Davlatimiz rahbarining 2025-yil 14-fevraldagi 61-son Qarori negizida bitiruvchilar bandligini taʼminlash orqali ularning turmush darajasini yaxshilash va bo‘sh vaqtini mazmunli o‘tkazish yuzasidan Buxoro davlat universitetining barcha ta’lim yo‘nalishlari hamda magistratura mutaxassisliklari bitiruvchi-talabalari uchun bugun, 25-aprel kuni viloyatda bo‘sh ish o‘rinlariga ega korxona, tashkilot va ta'lim muassasalaridan iborat "KARYERA KUNI-2025" mehnat yarmarkasi tashkil etildi.
BuxDU fakultetlar dekanlari hamda kafedra mudirlari ko'magida 2500 dan ortiq bitiruvchilarni qamrab olgan holda, viloyatda bo‘sh ish o‘rinlariga ega bo‘lgan 100 ga yaqin ish beruvchi tashkilotlar tomonidan 3000 ga yaqin vakant ish o‘rinlari tanishtirildi. Shu yerning o‘zida 200 nafarga yaqin bitiruvchi ta’lim muassasalari hamda ishlab chiqarish korxonalari bilan ishga joylashish bo‘yicha 3-tomonlama shartnomalarini imzolatdi.
Bundan tashqari, yarmarka davomida O‘zbekiston Respublikasi Prezidenti Sh.M.Mirziyoyevning PQ-61-son qarori ijrosi yuzasidan “O‘zmilliybank” AJning “Kelajakka qadam” dasturi doirasida tadbirkorlikka qiziqish bildirgan yoshlarga to‘liq ma’lumot berilib, biznesga jalb qilindi.
