Buxoro davlat universiteti kichik majlislar zalida bir qator hamkor tashkilotlar bilan birgalikda universitetning 95 yilligiga bag'ishlangan "Noqulay iqlim sharoitida zamonaviy agrotexnologiyalar qo'llash orqali qishloq xo'jaligini kompleks rivojlantirish istiqbollari" mavzusidagi xalqaro ilmiy-amaliy konferensiya o'tkazildi.
Konferensiyada universitet rektori O.X.Xamidov nomidan kirish va tabrik so'zini BuxDU Yoshlar masalalari va ma’naviy-ma’rifiy ishlar bo‘yicha birinchi prorektori Dilshod Yavmutov aytib, anjumanni ochib berdi.
Anjuman davomida Buxoro viloyati hokimi o‘rinbosari, b.f.d., professor H.T.Artikova tomonidan "Buxoro viloyati tuproqlarining hozirgi holati va unumdorligi" mavzusidagi ma'ruza o'qildi. O‘zbekiston qahramoni, Agronomiya va tuproqshunoslik kafedrasi professori, q-x.f.n. M.I. Ahmedovning "Qishloq xo'jaligida resurs tejamkor texnologiyalarni qo'llash istiqbollari" mavzusidagi ma'ruzasi tinglandi.
Konferensiya davomida Qarshi davlat universiteti professori, q-x.f.d. T.E.Ostonaqulov "Qishloq xo‘jaligi rivojlanishida yangi yaratilgan mahalliy navlarning o‘rni" mavzusida ma'ruza qildi. Isparta amaliy fanlar universiteti Qishloq xo'jaligi fakulteti professori İsmail Karacaning "Iqlim o'zgarishi va uning foydali va zararli hasharotlarga ta'siri" mavzusidagi ma'ruzasi tinglandi.
Shuningdek, Tyumen davlat universiteti Ekologik va qishloq xoʻjaligi biologiyasi institutining Laboratoriya mudiri, g.f.n. dotsent A.A.Yurtayev tomonidan "Bugungi kunda tuproqlarda uchrayotgan asosiy muammolar va ularning yechimi" mavzusida ma'ruza o'qildi. Farg‘ona davlat universiteti Tuproqshunoslik kafedrasi mudiri, b.f.d., professor M.T.Isag‘aliyev "Farg‘ona vodiysi tuproqlarining hozirgi holati va amalga oshirilayotgan ilmiy tadqiqot ishlar" mavzusida ma'ruza qildi.
