Mamlakatimizda jismoniy tarbiya va sportni ommalashtirish ijtimoiy siyosatning muhim yo'nalishlaridan biri etib belgilangan. Chunki sport aholi salomatligini mustahkamlash, yosh avlodni sog'lom va barkamol etib tarbiyalash orqali jamiyatda sog'lom turmush tarzini qaror toptiradi. Turli kasalliklar, yoshlar o'rtasida zararli odatlarning oldini oladi. Sport yuksak madaniyat, vatanparvarlik tuyg'ularini shakllantirishda ham muhim o'rin tutadi. Bu sohada erishilgan yutuqlar mamlakatni dunyoga tanitadi, barcha yurtdoshlarga g'urur-iftixor bag'ishlaydi. Prezidentimiz Shavkat Mirziyoyev rahbarligida har tomonlama barkamol avlodni voyaga yetkazishning muhim vositasi sifatida jismoniy tarbiya va sportni rivojlantirishga alohida eʼtibor qaratilmoqda.Buning samarasida Oʼzbekistonda koʼplab sport turlari kabi boks ham yoshlar oʼrtasida jadal rivojlanmoqda. Bugungi kunda oʼzbek boks maktabi tarbiyalanuvchilari sport olamining barcha nufuzli musobaqalari – Olimpiya va Osiyo oʼyinlari, jahon va qitʼa chempionatlarida yuqori natijalarga erishmoqda.Rossiyaning Yekaterinburg shahrida 9-21 sentabr kunlari boks boʼyicha kattalar oʼrtasida oʼtgan jahon chempionatida Oʼzbekiston terma jamoasi aʼzolari 3 oltin, 1 kumush va 1 bronza medal jamgʼarib, umumjamoa hisobida birinchi oʼrinni egalladi. Buxorolik Shahobiddin Zoirov Rossiya Federatsiyasining Yekaterinburg shahrida boʼlib oʼtgan boks boʼyicha jahon chempionatida oltin medalni qoʼlga kiritib, jahon chempioni degan yuksak sharafga sazovor boʼldi.Shu yilning 25-sentabr kuni Buxoro davlat universitetiga Boks bo'yicha Jahon chempioni Buxorolik Shahobiddin Zoirov, O'zbekistonda xizmat ko'rsatgan murabbiy - Istam Ashurov, Oliy sovet Senatori, respublikada xizmat ko'rsatgan murabbiy Rustam To'rayev, Viloyat faxriylar kengashining raisi, respublikada xizmat ko'rsatgan murabbiy Gaffarov Bolta Sulaymonovich, Jismoniy madaniyat fakulteti sport faxriysi Arslonov Qahramon Polvonovich tashrif buyurdilar. Mehmonlarni universitet rektori O.X. Xamidov hamda universitet rahbariyati karnay-surnay sadolari ostida tantanali kutib oldilar. Mehmonlar hamda universitet talabalari bilan universitet faollar yig'ingohida uchrashuv bo'lib o'tdi. Ushbu uchrashuvda faol, iqtidorli, sportchi yoshlarimiz ishtirok etib mehmonlarga samimiy tilaklarini bildirdilar va o'zlarini qiziqtirgan savollar bilan murojaat qildilar. Buxoro davlat universiteti rektori O.X. Xamidov tomonidan mehmonlarga qimmatbaho sovg'alar topshirildi. Shuningdek, rektorimiz chempionimiz bilan universitet bokschi yoshlarimiz uchun yaratilgan shart-sharoitlarni ko'rib chiqdilar.Buxoro davlat universiteti Matbuot kotibi Otabek JalolovBuxoro davlat universiteti Matbuot xizmati xodimi Safoyev Farrux
