26-yanvar kuni prorektor A.Jo‘rayev "APEX Life" sug‘urta kompaniyasi Buxoro hududiy filiali direktori O.Jo‘rayev bilan uchrashuv o‘tkazdi.
APEX Life sug‘urta kompaniyasi ayni paytda mamlakatimizning eng jadal rivojlanayotgan sug‘urta kompaniyalaridan biri bo‘lib, kompaniya tomonidan ko‘rsatiladigan yuqori sifatli xizmatlar ko‘lami kengayib bormoqda.
Ushbu kompaniya bilan Buxoro davlat universiteti o‘rtasida hamkorlik shartnomasi imzolangan bo‘lib, kompaniya BuxDU professor-o‘qituvchilari, xodimlari va talabalari uchun xilma-xil sug‘urta xizmatlarini taklif etish qatorida o‘quv-uslubiy sohada ham hamkorlik qilishdan manfaatdordir. Shu jumladan, hamkorlikda sug‘urta sohasida treninglar, maʼruzalar, master-klasslar tashkil qilishga kelishib olingan.
Bugungi uchrashuvda O. Jo‘rayev Buxoro davlat universiteti APEX Life sug‘urta kompaniyasining rasmiy hamkori sifatida tan olinganligini tasdiqlovchi sertifikatni topshirdi. Endi universitetimiz jamoasi va talabalarimiz ushbu kompaniya xizmatlaridan imtiyozli ravishda foydalanishlari mumkin bo‘ladi. O‘zaro uchrashuvda kompaniya mahsulotlarini tanishitirish maqsadida taqdimotlar o‘tkazilishiga kelishib olindi.
Kompaniya faoliyati bilan rasmiy veb-sahifada ham tanishish mumkin: www.apexlife.uz
