Buxoro davlat universitetida jadidchilikka asos solinishi tarixi, uning namoyondalari taqdiri, 1917 yilgi siyosiy voqealarining islohotchilar harakatiga ta’siri, shuningdek, jadidlarning O‘zbekiston tarixida qoldirgan izi haqida haqida hikoya qiluvchi "Armon" hujjatli filmining premerasi bo‘lib o‘tdi.
Kino namoyishidan avval Fayzulla Xo‘jayevning jiyani, turkolog olim, professor Temur Xo‘ja Usmonxo‘ja o‘g‘li, Buxoro Yozuvchilar uyushmasi raisi, shoir Shodmon Sulaymon, O‘zbekiston Respublikasi Ma’naviyat va ma’rifat markazi Buxoro viloyati bo‘limi rahbari Marhabo Pardayeva, Ichki ishlar xodimlari, BuxDU rahbariyati vakillari, professor-o‘qituvchilar hamda talaba-yoshlar jadidlar yetakchisi Fayzulla Xo‘jayev byusti poyiga gul qo‘yishdi.
Ma’lumot o‘rnida aytish joizki, yurtimiz va jahonning yetakchi tarixchilari ko‘magida "Blue White and Green Production" tomonidan suratga olingan "Armon" hujjatli filmida buyuk ajdodlarimizning vatan istiqloli yo‘lida chekkan zahmatlari hamda ularga nisbatdan mustamlakachi hukumat tomonidan amalga oshirilgan nohaqliklar haqida batafsil so‘zlangan. Bu murakkab va dardga to‘la film uchun ulkan jamoa 2 yildan ortiqroq vaqt sarflagan.
Ma’rifatparvarlar haqida qancha ko‘p hikoya qilinmasin — shuncha oz, chunki jadidlar xotirasi oldida juda qarzdormiz. Umuman, bugungi tahlikali zamonda bu o‘ta muhim mavzudir.
