BAAning Dubay shahrida 150 dan ortiq mamlakatdan davlat va hukumat rahbarlari, olimlar, fuqarolik jamiyati vakillarini bir nuqtaga jamlagan BMT xalqaro iqlim konferensiyasida (COP28) davlatlar rahbarlari Iqlim inqirozi bo‘yicha pozisiyalari to‘g‘risida milliy bayonotlar bilan chiqishdi.
Shuningdek, O‘zbekiston Respublikasi Prezidenti Shavkat Mirziyoyev iqlim o‘zgarishlari bilan kurashish va "yashil" iqtisodiyotga o‘tish zarurligi xususida ma’ruza qildi.
Shu kunlarda Buxoro davlat universiteti rektori Obidjon Xamidov ham Birlashgan Millatlar Tashkilotining iqlim o‘zgarishi bo‘yicha konferensiyasi (COP28) doirasida mazkur shaharda bo‘lib turibdi. BuxDU rektori Obidjon Xamidov Dubayga xizmat safari chog‘ida Iqlim o‘zgarishi bo‘yicha konferensiyasi (COP28) doirasida tashkil etilgan O‘zbekiston pavilionida bo‘ldi. Shuningdek, BuxDU rektori Obidjon Xamidov "Advancing Sustainable Futures" xalqaro konferensiyasida "Ecotourism in Post-Pandemic Conditions: Development Trends, Problems and Solutions" mavzusidagi ilmiy maqolasi va taqdimoti bilan xalqaro olimlar oldida chiqish qildi.
Har yili an’anaviy tarzda dekabr oyida bo‘lib o‘tadigan 2023 UI GreenMetric World University Rankings Results and Awards taqdirlash marosimi BAAning Abu-Dabi universitetida bo‘lib o‘tdi. BuxDU rektori Obidjon Xamidov “The 2023 UI GreenMetric World University Rankings Results and Awards” taqdirlash marosimida O‘zbekiston bo‘yicha milliy koordinator sifatida ishtirok etdi.
COP28 doirasida bo‘lib o‘tayotgan "Advancing Sustainable Futures" xalqaro konferensiyasi kun tartibiga ko‘ra, taqdirlash marosimida Ul GreenMetric xalqaro reytingining 2023-yil natijalari e’lon qilindi. Unda Buxoro davlat universiteti "The Most Active National Coordinator in the World" nominatsiyasi bo‘yicha g‘oliblikni qo‘lga kiritdi.
Shu yo‘nalishdagi amalga oshirilgan seminarlar, workshop va turli xildagi tadbirlar natijasi sifatida mazkur reytingda ishtirok etayotgan OTMlarimiz sonini e’tirof etsak bo‘ladi. 2022-yilda 20 ta OTM qatnashgan bo‘lsa, 2023-yilda 41 ta OTM ishtirok etgan.
