15.04.2026

Qadimiy va betakror Buxoro shahri yana bir bor innovatsiya va zamonaviy texnologiyalar markaziga aylandi. BuxDU Universal sport majmuasida o‘tkazilgan nufuzli “National AI Hackathon” yuqori saviyada, kuchli raqobat va katta qiziqish muhitida muvaffaqiyatli yakunlandi.

Hackathon davomida ishtirokchilar:
— sun’iy intellekt asosida real muammolarga innovatsion yechimlar ishlab chiqdi;
— tajribali mentorlar bilan ishladi;
— qisqa vaqt ichida kreativ va amaliy loyihalarni taqdim etdi.

Tadbirning eng e’tiborga molik jihatlaridan biri — O‘zbekiston va Qozog‘iston Respublikalari davlat rahbarlarining tashrifi bo‘lib, bu holat ishtirokchilarga katta motivatsiya berdi hamda AI sohasiga davlat darajasida yuksak e’tibor qaratilayotganini yana bir bor tasdiqladi.

Yo‘nalishlar bo‘yicha natijalar:

Ta’lim:
1.Robots and Me — Buxoro davlat universiteti (4 nafar)
2.Feba
3.Monday Monday Academy IT o‘quv markazi (5 nafar)

Sog‘liqni saqlash:
1.Med IQ — Ulug‘bek Ultramed MChJ (Buxoro davlat tibbiyot instituti) (4 nafar)
2.Med AI — Buxoro davlat tibbiyot instituti (5 nafar)
3.NeuroX — Buxoro davlat universiteti (4 nafar)

Tadbirkorlik:
1.Databek — BuxDU & OXU (4 nafar)
2.Ko‘k Choy (Buxoro davlat pedagogika instituti)
3.Protocol X

Shuningdek, BuxDU Astro Team jamoasi “Eng yaxshi kreativ g‘oya” nominatsiyasi bilan taqdirlandi.

G‘olib jamoalar Toshkent shahrida bo‘lib o‘tadigan final bosqichiga yo‘llanma oldi hamda har bir jamoa a’zosi MacBook bilan taqdirlandi.