Bugun universitet huzuridagi “My office” kovorking markazida “TechnoWays” texnologik rivojlanish marafoni g‘oliblarini taqdirlash marosimi bo‘lib o‘tdi. “TechnoWays” texnologik rivojlanish marafoni O‘zbekiston Respublikasi Oliy ta’lim, fan va innovatsiyalar vazirligining 2023-yil 3-aprel kunidagi 03/42-252-sonli xati hamda universitet rektorining 2023-yil 26-apreldagi “Universitet talabalarining ilmiy, innovatsion va startap loyihalarini rivojlantirish va rag‘batlantirish maqsadida “TechnoWays” texnologik rivojlanish marafonini o‘tkazish to‘g‘risida”gi 190-U-sonli buyrug‘iga asosan o‘tkazildi.
“TechnoWays” texnologik rivojlanish marafoni ilmiy va innovatsion g‘oyalar, loyihalarni saralab olish, yoshlarni qo‘llab-quvvatlash maqsadidagi marafon bo‘lib, yoshlarning ilmiy va innovatsion salohiyatini namoyon etish, mazkur sohadagi istiqbolli loyihalarni dastlabki bosqichda aniqlash va ularni har tomonlama qo‘llab-quvvatlashga, tijoratlashtirish darajasiga olib chiqishga va o‘z navbatida, loyihalarni amaliyotga joriy etishga qaratilgan marafon hisoblanadi.
Loyihalar tanlov komissiyasi tomonidan: 1) G‘oya yoki loyihaning ilmiy va innovatsion yangiligi; 2) G‘oya yoki loyihaning aniq bir muammoning yechimiga yo‘naltirilganligi; 3) Mavjud analoglaridan afzalligi; 4) Biznes modeli va monetizatsiyasi 5) G‘oyaning amalga oshirishdan kutilayotgan natijalar 6) Loyiha taqdimotining mukammalligi 7) Loyiha pasporti, biznes-rejasi va xarajatlar smetasi hujjatlari to‘ldirilganligi kabi mezonlar asosida (maksimal 80 ball) baholandi. Tanlov yakunida komissiya a’zolarining loyihalarga qo‘ygan ballari umumlashtirildi hamda loyiha bo‘yicha o‘rtacha ball hisoblandi. Baholash natijalariga ko‘ra:
- Fizika-matematika fakulteti talabasi Safoyev Shahzod Shuxratovichning “Qishloq xo‘jaligida boshoqli don mahsulotlarini yig‘uvchi MINI MK-5 mashinasi (texnikasi)” loyihasi 1-o‘ringa munosib deb topildi hamda 3,0 mln. so‘m miqdorida rag‘batlantirildi;
- Iqtisodiyot va turizm fakulteti talabasi Salimova Sofiya Sobirovnaning “Emergency Nursing” loyihasi 2-o‘ringa munosib deb topildi hamda 2,0 mln. so‘m miqdorida rag‘batlantirildi;
- Axborot texnologiyalari fakulteti talabasi Rajabboyev Akobirjon Alimardon o‘g‘lining “O‘zHuquq” loyihasi 3-o‘ringa munosib deb topildi hamda 1,0 mln. so‘m miqdorida rag‘batlantirildi.
Marafon g‘oliblari tanlovning keyingi hududiy va Respublika bosqichlariga Buxoro davlat universiteti nomidan ishtirok etishadi.