Ona yurtimiz har doim o‘zining mard, jasur yigitlari bilan faxrlanib kelgan. Yigitlarimiz ota-onasi, oilasi tinchligini, o‘zi yashayotgan yurt tuprog‘ini muqaddas bilib, Vatan himoyasi uchun doimo shay turishni burch deb hisoblashganyu
14-yanvar yurti uchun, xalqi uchun jon berishga ham shay turgan O‘zbekistonning mard o‘g‘lonlari kuni! Ushbu bayramning nishonlanishi xalqimizning o‘z armiyasiga nisbatan cheksiz hurmatini, yigitlariga nisbatan iftixorini bildiradi.
Shu munosabat bilan Buxoro davlat universiteti Maktabgacha va boshlang‘ich ta’lim kafedralari hamkorligida “Vatan himoyasi – muqaddas burch” mavzusida ma’naviy-ma’rifiy tadbir o‘tkazildi. O‘zbekiston Respublikasi Qurolli Kuchlari tashkil etilganligining 32 yilligi hamda 14-yanvar Vatan himoyachilari kuni munosabati bilan ko‘tarinki ruhda o‘tkazilgan tantana mobaynida iste’dodli talaba-yoshlar o‘z iqtidorlarini namoyon etishdi. Respublikamiz Qurolli kuchlarining salohiyati va obro‘si, mamlakatimiz mustaqilligi hamda xududiy yaxlitligi, xalqimizning tinch hayotini va mustaqillikni mustahkamlash yo‘lidagi bunyodkorlik mehnatini tarannum etgan sahna ko‘rinishlari, harbiy vatanparvarlik chiqishlari, kuy va qo‘shiqlar mehmonlarda armiyamizga nisbatan muhabbat va ko‘tarinki kayfiyat uyg‘otdi.
