O‘zbekiston Respublikasi Oliy ta’lim, fan va innovatsiyalar vazirligining 2024-yil 20-martdagi 76-sonli buyrug’i ijrosini ta’minlash maqsadida 2024-yilning 20-aprel kuni Buxoro davlat universitetida “ZAMONAVIY PSIXOLOGIK TADQIQOTLAR TENDENSIYALARI” mavzusida Xalqaro ilmiy-amaliy anjuman o‘tkazildi.
Xalqaro ilmiy-amaliy anjumani asosiy maqsadi:
- psixologiya sohasidagi tadqiqotlarni yanada yuqori bosqichga olib chiqish va ushbu yo‘nalishdagi yangi ilmiy tadqiqotlar bilan yaqindan tanishish,
- ularni amaliyotga tadbiq qilish, psixologiya fanlarini o‘qitishda zamonaviy psixologik va information texnologiyalardan samarali foydalanish,
- yoshlarni milliy g‘urur va ma’naviy fazilatlarga tayanadigan barqaror axloqiy-ruhiy holatni ta’minlash,
- murakkab vaziyatlarga shaxsning bardoshlilikni,
- yuksak hislarni tarbiyalash hamda ilmiy, innovatsion, pedagogik faoliyatida psixologik xizmatni ko’rsatish va tegishli mutaxassislarning bilim va ko‘nikmalarini mustahkamlashdan iboratdir.
Respublikamizda psixologiya sohasida 60 nafar fan doktori, 140 nafar fan nomzodlari faoliyat yuritmoqda, Shundan kafedrada 2 nafar fan doktori, 9 nafar fan nomzodi, falsafa doktorlari faoliyat olib bormoqdalar.
Universitet huzurida psixologiya fanlari bo’yicha falsafa doktori (PhD) ilmiy darajasini beruvchi ilmiy kengash samarali faoliyat ko’rsatmoqda.
Mazkur kafedra tashabbusi bilan “Psixologiya” jurnali va “Вестник интерактивный психологии” xalqaro OAK jurnallari nashr qilinmoqda. Psixologiya va sotsiologiya kafedrasi huzurida “Psixologik klinika” faoliyati tashkil qilingan bo’lib, hozirda aholiga samarali psixologik xizmat berib bormoqda.
Mazkur kafedra Rossiya, Ukraina, Qozog’iston va Buyuk Britaniyaning Sassiks univetsiteti bilan doimiy hamkorlik olib bormoqda.
Ushbu anjumanga 300 dan ortiq ishtirokchilar o’z maqolalari bilan qatnashmoqda. Xorij OTMlaridan 10 nafar, Respublika OTM laridan esa 20 nafardan ortiq psixolog olimlar offlayn va onlayn shaklda ishtirok etdi.
