«Helvetas Swiss Intercorporation» kompaniyasining O‘zbekistondagi filiali Shveytsariyaning O‘zbekistondagi elchixonasi tomonidan 2022-yil 23-sentabrda imzolangan Hukumatlararo bitim asosida “O‘zbekistonda kasb-hunar ta’limi islohotlarini qo‘llab-quvvatlash” loyihasining birinchi bosqichini (2021-2025) amalga oshirmoqda. Shu munosabat bilan «Helvetas Swiss Intercorporation» mutaxasislari bugun 15-fevral kuni Buxoro davlat universitetiga tashrif buyurishdi.
Tashrifdan koʻzlangan maqsad dual taʼlimni tashkil etish va uning sifatini taʼminlash boʻyicha tajriba-sinov, taʼlim muassasalari amaliyotini oʻrganish hamda dual taʼlimda hamkor mehmonxonalarning ishtirokini oʻrganishdan iborat. Tashrif davomida «Helvetas Swiss Intercorporation» mutaxassislari A. Odilov, Sh. Kamalov, S. Saidrasulov hamda Iqtisodiyot va turizm fakulteti dekani D.Yavmutov, Turizm va mehmonxona xo‘jaligi kafedrasi mudiri N. Ibragimov, kafedra o’qituvchisi K.Yo`ldoshev, Pedagogika kafedrasi mudiri Sh. Olimov, Psixologiya kafedrasi professor-o‘qituvchilari o‘rtasida davra suhbati tashkil etildi. Ikki tomon o‘z fikrlari bilan almashinib kelajakda hamkorlikda ishlash masalalari kelishildi.
Uchrashuv davomida quyidagi masalalar ko‘rib chiqildi:
- ta’lim muassasasida sifatni ta’minlash tizimining hozirgi holatini o‘rganish va ichki sifatni ta’minlash tizimini takomillashtirish bo‘yicha keyingi qadamlarni belgilash;
- dual ta’limni joriy etishdagi mavjud vaziyatni o‘rganish va uni takomillashtirish yo‘llarini aniqlash;
- korxonalarda amaliy mashg‘ulotlarni tashkil etish shartlarini o‘rganish kabi masalalar ko‘rib chiqildi.
