28.04.2026

#4_tashabbus_amalda: BuxDUda “7 kunda bir kitob” intellektual tanloviga start berildi

Prezidentimiz tomonidan ilgari surilgan besh muhim tashabbusning to‘rtinchisi — yoshlar ma’naviyatini yuksaltirish va kitobxonlikni keng targ‘ib qilish maqsadida Buxoro davlat universiteti Tarix va yuridik fakulteti Psixologiya kafedrasida yangi ma’rifiy loyiha boshlandi. Kafedra professor-o‘qituvchilari U.S. Jumayev, L.Y. Olimov hamda Z.J. Axmedovalar tashabbusi bilan psixologiya mutaxassisligi 2-bosqich magistrantlari va 1-bosqich talabalari ishtirokida “7 kunda bir kitob” kitobxonlik ko‘rik-tanlovi tashkil etildi.

Tanlovning maqsadi:
 Talaba-yoshlarning ma’naviy dunyoqarashini kengaytirish;
 Bo‘sh vaqtlarini mazmunli va intellektual mashg‘ulotlar bilan band qilish;
 Mutolaa madaniyatini yoshlar orasida tizimli ommalashtirish.
Zero, kitob mutolaasi — inson tafakkurining gulshani va ma’naviy kamolotning bosh mezoni hisoblanadi. Shaxs kamolotini yuksaltirish yo‘lida an’anaviy tarzda o‘tkazib kelinayotgan ushbu tanlovda barcha talaba-yoshlarimizni faol ishtirok etishga chorlaymiz!