Yoshlarni ish bilan ta'minlash masalasi bugungi kun uchun eng dolzarb vazifalardan biridir. Yoshlar uchun yangi ish o‘rinlari ochish, ularning halol mehnat qilib, daromad topishi maqsadida BuxDUda ham tizimli ko‘pgina ishlar amalga oshirilmoqda.
Universitet Karyera markazi va Buxoro shahar Bandlikka ko'maklashish markazi bilan hamkorlikda Bo'sh ish o'rinlari mehnat yarmarkasi bo`lib o`tdi.
"Karyera kuni-2024" doirasida o'qishni tamomlab, bugungi kunga qadar ish bilan band bo'lmagan bitiruvchilar, joriy o'quv yili bitiruvchilari hamda ayni damda o'qishdan tashqari bo'sh vaqtlarida ishlash istagida bo'lgan talaba-yoshlar 50 dan ortiq hamkor tashkilotlarning 1050 ta bo'sh ish o'rni bilan tanishishdi.
Xususan, yarmarkada "ENTER Engineering Pte.Ltd." kompaniyasi o'zining bir qator yo'nalishlarda 1500 ta bo'sh ish o'rni bilan ishtirok etib, 30 dan ortiq talabadan rezyume qabul qilishdi.
