Xorijda xizmat safarida bo‘lib turgan universitet rektori O.Xamidov 12-fevral kuni BAAning Tadweer Group kompaniyasi bosh ofisida kompaniyaning Ilmiy tadqiqotlar va strategik rivojlanish boshqamasi rahbari Dr. Sivapalan Kathrivale bilan uchrashdi.
Uchrashuvda shu yilning 14-yanvar kuni BAAda “Abu Dabi barqaror rivojlanish haftaligi” xalqaro sammiti doirasida O‘zbekiston tomoni va Tadweer Group kompaniyasi o‘rtasida chiqindilarni qayta ishlash orqali elektr energiyasi ishlab chiqarish loyihalarini amalga oshirish bo‘yicha imzolangan shartnomani amalga oshirish bo‘yicha fikr almashildi. Tadweer Group loyihasiga ko‘ra, Buxoro viloyatida 10 gektar yer maydonida qiymati 200 mln dollariga teng chiqindi yoqish zavodi quriladi va kuniga 1 500 tonna chiqindi yoqiladi. Qurilish jarayonlari 2025-yildan boshlanadi. Ushbu yirik investitsion loyihani amalga oshirishda ilmiy tadqiqot komponenti ham mavjud bo‘lib, ushbu yo‘nalishdagi faoliyatni Buxoro davlat universiteti olimlari bilan olib borish bo‘yicha dastlabki kelishuvga erishildi.
BuxDU Axborot xizmati
