Delegatsiya a’zolarini universitet rektori Obidjon Xamidov kutib oldi. Delegatsiyaga Ufa davlat neft-texnika universiteti xalqaro hamkorlik boshqarmasi boshlig’i Chanshev Nail Tagirovich boshchilik qildi. Nail Chanshev Ufa davlat neft-texnika universiteti to’g’risida ma’lumot berib, mos yo’nalishlar kesimida akamedik mobillik, malaka oshirish, stajirovkalarni tashkil etish, hamkorlikda loyihalar ishlab chiqish bo’yicha takliflarni berdi.
BuxDU rektori Obidjon Xamidov, universitet to’g’risida ma’lumotlarni almashib, bugungi kunda ta’lim sohasida islohotlar natijasida universitetda amalga oshirib borilayotgan ishlar, fan sohalari, xalqarolashish, ta’lim sifatini oshirish va kadrlarga qo’yilgan talablar yuqori ekanligini ta’kidlab o’tdi.
Uchrashuvda o’quv ishlari bo’yicha prorektor Rustam Jumayev, xalqaro hamkorlik departamenti boshlig’i Muhriddin Qilichov hamda kimyo, fizika yo’nalishlari kafedra mudirlari ishtirok etdi.
Yakunda mos yo’nalishlar bo’yicha o’quv rejalarni almashish, o’rganish va akademik mobillikni bosqichma-bosqich oshirish bo’yicha yo’l xarita ishlab chiqib, amalga oshirishga kelishildi.
