Shu yilning 27-sentabr kuni Buxoro shahridagi Yoshlar markazi faollar zalida Buxoro davlat universiteti Iqtisodiyot va turizm, tabiiy fanlar fakulteti hamda qo'shma dasturlar (Vatel - xalqaro mehmonxona biznesi maktabi, Xolon texnologiyalari instituti, Qozon federal universiteti) asosida ochilgan yo'nalishlar 1-kurs talabalari o'qishga qabul qilinganliklariga bag'ishlangan bayram tadbiri o'tkazildi. Tadbirda universitet rektori O.X. Xamidov 1-kurs talabalarini talabalik baxtiga musharraf bo'lganligi bilan tabriklab o'qish va ishlariga zafarlar tiladi. Fakultet talabalari bayram dasturi tadbirga ko'tarinki kayfiyat bag'ishladi. Tadbir so'ngida universitet rektori O.X. Xamidov yuqori ballar bilan o'qishga qabul qilingan va "ORIENTATION WEEK" davri faol ishtirok etgan talabalarni tashakkurnoma bilan taqdirladilar. Talabalar ta'lim sohasidagi islohotlar va yoshlarga berilgan imkoniyatlar to'g'risida ma'lumot berib, ijro etgan she'rlari bilan tomoshabinlar qalbidan joy olishdi. Imtiyozlar bilan o'qishga qabul qilingan harbiy oilalarining farzandlari, imkoniyati cheklangan yoshlarga ajratilgan ta'lim o'rinlari va muddatli harbiy xizmatni o'tab tavsiyanoma asosida o'qishga qabul qilingan fakultet talabalari yurtboshimizga minnatdorchilik bildirdilar va yaqinlashib kelayotgan ustoz va murabbiylar kuni bilan barcha universitetimizning professor-o'qituvchilariga samimiy tilaklarini yo'lladilar. Buxoro davlat universiteti Matbuot kotibi Otabek Jalolov
