Buxoro davlat universiteti Agronomiya va biotexnologiya fakulteti Biotexnologiya va oziq-ovqat xavfsizligi kafedrasi professor-o’qituvchilari, doktorantlari va magistrantlari, talabalari O’zbekiston Respublikasi Prezidentining “Kimyo va biologiya yo’nalishlarida uzluksiz ta’lim sifatini va ilm-fan natijadorligini oshirish chora-tadbirlari to’g’risida”gi hamda “Biotexnologiyalarni rivojlantirish va mamlakatning biologik xavfsizligini ta’minlash tizimini takomillashtirish bo’yicha kompleks chora-tadbirlar to’g’risida” gi qarorlarida belgilangan vazifalar ijrosini ta’minlash, hamkor oliy ta’lim muassalari, ilmiy-tadqiqot muassasalari, xorijiy oliy ta’lim muassasalari o’rtasida kadrlar tayyorlash va ilm-fan natijalaridan foydalanish borasida uzviy bog’liqlikni yo’lga qo’yish maqsadida “Taʼlim va tadqiqotni takomillashtirish-2024” II-Hindiston-Oʻzbekiston xalqaro davra suhbati (2nd Indian-Uzbekistan International Round Table Conference on Improving Education and Research-2024) an’anaviy konferensiyasi o’tkazildi.
Anjumanda Biotexnologiya sohasining dolzarb muammolari, tuproq unumdorligini oshirish, qishloq xo’jaligini rivojlantirish, suv resurslaridan oqilona foydalanish muammolari va ularning yechimlari borasida O’zbekiston-Hindiston hamkorligini yanada kengaytirish masalalari belgilab olindi.
