Joriy yilning 13-18-aprel kunlari Turkmanistonning Ashxobod shahrida V Xalqaro ochiq matematika fan olimpiadasi (OMOUS-2025) bo‘lib o‘tdi. Mazkur nufuzli musobaqada 56 ta oliy ta’lim muassasasidan 558 nafar talaba-yoshlar, jumladan, O‘zbekiston, Hindiston, Eron, Indoneziya, BAA, Polsha, Rossiya, Ruminiya hamda mezbon Turkmaniston oliy ta’lim muassasalari talabalari o'zaro bellashishdi.
Ushbu xalqaro olimpiadada Buxoro davlat universitetining Iqtidorli talabalarning ilmiy tadqiqot faoliyatini tashkil etish sektori bosh mutaxassisi U.Xalikova hamda Rektor ofisi boshlig'i M.Tilavov rahbarligidagi II jamoadan iborat talabalar 100 % natijani qayd etib, jami 8 ta medallarni qo'lga kiritishdi.
Natijalarga ko'ra 1 ta Oltin, 2 ta Kumush, 5 ta Bronza medallarga sazovor bo'lishdi.
1. Rajabov Diyorbek — oltin medal;
2. Temirov Miraziz — kumush medal;
2. Shoimova Lobar — kumush medal;
3. Mirxanova Moxiniso — bronza medal;
3. Primkulov Adham— bronza medal;
3. Ahrorova Maftuna — bronza medal;
3. Oltiboyeva Gavhar — bronza medal;
3. Talmaxanova Akmaral — bronza medal.
Quvonarlisi shundaki, BuxDU jamoasi individual bahslarda Respublikamiz jamoalari orasida medallar soni bo'yicha 1-o'rinni, medallar nufuzi bo'yicha 2-o'rinni egalladi.
Buxoro davlat universiteti jamoasini, g'olib talabalarimizni hamda ularning ustoz-murabbiylarini ushbu xalqaro e’tirof va muvaffaqiyat bilan samimiy muborakbod qilamiz.
