O‘zbekiston Respublikasi Prezidentining 15.03.2024 yildagi “2025-yilda YUNESKO Bosh konferensiyasi 43-sessiyasining Samarqand shahrida o‘tkazilishiga tayyorgarlik ko‘rish bo‘yicha chora-tadbirlar to‘g‘risida”gi PQ-128-son qarori doirasida respublikamiz OTMlari bir qator mamlakatlarga biriktirilgan bo‘lib, universitetimiz tomonidan BAA va Ummon davlatlarida targ‘ibot tadbirlari tashkil qilinishi belgilangan.
Shu kuni rektor O.Xamidov universitet hamkorlaridan biri bo‘lgan Abu Dabi universiteti rektori Prof.Dr. Ghassan Aouad bilan uchrashuv o‘tkazib, universitet faoliyati bilan tanishdi. Abu Dabi universiteti BuxDU kabi UI GreenMetrics xalqaro reytingining milliy korrdinatori hisoblanib, bir qator tadbirlar hamkorlikda tashkil etilmoqda. Shuningdek, O‘zbekiston Respublikasining BAAdagi elchixonasida Xalqaro madaniy diplomatiya instituti asoschisi va direktorlar kengashi raisi Muhammad Kamil bilan uchrashuv tashkil qilindi. M.Kamil bilan ham ta’lim, ilm-fan, madaniyat sohalarida hamkorlikning ustuvor yo‘nalishlari bo‘yicha fikr almashildi.
Rektor O.Xamidov shu kunning o‘zida Vatel mehmonxona va turizm biznes maktabi (Fransiya) tomonidan tashkil etiladigan turizm taʼlimida sunʼiy intellektdan foydalanish hamda professional taʼlim dasturlarini yo‘lga qo‘yish mavzulariga bag‘ishlangan navbatdagi yig‘ilishda ishtirok etish maqsadida Bahrayn davlatiga jo’nab ketdi.
BuxDU Axborot xizmati
