Hammamiz orziqib kutgan mana shu go‘zal bahor kunlarida, 8 mart – Xalqaro xotin-qizlar bayrami arafasida BuxDUda ham katta shodiyonalar boshlandi.
Bugun BuxDUda barcha professor-o'qituvchilar, opa-singillarimiz, dilbar qizlarimizni tabriklash hamda chuqur hurmat va ehtirom bildirish maqsadida "Ayol borki, olam munavvar" nomli bayram dasturi bo'lib o'tdi.
Shodiyona avvalida Hunarmandchilik va tasviriy san’at asarlari ko'rgazmasi tashkil etildi. Bayramga monand hashamatli bezalgan BuxDU faollar yig'ingohiga kirish qismida "Orzular bekati" taxtasi tashkil etilgan bo'lib, har bir mehmon o'z orzu-niyatlarini yozishdi.
Bayramga monand hashamatli bezalgan BuxDU faollar yig'ingohida namoyish etilgan “Ayolga ehtirom’" nomli video-rolik yig`ilganlarga bayram shukuhini ulashdi. BuxDUning “Zarb” doirachilar guruhining chiqishi hamda BuxDU rektori Obidjon Xamidovning samimiy tabrik so'zlari xotin-qizlarga ko'tarinki kayfiyat bag'ishladi.
Mahoratli raqqosalarning ijrolari, jonli ijrodagi kuy va qo'shiqlar yig'ilganlarga manzur bo'ldi.
