda yoshlar o‘rtasida huquqbuzarliklarning oldini olishga qaratilgan profilaktik tadbir tashkil etildi.

Tadbir davomida talabalarga amaldagi qonunchilik talablari, huquq va majburiyatlar, jamoat tartibiga rioya qilish, turli huquqbuzarlik va jinoyatlarning salbiy oqibatlari haqida tushuntirishlar berildi.

Shuningdek, yoshlarni turli yot g‘oyalar va salbiy ta’sirlardan asrash, bo‘sh vaqtlarini mazmunli tashkil etish hamda qonunlarga hurmat ruhida tarbiyalash masalalariga alohida e’tibor qaratildi.

Tadbir yakunida talabalar o‘zlarini qiziqtirgan savollariga mutaxassislar tomonidan tegishli javob va tavsiyalar oldilar.