Buxoro davlat universitetida jahonning ko‘plab nufuzli oliy ta’lim muassasalari bilan yaqin hamkorlik munosabatlari o‘rnatilgan bo‘lib, ilm-fan va ta’lim sohasini rivojlantirishga, yoshlarning ilmini oshirishga katta hissa qo’shib kelmoqda.
Shunday hamkorlardan biri Rossiya Federatsiyasining Qozon Federal universitetidir. Ushbu oliygoh QS Dunyo Reytingida 350 o‘rinni egallaydi.
Mazkur universitet professor-o‘qituvchilari bilan tajriba almashish, ilmiy izlanishlar olib borish bo‘yicha hamkorlikni yo‘lga qo‘yish maqsadida universitetning magistratura bo‘limi boshlig’i dotsent A.A.Turayev hamda “Zoologiya va umumiy biologiya” kafedra mudiri dotsent H.Toshevlarning tashabbusi bilan Qozon Federal Universiteti dotsenti Shulayev Nikolay Vyacheslavovich 70510101 - Biologiya (fan yoʻnalishi boʻyicha) mutaxassisligi magistratura talabalariga Biologiyaning dolzarb maummolari fanidan «Biologik tizimlarning evolyutsion natijalari va undan amaliyotda foydalanish» mavzusida ochiq dars o`tkazdi.
Darsda magistratura bo’limi boshlig’i, kafedra mudiri, kafedra professor-o‘qituvchilari va 70510101 - Biologiya (fan yoʻnalishi boʻyicha) mutaxassisligi magistratura talabalari ishtirok etishdi. Dars davomida talabalar fan bo‘yicha dunyo olib borilayotgan ilmiy yangiliklar bilan tanishib, eng xilma-xil guruh hisoblanuvchi hasharotlar dunyosi vakillarida moslanishlarning taraqqiy topishi, undan turli texnologiyalarni o’zlashtirishda foydalanish imkoniyatlari, kichik hajmda katta quvvat jamlangan tana tuzilmalari haqida to‘liq ma’lumotga ega bo‘dilar. Magistrlar o‘zlarini qiziqtirgan barcha savollarga dotsent N.V.Shulayevdan javob olishdi. Ochiq dars qiziqarli va mazmunli o‘tdi.
