Universitet rektorining tegishli buyrug'iga asosan qishki qabul magistratura mutaxassisliklarning magistrlik dissertatsiya himoyalari bo’lib o’tdi.
Magistrlik dissertatsiya rasmiy himoyasini universitet rahbariyati a’zolari, jumladan, universitet rektori O.X.Xamidov, o'quv ishlari prorektori R.G. Jumayev o'quv uslubiy departament boshlig'i S.S.Davlatov, magistratura bo'limi boshlig'i A.A.To'rayevlar ishtirok etib, MD rasmiy himoyasini ochib berishdi. MD rasmiy himoyasida barcha mutaxassisliklar bo'yicha komissiya a'zolari va DAK raislari to'liq ishtirok etishdi.
MD rasmiy himoyalari BuxDU bosh binosi 301, 302, 303 xonalarda bo'lib o'tdi. Mazkur himoya jarayonlarini http://camera.buxdu.uz/ sayti orqali to'g'ridan to'g'ri kuzatish imkoniyati yaratildi.
Buxoro davlat universitetida 2024/2025 o‘quv yilida 34 ta mutaxassislik bo‘yicha 148 nafar (qishki qabul) magistrlar bitirmoqda.