Buxoro davlat universitetining G'ijduvon tumani Soktare MFYda joylashgan sirtqi ta'lim talabalari uchun "Ma'rifatparvarlik oyligi" doirasida bir qator tashabbuslar amalga oshirilmoqda.
Bugun BuxDU rektori Obidjon Xamidov hamda Gʻijduvondagi mashhur sopolsoz usta Ibodulla Narzullayevning farzandi, sulolaning oltinchi avlod vakili sifatida kulolchilik san’ati rivojiga munosib hissa qo‘shib kelayotgan O`zbekiston xalq ustasi, "Do`stlik" ordeni sohibi, O‘zbekiston Liberal demokratik partiyasi deputati, O`zbekiston Badiiy akademiyasi akademigi Alisher Narzullayev hamkorlik doirasida sirtqi ta'lim yo`nalishi talabalari bilan uchrashishdi.
Yaratilgan shart-sharoitlarni kuzatish asnosida talabalar hamda professor-o`qituvchilar bilan suhbatlashishdi. Samimiy muloqot mobaynida tashabbus, taklif va muammolar tinglandi, ularning ijrosi yuzasidan mas'ullarga tegishli topshiriqlar berildi.
Jumladan, talabalarning ovqatlanishi uchun oradagi tanaffuslarni taqsimlash, Juma va shanba kunlarida keng miqyosda tadbirlash tashkil etish, ikkinchi bosqich talabalarining amaliyot shartnomalarini tashkillashtirishda talabalarning takliflarini inobatga olish, G`ijduvon tumanidagi diqqatga sazovor qadamjolar hamda Yangi O`zbekiston massiviga sayohat tashkil etish kabi bir qator topshiriqlar berildi.
