Buxoro davlat universiteti kichik majlislar zalida Davlat tilini rivojlantirish departamenti, O'zbekiston Fanlar Akademiyasi, O'zbekiston Yozuvchilar Uyushmasi, O'zbek tilini rivojlantirish jamg'armasi hamda Buxoro davlat universiteti hamkorligida to'rt jildlik “Alisher Navoiy ensiklopedyasi”, Ibrohim Haqqulning “Navoiyga qaytish – 5”, “Mushohada yog'dusi – 3”, “So'zboshi: irfon va ishonch” kitoblari taqdimoti tashkil etildi.
Tadbirni Oʻzbekiston Yozuvchilar Uyushmasi Buxoro viloyat boʻlimi rahbari Shodmon Sulaymonov kirish so'zi bilan ochib berdi. Shuningdek, Buxoro viloyat hokimining davlat tili masalalari bo‘yicha maslahatchisi Akbar Rustamov, O‘zRFA O‘zbek tili, adabiyoti va folklori instituti direktori o‘rinbosari Maqsud Asadov, Qo‘qon davlat universiteti ilmiy ishlar va innovatsiyalar bo'ycha prorektori Zebo Qobilova, Urganch davlat universiteti professori, f.f.d. Dilshod Gʻoyipov, O‘zRFA O‘zbek tili, adabiyoti va folklori instituti katta ilmiy xodimi, f.f.f.d. Zulayho Rahmonova, O‘zRFA O‘zbek tili, adabiyoti va folklori instituti kichik ilmiy xodimi Shahnoza Rahmonovalarning ma'ruzalari tinglandi. Shuningdek, taqdimot davomida BuxDU professorlari G‘ayrat Murodov, Nazora Bekova, Husniddin Eshonqulov hamda Zilola Amonovalar tomonidan mavzuga doir ma'ruzalar o'qildi.
