Maxsus imkoniyatlar

Yangiliklar

calendar 16.11.2026

Buxoro davlat universitetida kompleks davlat akkreditatsiyasi böyiça ekspertlar taşrifi davom etmoqda

2026-yil 16-noyabr kuni Buxoro davlat universitetida kompleks davlat akkreditatsiyasi doirasida mahalliy va xorijiy ekspertlardan iborat komissiya öz faoliyatini davom ettirmoqda.


Taşrifning dastlabki kuni universitet boş binosidagi Kiçik majlislar zalida ekspert komissiyasi a’zolari, universitet rahbariyati va mas’ul xodimlar iştirokida uçraşuv taşkil etildi. Unda taşrifning maqsad va vazifalari, baholaş yönalişlari hamda ekspertlar faoliyatining taşkiliy masalalari muhokama qilindi.


Universitet rektori vazifasini bajaruvçi Rustam Jumayev iştirokidagi uçraşuvdan söng BuxDU faoliyatiga bağişlangan taqdimot ötkazildi. Ekspertlarga universitetning strategik rivojlaniş yönalişlari, ta’lim va ilmiy faoliyati, boşqaruv tizimi, xalqaro hamkorligi hamda erişilgan natijalar haqida ma’lumot berildi.


Taşrif davomida ekspertlar universitetning moddiy-texnik bazasi va ta’lim infratuzilmasi bilan yaqindan tanişdi. Jumladan, Axborot-resurs markazi, Registrator ofisi, Robototexnika markazi, Bandlik va karyera markazi hamda sport zalidagi şart-şaroitlar közdan keçirildi.
Şuningdek, ekspertlarga universitetning ilmiy-innovatsion işlanmalari va rivojlaniş loyihalariga oid körgazmalar namoyiş etildi. Yangi universitet kampusi qurilişi haqidagi videomateriallar orqali istiqboldagi infratuzilmaviy rejalar yuzasidan ma’lumot taqdim qilindi.
Kunning ikkinçi yarmida ekspertlar Ta’lim sifati nazorati bölimi, Xalqaro hamkorlik departamenti, Rektor ijro apparati hamda rektorning axborot texnologiyalari böyiça maslahatçisi bilan suhbatlar ötkazdi. Uçraşuvlarda içki sifat ta’minoti, xalqaro aloqalar, boşqaruv samaradorligi, ijro intizomi va raqamlaştiriş jarayonlari muhokama qilindi.


Bundan taşqari, ta’lim dasturlari böyiça ekspertlar tegişli fakultetlarda dekanlar va kafedra mudirlari bilan uçraşib, öquv jarayoni, ta’lim dasturlarining mazmuni, baholaş mexanizmlari hamda mavjud imkoniyatlarni örgandi.


Birinçi kun yakunida ekspert komissiyasi ötkazilgan uçraşuvlar va örganiş jarayonlari yuzasidan fikr almaşib, keyingi bosqiçdagi vazifalarni muhokama qildi.


Buxoro davlat universitetida kompleks davlat akkreditatsiyasi doirasidagi ekspertlar taşrifi 16–21-noyabr kunlari davom etadi. Mazkur jarayonda universitet faoliyati ta’lim sifati, boşqaruv, ilmiy faoliyat, xalqaro hamkorlik, moddiy-texnik ta’minot va boşqa muhim yönalişlar böyiça kompleks baholanadi.

 

BuxDU Axborot xizmati