Yurtimizda yoshlar bilan ishlash tizimini yangi darajaga olib chiqish, ularni ijtimoiy-huquqiy va psixologik qo‘llab-quvvatlash, kasb-hunarga o‘rgatish va bandligini ta’minlash borasida samarali ishlar amalga oshirilib kelinmoqda. Ularning muammo va takliflarini o‘rganish va hal etish maqsadida bugun, 3 aprel kuni G'ijduvon tumani hokimi Sherzod Ashurov Buxoro davlat pedagogika institutida g'ijduvonlik yoshlar bilan uchrashdi. Unda tegishli tuman hokimi o‘rinbosarlari, korxona va boshqarmalar rahbarlari, Buxoro davlat universiteti O'quv ishlari bo'yicha prorektori R.G'.jumayev, bandlik markazi rahbari S.Hamidov hamda talaba-yoshlar ishtirok etishdi.
Dastlab tuman hokimi mas’ullar ishtirokida yoshlarning takliflarini tingladi. Shundan so‘ng har bir yosh bilan alohida muloqot qilib ularning muammoli masalalariga quloq tutdi. Uchrashuvda Gʻijduvon tumanidan viloyat oliy ta`lim muassasalarida tahsil olayotgan 300 nafarga yaqin yoshlar o‘z takliflari hamda muammolari bilan Sherzod Ashurovga yuzlanishdi.
Uchrashuvda asosan tadbirkorlikni yo‘lga qo‘yish yordam, tuman tashkilotlarida ishga joylashish uchun ko`mak, imtiyozli kredit olish kabi masalalarda viloyat hokimiga murojaat qilishdi. Ko‘tarilgan masalalar mas’ullar ishtirokida muhokama qilinib, ijrosini ta’minlash bo‘yicha muddatlar belgilanib, tegishli topshiriq va ko‘rsatmalar berildi.
Buxoro davlat universiteti Matbuot xizmati
